ഐ.സി.ഐ.സി.ഐ ബാങ്ക് ക്യു 3 ഫലം: അറ്റാദായം 19 ശതമാനം വർദ്ധിച്ച് 4,940 കോടി രൂപയായി
ഡിസംബറിലെ മൂന്നാം പാദത്തിൽ ഐ.സി.ഐ.സി.ഐ ബാങ്കിന്റെ അറ്റാദായം 19% വർദ്ധിച്ച് 4,940 കോടി രൂപയായി. ഇതേ കാലയളവിൽ പ്രതിവർഷ Net interest income 16 ശതമാനം ഉയർന്ന് 9,912 കോടി രൂപയായി.
എൽ ആന്റ് ടി ഫിനാൻസ് ഹോൾഡിംഗ്സിന്റെ റെെറ്റ് ഇഷ്യൂ ഫെബ്രുവരി 1ന് ആരംഭിക്കും
എൽ ആന്റ് ടി ഫിനാൻസ് ഹോൾഡിംഗ്സിന്റെ 2,998.61 കോടി രൂപയുടെ റെെറ്റ് ഇഷ്യൂ ഫെബ്രുവരിന് 1ന് ആരംഭിക്കും. (നിലവിലുള്ള ഓഹരി ഉടമകൾക്ക് കൂടുതൽ ഓഹരികൾ വാങ്ങുന്നതിനുള്ള അവസരമാണ് റെെറ്റ് ഇഷ്യൂ.) 46.13 ഇക്യൂറ്റി ഷെയറുകളാണ് ഓഹരി ഒന്നിന് 65 രൂപ വീതം കമ്പനി നൽകുന്നത്.
ശ്രീ സിമൻറ് ക്യു 3 ഫലം: അറ്റാദായം 102 ശതമാനം വർദ്ധിച്ച് 626 കോടി രൂപയായി
ഡിസംബറിലെ മൂന്നാം പാദത്തിൽ ശ്രീ സിമൻറിന്റെ അറ്റാദായം 102 ശതമാനം ഉയർന്ന് 626.2 കോടി രൂപയായി. അതേ കാലയളവിൽ കമ്പനിയുടെ പ്രതിവർഷ വരുമാനം 16.2 ശതമാനം വർദ്ധിച്ച് 3,309.4 കോടി രൂപയായി.
യുഎസ് കമ്പനി പിംകോർ ഗ്ലോബൽ ഏറ്റെടുക്കാനൊരുങ്ങി ഹാപ്പിയസ്റ്റ് മൈൻഡ്
യുഎസ് ആസ്ഥാനമായ പിംകോർ ഗ്ലോബൽ 60 കോടി രൂപയ്ക്ക് ഏറ്റെടുക്കുമെന്ന് അറിയിച്ച് ഹാപ്പിയസ്റ്റ് മെെൻഡ്. ഡിജിറ്റൽ ഇ-കൊമേഴ്സ്, ഡാറ്റ മാനേജ്മെന്റ് സൊല്യൂഷൻസ് കമ്പനിയാണ് പിംകോർ ഗ്ലോബൽ.
സെയിൽ ക്യു 3 ഫലം: അറ്റാദായം 1,468 കോടി രൂപയായി
ഡിസംബറിലെ മൂന്നാം പാദത്തിൽ സ്റ്റീൽ അതോറിറ്റി ഓഫ് ഇന്ത്യയുടെ (SAIL) അറ്റാദായം 1468.20 കോടി രൂപയായി. കഴിഞ്ഞ സാമ്പത്തിക വർഷം ഇതേ കാലയളവിൽ കമ്പനി 343.57 കോടി രൂപയുടെ നഷ്ടം രേഖപ്പെടുത്തിയിരുന്നു. പ്രതിവർഷ വരുമാനം ഇതേ കാലയളവിൽ 20 ശതമാനം ഉയർന്ന് 19835 കോടി രൂപയായി.
രാജസ്ഥാനിലെ ട്രാൻസ്മിഷൻ പ്രോജക്ടുകൾക്കുള്ള ബിഡ്ഡിംഗ് വിജയകരമായതായി പ്രഖ്യാപിച്ച് പവർ ഗ്രിഡ്
പവർ ഗ്രിഡ് കോർപ്പറേഷൻ ഓഫ് ഇന്ത്യ രാജസ്ഥാനിൽ ട്രാൻസ്മിഷൻ പ്രോജക്ടുകൾ സ്ഥാപിക്കുന്നതിനുള്ള താരിഫ് അധിഷ്ഠിത മത്സര ബിഡ്ഡിംഗ് (TBCB) വിജയകരമായതായി പ്രഖ്യാപിച്ചു. പുതിയ 400/220 കെവി സബ്സ്റ്റേഷൻ, 400 കെവി ഡി / സി ട്രാൻസ്മിഷൻ ലൈനുകൾ, രാജസ്ഥാനിൽ അനുബന്ധ സബ്സ്റ്റേഷൻ വിപുലീകരണം
തുടങ്ങിയ പ്രവർത്തനങ്ങൾ പദ്ധതിയിൽ ഉൾപ്പെടുന്നു.
യൂണിചെം ലാബ്സ് ക്യു 3 ഫലം: അറ്റാദായം 23 കോടി രൂപയായി
ഡിസംബറിലെ മൂന്നാം പാദത്തിൽ യൂണിചെം ലാബ്സിന്റെ അറ്റാദായം
23 കോടി രൂപയായി ഉയർന്നു. പോയവർഷം ഇതേ കാലയളവിൽ കമ്പനി 14.60 കോടി രൂപയുടെ നഷ്ടം രേഖപ്പെടുത്തിയിരുന്നു. വരുമാനം 18.72 ശതമാനം ഉയർന്ന് 326.28 കോടി രൂപയായി.
എൻ.എസ്.സി F&O വിഭാഗത്തിലേക്ക് 5 ഓഹരികൾ കൂടി ഉൾപ്പെടുത്തി
മാർച്ചിലെ F&O വിഭാഗത്തിലേക്ക് 5 ഓഹരികൾ കൂടി ഉൾപ്പെടുത്തി
എൻ.എസ്.ഇ. Alkem Laboratories, AU Small Finance Bank, Deepak Nitrite, Indian Railway Catering & Tourism Corporation (IRCTC), Nippon Life India Asset Management എന്നീ കമ്പനികളെയാണ് എൻ.എസ്.ഇ ഉൾപ്പെടുത്തിയത്. ഫെബ്രുവരി 26 മുതൽ ഇത് പ്രാബല്യത്തിൽ വരും.
സെൻ ടെക്നോളജീസ് ക്യു 3 ഫലം: അറ്റാദായം 77 ശതമാനം കുറഞ്ഞ് 2.32 കോടി രൂപയായി
ഡിസംബറിലെ മൂന്നാം പാദത്തിൽ സെൻ ടെക്നോളജീസിന്റെ അറ്റാദായം 77 ശതമാനം കുറഞ്ഞ് 2.32 കോടി രൂപയായി. പ്രതിവർഷ വരുമാനം 49.77 ശതമാനമായി കുറഞ്ഞ് 16.57 കോടി രൂപയായി.
Relaxo Footwears ക്യു 3 ഫലം: അറ്റാദായം 67 ശതമാനം ഉയർന്ന് 90 കോടി രൂപയായി
ഡിസംബറിലെ മൂന്നാം പാദത്തിൽ Relaxo Footwearsന്റെ അറ്റാദായം
67 ശതമാനം ഉയർന്ന് 90 കോടി രൂപയായി. ഇതേ കാലയളവിൽ കമ്പനിയുടെ പ്രതിവർഷ വരുമാനം 12 ശതമാനം ഉയർന്ന് 672 കോടി രൂപയായി. ഹവായ് സ്ലിപ്പറുകൾ, ക്യാൻവാസ് ഷൂസ്, പിവിസി പാദരക്ഷകൾ എന്നിവ നിർമ്മിക്കുന്ന കമ്പനിയാണ് Relaxo Footwears.
