വെഹിക്കിൾ സ്ക്രാപ്പേജ് പോളിസി അവതരിപ്പിച്ച് പ്രധാനമന്ത്രി നരേന്ദ്ര മോദി
പഴയ വാഹനങ്ങൾ പൊളിക്കുന്നതിനുള്ള സ്ക്രാപ്പേജ് പോളിസി അവതരിപ്പിച്ച് പ്രധാനമന്ത്രി നരേന്ദ്ര മോദി. സ്വകാര്യ വാഹനങ്ങൾക്ക് 20 വർഷവും വാണിജ്യവാഹനങ്ങൾക്ക് 15 വർഷവുമെന്ന കാലാവധിയെ അടിസ്ഥാനമാക്കിയാണ് പുതിയ പദ്ധതി രൂപീകരിച്ചിട്ടുള്ളത്. സ്ക്രാപ്പേജ് പോളിസി 10,000 കോടി രൂപയുടെ നിക്ഷേപം കൊണ്ടുവരുമെന്നും ഇതിലൂടെ ഓട്ടോമൊബൈൽ നിർമാണത്തിന്റെ വ്യാവസായിക കേന്ദ്രമായി രാജ്യം മാറുമെന്നും മോദി പറഞ്ഞു.
സ്പുട്നിക് വി വാക്സിൻ വിതരണത്തിനായി ആർഡിഐഎഫുമായി കെെകോർത്ത് വോക്ക്ഹാർഡ്
സ്പുട്നിക് വി വാക്സിൻ നിർമിക്കുന്നതിനും വിതരണം ചെയ്യുന്നതിനുമായി റഷ്യൻ ഡയറക്ട് ഇൻവെസ്റ്റ്മെന്റ് ഫണ്ട്, എൻസോ ഹെൽത്ത് കെയർ എന്നിവരുമായി പങ്കാളിത്തത്തിൽ ഏർപ്പെട്ട് വോക്ക്ഹാർഡ് ലിമിറ്റഡ്. ദുബായ് ആസ്ഥാനമായി പ്രവർത്തിക്കുന്ന എൻസോ ഹെൽത്ത്കെയർ, സ്പുട്നിക് വി വാക്സിനുകൾ ഇന്ത്യയിൽ ലഭ്യമാക്കുന്നതിനുള്ള ആർഡിഐഎഫിന്റെ ഏകോപന പങ്കാളി കൂടിയാണ്.
പുറവങ്കര ക്യു 1 ഫലം, അറ്റാദായം 154 കോടി രൂപയായി
ജൂണിലെ ഒന്നാം പാദത്തിൽ പുറവങ്കരയുടെ പ്രതിവർഷ ഏകീകൃത അറ്റാദായം 154.14 കോടി രൂപയായി രേഖപ്പെടുത്തി. പോയവർഷം ഇതേകാലയളവിൽ കമ്പനി 16.9 കോടി രൂപയുടെ നഷ്ടം രേഖപ്പെടുത്തിയിരുന്നു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം മൂന്ന് മടങ്ങ് വർദ്ധിച്ച് 542 കോടി രൂപയായി.
സാൻ ഡിയാഗോ സിറ്റിയുമായി മൾട്ടി മില്യൺ ഡോളർ കരാർ ഒപ്പുവച്ച് സെൻസർ ടെക്
സാൻ ഡിയാഗോ സിറ്റിയുമായി നാല് വർഷത്തെ, മൾട്ടി മില്യൺ ഡോളർ കരാർ ഒപ്പുവച്ച് സെൻസർ ടെക്നോളജീസ്. ജോലിസ്ഥലവും എന്റർപ്രൈസ് മാനേജ്മെന്റ് പരിഹാരങ്ങളും നൽകുന്നതിനായാണ് കരാർ. സാൻ ഡിയാഗോയിൽ 300 ലധികം സിറ്റി ആപ്ലിക്കേഷൻ സിസ്റ്റങ്ങൾ ഹോസ്റ്റുചെയ്യുന്ന 1,000 -ലധികം സെർവറുകൾക്കും അനുബന്ധ സോഫ്റ്റ്വെയറുകൾക്കും കമ്പനി പിന്തുണ നൽകും.
ഗ്രാസിം ഇൻഡസ്ട്രീസ് ക്യു 1 ഫലം, അറ്റാദായം 481 കോടി രൂപയായി
ജൂണിലെ ഒന്നാം പാദത്തിൽ ഗ്രാസിമ്മിന്റെ പ്രതിവർഷ ഏകീകൃത അറ്റാദായം 481.6 കോടി രൂപയായി രേഖപ്പെടുത്തി. പോയവർഷം ഇതേകാലയളവിൽ കമ്പനി 282.9 കോടി രൂപയുടെ നഷ്ടം രേഖപ്പെടുത്തിയിരുന്നു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 182 ശതമാനം വർദ്ധിച്ച് 3762.68 കോടി രൂപയായി. കമ്പനിയുടെ ചെലവ് 79.3 ശതമാനം വർദ്ധിച്ച് 3282 കോടി രൂപയായി.
ഗുജറാത്തിൽ 100 മെഗാവാട്ടിന്റെ സോളാർ പദ്ധതി ആരംഭിച്ച് ടാറ്റാ പവർ റിന്യൂവബിൾ എനർജി
ഗുജറാത്തിലെ രാഘനെസ്ഡ സോളാർ പാർക്കിൽ 100 മെഗാവാട്ടിന്റെ സോളാർ പദ്ധതി ആരംഭിച്ച് ടാറ്റാ പവർ റിന്യൂവബിൾ എനർജി ലിമിറ്റഡ്. ടിപിആർഇഎല്ലിന്റെ മൊത്തം സ്ഥാപിത ശേഷി 2,797 മെഗാവാട്ടാണ്, 1,865 മെഗാവാട്ട് സൗരോർജ്ജവും 932 മെഗാവാട്ട് കാറ്റിൽ നിന്നുമുള്ള വൈദ്യുതിയും ശേഷിയുമുണ്ട്. ടാറ്റാ പവറിന്റെ അനുബന്ധ സ്ഥാപനമാണ് ടിപിആർഇഎൽ.
സുവൻ ഫാർമ ക്യു 1 ഫലം, അറ്റാദായം 14 ശതമാനം വർദ്ധിച്ച് 105 കോടി രൂപയായി
ജൂണിലെ ഒന്നാം പാദത്തിൽ സുവൻ ഫാർമയുടെ പ്രതിവർഷ ഏകീകൃത അറ്റാദായം 14 ശതമാനം വർദ്ധിച്ച് 105 കോടി രൂപയായി. അറ്റാദായം മുൻ പാദത്തെ അപേക്ഷിച്ച് 26.43 ശതമാനമായി വർദ്ധിച്ചു. ഇതേകാലയളവിൽ കമ്പനിയുടെ മൊത്തം പ്രതിവർഷ വരുമാനം 10 ശതമാനം വർദ്ധിച്ച് 269.58 കോടി രൂപയായി.
കാഡില ഹെൽത്ത് കെയറിന്റെ മെസലാമിൻ റിലീസ് കാപ്സ്യൂളുകൾക്ക് യുഎസ്എഫ്ഡിഎയുടെ അനുമതി ലഭിച്ചു
കാഡില ഹെൽത്ത് കെയറിന്റെ മെസലാമിൻ റിലീസ് കാപ്സ്യൂളുകൾക്ക് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷന്റെ അനുമതി ലഭിച്ചു. അഹമ്മദാബാദിലെ കാഡിലയുടെ ഫോർമുലേഷൻ നിർമാണ കേന്ദ്രത്തിൽ മരുന്ന് നിർമിക്കും.
