ജിയോ ബിസിനസിന് തുടക്കം കുറിച്ച് റിലയൻസ് ജിയോ
ഇന്ത്യയിൽ 5 കോടി മൈക്രോ, ചെറുകിട, ഇടത്തരം സംരംഭങ്ങളെ പരിവർത്തനം ചെയ്യുന്നതിനായി റിലയൻസ് ജിയോ ഒരു സംയോജിത സാങ്കേതിക പരിഹാരമായി ജിയോ ബിസിനസ് ആരംഭിച്ചു. വോയ്സ്, ഡാറ്റ സേവനങ്ങൾ വാഗ്ദാനം ചെയ്യുന്ന എന്റർപ്രൈസ്-ഗ്രേഡ് ഫൈബർ കണക്റ്റിവിറ്റി കമ്പനി വാഗ്ദാനം ചെയ്യുന്നു.
വാഹന രജിസ്ട്രേഷൻ ഫെബ്രുവരിൽ 13.43 ശതമാനം കുറഞ്ഞതായി എഫ്.എ.ഡി.എ
ഫെബ്രുവരിയിൽ പ്രതിവർഷ വാഹന രജിസ്ട്രേഷൻ 13.43 ശതമാനം കുറഞ്ഞ് 14.99 ലക്ഷമായി. പോയവർഷം ഇതേകാലയളവിൽ 17.43 ലക്ഷമായിരുന്നു. ഫെഡറേഷൻ ഓഫ് ഓട്ടോ മൊബെെൽ ഡീലർസ് അസോസിയേഷനാണ് ഇത് സംബന്ധിച്ച കണക്കുകൾ പുറത്തുവിട്ടത്.
മുംബെെയിൽ റെസിഡൻഷ്യൽ പദ്ധതിക്കായി 450 കോടി രൂപ നിക്ഷേപിക്കാനൊരുങ്ങി പുരവങ്കര ലിമിറ്റഡ്
മുംബൈയിലെ ചെമ്പൂരിൽ മിക്സഡ് യൂസ് റെസിഡൻഷ്യൽ പ്രോജക്റ്റ് വികസിപ്പിക്കുന്നതിനായി പുരവങ്കര ലിമിറ്റഡ് 450 കോടി രൂപ നിക്ഷേപിക്കും. ‘പൂർവ ക്ലർമോണ്ട്’ എന്ന് പേരിട്ടിരിക്കുന്ന പ്രോജക്റ്റ്
മൂന്ന് മാസത്തിനുള്ളിൽ ആരംഭിക്കുമെന്നും 2025 ഓടെ ഇത് പൂർത്തിയാക്കുമെന്നും കമ്പനി പറഞ്ഞു.
700 മെഗാവാട്ട് ഇലക്ട്രിക്കൽ സ്റ്റീം ജനറേറ്ററുകൾ വിതരണം ചെയ്ത് എൽ ആന്റ് ടി
ഗോരഖ്പൂർ ഹരിയാന അനു വിദ്യുത് പരിയോജനക്കായി ആദ്യത്തെ 700 മെഗാവാട്ട് ഇലക്ട്രിക്കൽ സ്റ്റീം ജനറേറ്ററുകൾ ലാർസൻ ആന്റ് ട്യൂബ്രോ വിതരണം ചെയ്തു. ഇതിലൂടെ ആണവ നിർമാണ വ്യവസായത്തിൽ കമ്പനി ഒരു പുതിയ ആഗോള മാനദണ്ഡം സൃഷ്ടിച്ചു.
മാലിദ്വീപിൽ 2000 സോഷ്യൽ ഹൌസിംഗ് യൂണിറ്റുകൾ നിർമ്മിക്കാൻ ജെഎംസി പ്രോജക്ട്സ് കരാറിൽ ഏർപെട്ടു
മാലിദ്വീപിലെ ഹുൽമാലെ ദ്വീപിൽ 2,000 സോഷ്യൽ ഹൌസിംഗ് യൂണിറ്റുകളുടെ രൂപകൽപ്പന, നിർമ്മാണം എന്നിവയ്ക്കായി ജെഎംസി പ്രോജക്ട്സ് ലിമിറ്റഡ് ഫാഹി ധീരിയുൾ കോർപ്പറേഷൻ ലിമിറ്റഡുമായി കരാർ ഒപ്പുവച്ചു. പദ്ധതിയുടെ ആകെ മൂല്യം 137 ദശലക്ഷം ഡോളറാണ്.
92 മെഗാവാട്ട് കാറ്റാടി വൈദ്യുതി പദ്ധതിക്കായി കരാറിൽ ഏർപ്പെട്ട് ഐനോക്സ് വിൻഡ്
92 മെഗാവാട്ട് കാറ്റാടി വൈദ്യുതി പദ്ധതി സ്ഥാപിക്കുന്നതിനായി ഐനോക്സ് വിൻഡ് ലിമിറ്റഡ് ഇന്റഗ്രം എനർജി ഇൻഫ്രാസ്ട്രക്ചറുമായി കരാർ ഒപ്പിട്ടു. അടുത്ത സാമ്പത്തിക വർഷത്തോടെ ഗുജറാത്ത്, കർണാടക, മഹാരാഷ്ട്ര, തമിഴ്നാട് എന്നിവിടങ്ങളിൽ കാറ്റാടി യന്ത്രങ്ങൾ സ്ഥാപിക്കുമെന്നും കമ്പനി പറഞ്ഞു.
Easy Trip Planners IPO, രണ്ടാം ദിനം, 7.20 തവണ സബ്സ്ക്രൈബു ചെയ്യപെട്ടു
Easy Trip Planners ഐ.പി.ഒ രണ്ടാം ദിനം 7.20 തവണ സബ്സ്ക്രൈബു ചെയ്യപ്പെട്ടു. വിതരണത്തിനായി നൽകിയ 1.5 കോടി ഷെയറുകൾക്ക് വേണ്ടി 10.85 കോടി ഓഹരികൾക്കുള്ള അപേക്ഷ ലഭിച്ചു. റീട്ടെയിൽ നിക്ഷേപകർക്കായി കരുതിവച്ചിരിക്കുന്ന ഭാഗം 32.71 തവണ സബ്സ്ക്രൈബു ചെയ്യപ്പെട്ടു.
കംപ്രസ്ഡ് ബയോഗ്യാസ് പ്ലാന്റ് സ്ഥാപിക്കാൻ എച്ച് പി സി എല്ലിൽ നിന്നും ഉത്തരവ് ലഭിച്ചതായി പ്രജ് ഇൻഡസ്ട്രീസ്
ഉത്തർപ്രദേശിൽ കംപ്രസ്ഡ് ബയോഗ്യാസ് പ്ലാന്റ് സ്ഥാപിക്കാൻ പ്രജ് ഇൻഡസ്ട്രീസിന് ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡിൽ നിന്നും ഉത്തരവ് ലഭിച്ചു. 12 മാസത്തിനുള്ളിൽ പദ്ധതി പൂർത്തീകരിക്കുമെന്ന് പ്രജ് ഇൻഡസ്ട്രീസ് പറഞ്ഞു.
