ഹീറോ മോട്ടോകോർപിന്റെ സ്ഥാപനങ്ങളിൽ ആദായനികുതി വകുപ്പിന്റെ റെയ്ഡ്
ഹീറോ മോട്ടോർകോർപ്പ് ലിമിറ്റഡിന്റെ ഒന്നിലധികം സ്ഥാപനങ്ങളിൽ ആദായനികുതി വകുപ്പിന്റെ റെയ്ഡ്. നികുതി തട്ടിപ്പ് അന്വേഷണത്തിന്റെ ഭാഗമായാണ് റെയ്ഡ്. ഗുരുഗ്രാമിലെയും ഹരിയാനയിലെയും ഡൽഹിയിലെയും മറ്റ് സ്ഥലങ്ങളിലെയും പ്രൊമോട്ടർമാരുടെ (ഗ്രൂപ്പിന്റെ ചെയർമാനും സിഇഒയുമായ പവൻ മുഞ്ജൽ ഉൾപ്പെടെ) ഓഫീസുകളിലും റെസിഡൻഷ്യൽ ഏരിയയിലും റെയ്ഡ് നടത്തി. റെയ്ഡ് “പതിവ് അന്വേഷണത്തിന്റെ” ഭാഗമാണെന്നാണ് ഹീറോ മോട്ടോകോർപ്പ് പറഞ്ഞത്. ആദായനികുതി വകുപ്പുമായി സഹകരിക്കുന്നുണ്ടെന്നും കമ്പനി അറിയിച്ചു.
അമോണിയ കോ-ഫയറിംഗ് പഠിക്കാൻ കോവയിലെ ഐഎച്ച്ഐയുമായി പങ്കാളികളായി അദാനി പവർ
ഐഎച്ച്ഐ കോർപ്പറേഷനുമായും കോവ കമ്പനിയുമായും ചേർന്ന് പാരിസ്ഥിതികമായി സുസ്ഥിരമായ വൈദ്യുതി ഉൽപാദനത്തിനായി അമോണിയ കോ-ഫയറിംഗ് പഠിക്കാൻ ഒരുങ്ങി അദാനി പവർ ലിമിറ്റഡ് (എപിഎൽ). ഹരിതഗൃഹ വാതകങ്ങളുടെ ബഹിർഗമനം കുറയ്ക്കുന്നതിനായുള്ള ഇന്ത്യയുടെ പദ്ധതികൾക്ക് നേതൃത്വം നൽകാനാണ് എപിഎൽ ലക്ഷ്യമിടുന്നത്. താപവൈദ്യുതി ഉൽപ്പാദനത്തിൽ ഇന്ധനമായി അമോണിയയുടെ സാധ്യതയും കമ്പനി വിലയിരുത്തും.
രണ്ട് ലക്ഷം കോടിയുടെ റീട്ടെയിൽ ഹോം ലോണുകൾ അനുവദിച്ച് എച്ച്ഡിഎഫ്സി
2021 ഏപ്രിൽ 1 നും 2022 മാർച്ച് 21 നും ഇടയിൽ 2 ലക്ഷം കോടി രൂപയിലധികം മൂല്യമുള്ള റീട്ടെയിൽ ഹോം ലോണുകൾ അംഗീകരിച്ച് എച്ച്ഡിഎഫ്സി ലിമിറ്റഡ്. ഒരു സാമ്പത്തിക വർഷത്തിലെ എക്കാലത്തെയും ഉയർന്ന നിരക്കാണ്. ഡിജിറ്റൽ സംരംഭങ്ങളിലെ ഊന്നൽ, ഭവനവായ്പകൾക്കുള്ള ഡിമാൻഡ് എന്നിവ പ്രതീക്ഷിച്ചതിലും വേഗത്തിൽ സാധാരണ നിലയിലേക്ക് മടങ്ങാൻ എച്ച്ഡിഎഫ്സിയെ സഹായിച്ചിട്ടുണ്ട്. ഈ മേഖലയിലെ ഏറ്റവും ഉയർന്ന ക്രെഡിറ്റ് ലിങ്ക്ഡ് സബ്സിഡി സ്കീമിന് (സിഎൽഎസ്എസ്) കീഴിൽ ആനുകൂല്യങ്ങൾ നേടിയ 2.7 ലക്ഷത്തിലധികം ഭവനവായ്പ ഉപഭോക്താക്കൾ എച്ച്ഡിഎഫ്സിക്കുണ്ട്.
സിവിൽ ന്യൂക്ലിയർ പവർ മേഖലയിൽ 135 കോടിയുടെ ഓർഡർ നേടി എംടിഎആർ ടെക്
ന്യൂക്ലിയർ പവർ കോർപ്പറേഷൻ ഓഫ് ഇന്ത്യ ലിമിറ്റഡ് (എൻപിസിഐഎൽ) നടത്തിയ ടെൻഡറുകൾക്കായുള്ള ലേലത്തിൽ ഏറ്റവും കുറഞ്ഞ (എൽ-1) ലേലക്കാരനായി മാറി എംടിഎആർ ടെക്നോളജീസ് ലിമിറ്റഡ്. GHAVP ന്യൂക്ലിയർ പവർ സ്റ്റേഷൻ 1 & 2 റിയാക്ടറുകൾക്കുള്ള ഇന്ധന കൈമാറ്റ സംവിധാനവും, GHAVP-3 & 4 ന്യൂക്ലിയർ റിയാക്ടറുകൾക്കായി ഇന്ധന മെഷീൻ ബ്രിഡ്ജും ക്യാരേജ് അസംബ്ലികളും സ്ഥാപിക്കുന്നതും ഓർഡറിൽ ഉൾപ്പെടുന്നു. 135 കോടി രൂപയാണ് ഓർഡറിന്റെ ആകെ മൂല്യം.
പോളിസി ഹോൾഡർ ട്രെയ്സിബിലിറ്റി സൊല്യൂഷൻ അവതരിപ്പിച്ച് സി എം എസ് എഫ്
ഇൻഷുറൻസ് മാർക്കറ്റിനായി പോളിസി ഹോൾഡർ ട്രെയ്സിബിലിറ്റി സൊല്യൂഷൻ അവതരിപ്പിച്ച് കമ്പ്യൂട്ടർ ഏജ് മാനേജ്മെന്റ് സൊല്യൂഷൻസ് ലിമിറ്റഡിന്റെ പൂർണ ഉടമസ്ഥതയിലുള്ള സബ്സിഡിയറിയായ സിഎഎംഎസ് റെപ്. ക്ലെയിം ചെയ്യപ്പെടാത്ത തുകകൾ പരിഹരിക്കുന്നതിന് ഇൻഷുറൻസ് കമ്പനികളെ ഇത് സഹായിക്കുന്നു. സിഎഎംഎസ് റെപ്പിന്റെ പോളിസി ജീനി ഡീപ് കോൺട്രാക്ട് ട്രെയിസിംഗ് എന്നത് പോളിസി ഹോൾഡർമാരെ ട്രാക്ക് ചെയ്യുന്നതിനും അവരുടെ കോൺടാക്റ്റ് വിവരങ്ങൾ അപ്ഡേറ്റ് ചെയ്യുന്നതിനും ഡിജിറ്റൽ സാങ്കേതികവിദ്യകളെ പ്രയോജനപ്പെടുത്തുന്ന ചെലവ് കുറഞ്ഞ പരിഹാരമാണ്.
ഒഎൻഡിസിയിൽ 8% വീതം ഓഹരികൾ സ്വന്തമാക്കി കൊട്ടക് മഹീന്ദ്ര ബാങ്കും ആക്സിസ് ബാങ്കും
10 കോടി രൂപയ്ക്ക് ഓപ്പൺ നെറ്റ്വർക്ക് ഡിജിറ്റൽ കൊമേഴ്സിൽ (ഒഎൻഡിസി) 7.84% ഓഹരികൾ സ്വന്തമാക്കി കൊട്ടക് മഹീന്ദ്ര ബാങ്കും ആക്സിസ് ബാങ്കും. ചരക്കുകൾക്കും സേവനങ്ങൾക്കുമായി ഇന്ത്യൻ ഡിജിറ്റൽ കൊമേഴ്സ് ഇക്കോസിസ്റ്റം വികസിപ്പിക്കുന്നതിനും പരിവർത്തനം ചെയ്യുന്നതിനുമായി തുറന്ന പൊതു ഡിജിറ്റൽ ഇൻഫ്രാസ്ട്രക്ചർ സൃഷ്ടിക്കുന്ന സംവിധാനമാണിത്.
കോ-ബ്രാൻഡഡ് ക്രെഡിറ്റ് കാർഡിനായി ചെന്നൈ സൂപ്പർ കിംഗ്സുമായി സഹകരിച്ച് ഐസിഐസിഐ ബാങ്ക്
ചെന്നൈ സൂപ്പർ കിംഗ്സുമായി (സിഎസ്കെ) സഹരിച്ച് കോ-ബ്രാൻഡഡ് ക്രെഡിറ്റ് കാർഡ് പുറത്തിറക്കി ഐസിഐസിഐ ബാങ്ക്. സിഎസ്കെ ചരക്കുകൾക്കെതിരെ റിഡീം ചെയ്യാവുന്ന 2,000 റിവാർഡ് പോയിന്റുകളുടെ ഉൾപ്പെടുത്തലും പുതുക്കലും ഉൾപ്പെടെയുള്ള ആനുകൂല്യങ്ങളോടെയാണ് സിഎസ്കെ
ഐസിഐസിഐ ബാങ്ക് ക്രെഡിറ്റ് കാർഡ്’ രൂപകൽപന ചെയ്തിരിക്കുന്നത്. വരാനിരിക്കുന്ന ഐപിഎൽ സീസണിൽ സിഎസ്കെ മത്സരങ്ങൾക്കുള്ള കോംപ്ലിമെന്ററി ടിക്കറ്റുകളും ഇത് വാഗ്ദാനം ചെയ്യുന്നു. ക്രെഡിറ്റ് കാർഡ് ഉപയോക്താക്കൾക്ക് പരിശീലന സെഷനിൽ പങ്കെടുക്കാനുള്ള അവസരവും ലഭിക്കും.
റീജിയണൽ റൈസ് ബ്രാൻഡുകളും പ്രോസസ്സിംഗ് യൂണിറ്റുകളും ഏറ്റെടുക്കാൻ അദാനി വിൽമർ
ഇന്ത്യയിലെ വിവിധ സംസ്ഥാനങ്ങളിലെ റീജിയണൽ റൈസ് ബ്രാൻഡുകളും പ്രോസസ്സിംഗ് യൂണിറ്റുകളും ഏറ്റെടുക്കുന്നതിന് വേണ്ടി പദ്ധതിയിട്ട് അദാനി വിൽമർ ലിമിറ്റഡ്. ഏപ്രിൽ ആദ്യം മുതൽ പശ്ചിമ ബംഗാളിൽ ആരംഭിക്കുന്ന ‘ഫോർച്യൂൺ’ ബ്രാൻഡിന് കീഴിൽ കമ്പനി ബ്രാൻഡഡ് അരി പുറത്തിറക്കും. അദാനി വിൽമറിന്റെ വരുമാനത്തിന്റെ 11% സ്റ്റേപ്പിൾ ആണ്. ഏറ്റെടുക്കലുകൾക്കായി കമ്പനി അടുത്തിടെ 450-500 കോടി രൂപ അനുവദിച്ചിരുന്നു.
5G നെറ്റ്വർക്ക് ഏത് ദിവസവും പുറത്തിറക്കാൻ ടിസിഎസ് തയ്യാറാണെന്ന് റിപ്പോർട്ട്
ലോകമെമ്പാടുമുള്ള ഏത് ടെലികോം ഓപ്പറേറ്റർക്കും ഏത് ദിവസവും 5 ജി നെറ്റ്വർക്ക് സ്ഥാപിക്കാൻ കമ്പനി തയ്യാറാണെന്ന് ടാറ്റ കൺസൾട്ടൻസി സർവീസസ് (ടിസിഎസ്). ഒരു സിസ്റ്റം ഇന്റഗ്രേറ്ററാണ് ടിസിഎസ്. ടെലികോം ഓപ്പറേറ്റർമാരുടെ ആവശ്യകതകളെ അടിസ്ഥാനമാക്കി ഇത് നെറ്റ്വർക്കുകൾ നിർമ്മിക്കുന്നു. ഓഗസ്റ്റിൽ 5G നെറ്റ്വർക്കുകൾ ആരംഭിക്കാൻ കഴിയുന്ന തരത്തിൽ ജൂണിനു മുമ്പ് 5G ലേലം നടത്താൻ സർക്കാർ പദ്ധതിയിടുന്നുണ്ട്.
മോർഫി റിച്ചാർഡ്സുമായുള്ള ലൈസൻസ് കരാർ 15 വർഷം കൂടി നീട്ടി ബജാജ് ഇലക്ട്രിക്കൽസ്
‘മോർഫി റിച്ചാർഡ്സ്’ ട്രേഡ് മാർക്ക് 2022 ജൂലൈ 1 മുതൽ 15 വർഷത്തേക്ക് കൂടി ഉപയോഗിക്കുന്നതിന് യുകെ ആസ്ഥാനമായുള്ള മോർഫി റിച്ചാർഡ്സുമായുള്ള ട്രേഡ് മാർക്ക് കരാർ നീട്ടി ബജാജ് ഇലക്ട്രിക്കൽസ് ലിമിറ്റഡ്. ഇന്ത്യയിലും അയൽ രാജ്യങ്ങളിലും ഗൃഹോപകരണങ്ങൾ ഉൽപ്പാദിപ്പിക്കുന്നതിനും വിപണനം ചെയ്യുന്നതിനും വിൽക്കുന്നതിനും കമ്പനി ഈ ട്രേഡ് മാർക്ക് ഉപയോഗിക്കുന്നു.
