സൈഡസ് കാഡിലയുടെ സൈകോവ് ഡി വാക്സിന് അടിയന്തര ഉപയോഗത്തിന് അനുമതി ലഭിച്ചു
സൈഡസ് കാഡിലയുടെ കൊവിഡ് വാക്സിൻ സൈകോവ് ഡിയ്ക്ക് അടിയന്തര ഉപയോഗത്തിന് അനുമതി നൽകി. വിദഗ്ദ്ധ സമിതിയുടെ ശുപാര്ശയ്ക്ക് പിന്നാലെ സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷനാണ് വാക്സിന് അനുമതി നൽകിയത്. വാക്സിൻ 28,000 ത്തിലധികം പേരിൽ നടത്തിയ പരീക്ഷണത്തിൽ 66.66 ശതമാനം ഫലപ്രദമാണെന്ന് കണ്ടെത്തി.
ടിടികെ പ്രസ്റ്റീജിന്റെ ഖാർഡി യൂണിറ്റിൽ പ്രവർത്തനങ്ങൾ ആരംഭിച്ചതായി കമ്പനി വ്യക്തമാക്കി
ടിടികെ പ്രസ്റ്റീജിന്റെ മഹാരാഷ്ട്രയിലെ ഖാർഡി യൂണിറ്റിൽ പ്രവർത്തനങ്ങൾ ആരംഭിച്ചതായി കമ്പനി വ്യക്തമാക്കി. 2020 നവംബറിലാണ് ഖാർഡി യൂണിറ്റ് അടച്ചിടാൻ കമ്പനി മാനേജ്മെന്റ് തീരുമാനിച്ചിരുന്നത്. പുതിയ സെറ്റിൽമെന്റിന് കീഴിൽ മെച്ചപ്പെട്ട ഉത്പാദനക്ഷമത മാനദണ്ഡങ്ങൾ അംഗീകരിച്ച് പ്രവർത്തിക്കുമെന്ന് തൊഴിലാളികൾ ഉറപ്പ് നൽകി.
1500 മെഗാവാട്ടിന്റെ സോളാർ പാർക്ക് പ്രോജക്ട് സ്വന്തമാക്കി അശോക ബിൽഡ്കോൺ
മധ്യപ്രദേശിൽ 1500 മെഗാവാട്ടിന്റെ സോളാർ പാർക്ക് പ്രോജക്ട് സ്വന്തമാക്കി അശോക ബിൽഡ്കോൺ. റീവ അൾട്രാ മെഗാ സോളാറിൽ നിന്നുമാണ് കമ്പനിക്ക് പുതിയ പദ്ധതി ലഭിച്ചത്. പദ്ധതിയുടെ മൊത്തം കരാർ വില 186.11 കോടി രൂപയാണ്. മഹാരാഷ്ട്രയിലെ പ്രമുഖ നിർമാണ എഞ്ചിനീയറിംഗ് കമ്പനിയാണ് അശോക ബിൽഡ്കോൺ.
യുഎസ് പേറ്റന്റ് വ്യവഹാരത്തിൽ നാറ്റ്കോ ഫാർമയ്ക്ക് തിരിച്ചടി
ചിക്കാഗോ ആസ്ഥാനമായുള്ള അബീവിന്റെ ഫാർമസൈക്ലിക്സ് എൽ.എൽ.സിയുടെ ഇംബ്രുവിക്കയുമായി ബന്ധപ്പെട്ട പേറ്റന്റ് വ്യവഹാരത്തിൽ നാറ്റ്കോ ഫാർമയ്ക്ക് തിരിച്ചടി. യുഎസ് ഡിസ്ട്രിക്റ്റ് കോടതിയാണ് നാറ്റ്കോ ഫാർമയ്ക്കും പങ്കാളിയായ അൽവോജനും എതിരെ വിധി പ്രഖ്യാപിച്ചത്.
14 പുതിയ ആഭ്യന്തര വിമാന സർവീസുകൾ ആരംഭിച്ച് സ്പൈസ് ജെറ്റ്
14 പുതിയ ആഭ്യന്തര വിമാന സർവീസുകൾ ആരംഭിച്ച് സ്പൈസ് ജെറ്റ്. ഭാവ്നഗർ-ഡൽഹി, ഭാവ് നഗർ-സൂറത്ത്, ഗ്വാളിയർ-ജയ്പൂർ, കിഷൻഗഡ് -മുംബൈ, പുണെ-തിരുപ്പതി, വാരാണസി-ഡെറാഡൂൺ എന്നിവയെ ബന്ധിപ്പിക്കുന്ന ആദ്യ എയർലൈനാണിത്. ഗുജറാത്ത്- മുംബൈയുമായി ബന്ധിപ്പിക്കുന്ന ഒരു നോൺ-സ്റ്റോപ്പ് ഫ്ലൈറ്റ് ആരംഭിക്കാനും എയർലൈൻ കമ്പനി പദ്ധതിയിടുന്നു.
‘ചെറുകിട ബിസിനസ് വായ്പ സംരംഭം’ ആരംഭിച്ച് ഫേസ്ബുക്ക് ഇന്ത്യ
സോഷ്യൽ മീഡിയ പ്ലാറ്റ്ഫോമിൽ പരസ്യം ചെയ്യുന്ന ചെറുകിട, ഇടത്തരം ബിസിനസുകൾക്ക് സ്വതന്ത്ര വായ്പ നൽകുന്നതിനായി ‘ചെറുകിട ബിസിനസ് വായ്പ സംരംഭം’ ആരംഭിച്ച് ഫേസ്ബുക്ക് ഇന്ത്യ. ഈ പ്രോഗ്രാം നടപ്പിലാക്കുന്ന ആദ്യ ഫേസ്ബുക്ക് രാജ്യമാണ് ഇന്ത്യ. ഇന്ത്യയിലുടനീളമുള്ള 200 പട്ടണങ്ങളിലും നഗരങ്ങളിലുമായി രജിസ്റ്റർ ചെയ്തിട്ടുള്ള ബിസിനസുകൾക്കായാണ് ഈ സംരംഭം തുറന്നിരിക്കുന്നത്.
81 കോടി രൂപയുടെ കയറ്റുമതി ഓർഡർ സ്വന്തമാക്കി സ്റ്റീൽ സ്ട്രിപ്പ് വീൽസ്
81 കോടി രൂപയുടെ കയറ്റുമതി ഓർഡർ സ്വന്തമാക്കി സ്റ്റീൽ സ്ട്രിപ്പ് വീൽസ്. ചെന്നൈ, ഡാപ്പർ പ്ലാന്റുകളിൽ നിന്ന് 2021 ഡിസംബറോടെ ഓർഡറുകൾ നടപ്പിലാക്കുന്നത് കമ്പനി പൂർത്തിയാക്കും.
സ്മാർട്ട്മെറ്റേഴ്സ് ടെക്നോളജീസിന്റെ 50 ശതമാനം ഓഹരി ഏറ്റെടുത്ത് അദാനി ടോട്ടൽ ഗ്യാസ്
സ്മാർട്ട്മെറ്റേഴ്സ് ടെക്നോളജീസിന്റെ 50 ശതമാനം ഓഹരി ഏറ്റെടുത്ത് അദാനി ടോട്ടൽ ഗ്യാസ്. ഗുജറാത്ത് സ്റ്റേറ്റ് എക്സ്പോർട്ട് കോർപ് ലിമിറ്റഡ് (ജിഎസ്ഇസി), സ്മാർട്ട്മെറ്റേഴ്സ് ടെക്നോളജീസ് പ്രൈവറ്റ് ലിമിറ്റഡ് എന്നിവരുമായി കമ്പനി കരാറിൽ ഒപ്പുവച്ചു. ഏറ്റെടുക്കൽ 2021 സെപ്റ്റംബറിൽ പൂർത്തിയാകുമെന്ന് പ്രതീക്ഷിക്കുന്നു.
