എക്കാലത്തെയും ഉയർന്ന നിരക്കിലേക്ക് യുഎസ് ഓഹരികൾ – അന്തർ ദേശീയ വാർത്തകൾ

എക്കാലത്തെയും ഉയർന്ന നിരക്കിലേക്ക് യുഎസ് ഓഹരികൾ ; ടെസ്ല വീണു

എക്കാലത്തെയും റെക്കോർഡ് ഉയരങ്ങളിലേക്ക് റാലി ചെയ്ത് യുഎസ് ഓഹരികൾ. 4 വർഷത്തിനിടെയുള്ള ഏറ്റവും ദൈർഘ്യമേറിയ പ്രതിദിന ഉയരത്തിലെത്തിയ എസ് ആന്റ് പി 500 ഉപയോഗിച്ചാണ് യുഎസ് ഓഹരികൾ ഉയർന്നത്. കോർപ്പറേറ്റ് വരുമാനത്തിനും ശക്തമായ നിയമന ഡാറ്റയ്ക്കും ശേഷം ഡോളർ ഇടിഞ്ഞു. കൂടുതൽ നേട്ടമുണ്ടാക്കുന്ന കമ്പനികളിലേക്ക് നിക്ഷേപകർ മാറിയതിനാൽ സ്‌മോൾ ക്യാപ്‌സ്, എനർജി സ്റ്റോക്കുകൾ, മെറ്റീരിയൽ കമ്പനികൾ എന്നിവരാണ് റാലിക്ക് നേതൃത്വം നൽകുന്നത്.

സ്റ്റോക് എക്സ് യൂറോപ്പ് 0.19 ശതമാനം വർദ്ധിച്ചു
ഡൗ ജോൺസ് 0.41 ശതമാനം വർദ്ധിച്ചു
നാസ്ഡാക്ക് 0.20% കുറഞ്ഞു

സ്റ്റോക്ക് വിൽക്കാൻ മസ്കിനോട് ട്വിറ്റർ ഉപയോക്താക്കൾ ആവശ്യപ്പെട്ടതിന് പിന്നാലെ ടെസ്‌ല വീണു

ഇലോൺ മസ്‌കിന്റെ ട്വിറ്റർ ഫോളോവേഴ്‌സിൽ വലിയൊരു വിഭാഗം കമ്പനിയുടെ 10 ശതമാനം ഓഹരികൾ വിൽക്കാനുള്ള അദ്ദേഹത്തിന്റെ നിർദ്ദേശത്തെ പിന്തുണച്ചതിനെത്തുടർന്ന് ഇവി നിർമ്മാതാക്കളായ ടെസ്‌ലയുടെ ഓഹരി തിങ്കളാഴ്ച 6 ശതമാനം ഇടിഞ്ഞു. ആഴ്ചയുടെ അവസാനം മസ്ക് നടത്തിയ ട്വിറ്റർ വോട്ടെടുപ്പിൽ 58 ശതമാനം ഉപയോക്താക്കളാണ് ഇക്കാര്യത്തിൽ അദ്ദേഹത്തെ പിന്തുണച്ചത്. അടുത്ത മൂന്ന് മാസത്തിനുള്ളിൽ ധാരാളം സ്റ്റോക്ക് ഓപ്ഷനുകൾ പ്രയോഗിക്കാൻ അദ്ദേഹം തീരുമാനിച്ചു കഴിഞ്ഞു. ഇത് വലിയ നികുതിക്ക് കാരണമാകും. ഓഹരി വിൽപ്പനയിൽ നിന്ന് ലഭിക്കുന്ന തുക നികുതി അടയ്ക്കാൻ വേണ്ടി ഉപയോഗിക്കും.

തോഷിബ മൂന്ന് കമ്പനികളായി വിഭജിക്കുന്നു

ഓഹരിയുടമകളുടെ മൂല്യം ഉയർത്തുന്നതിനായി മൂന്ന് കമ്പനികളായി വിഭജിക്കാൻ പദ്ധതിയിടുന്നതായി തോഷിബ തിങ്കളാഴ്ച പറഞ്ഞു. 2023 ന്റെ ആരംഭം മുതൽ മൂന്ന് കമ്പനികളും ഇൻഫ്രാസ്ട്രക്ചർ, ഉപകരണങ്ങൾ, സെമി കണ്ടക്ടർ മെമ്മറി തുടങ്ങിയ മേഖലകളിൽ ശ്രദ്ധ കേന്ദ്രീകരിക്കും.

ആരാധകരുടെ പ്രിയപ്പെട്ട’ സിനിമകൾ തിരികെ കൊണ്ടുവരാൻ എഎംസി

നവംബർ 12 നും 14 നും ഇടയിൽ ആരാധകരുടെ പ്രിയപ്പെട്ട സിനിമകൾ ബിഗ് സ്‌ക്രീനിലേക്ക് തിരികെ കൊണ്ടുവരാൻ തീരുമാനിച്ച് എഎംസി. ഇതിനു പിന്നാലെ എഎംസി എന്റർടൈൻമെന്റ് ഹോൾഡിംഗ്‌സിന്റെ ഓഹരികൾ തിങ്കളാഴ്ച 7% ഉയർന്നു. ഇതിന്റെ ഭാഗമായി വാൾട്ട് ഡിസ്നി ആനിമേഷൻ സ്റ്റുഡിയോ, പിക്‌സർ ആനിമേഷൻ സ്റ്റുഡിയോ, വാൾട്ട് ഡിസ്നി സ്റ്റുഡിയോ, ലൂക്കാസ്ഫിലിം എന്നിവയുമായി കമ്പനി പങ്കാളികളാകും.

3 ട്രില്യൺ ഡോളർ മൂല്യത്തിൽ എത്തി ക്രിപ്‌റ്റോകറൻസി

3 ട്രില്യൺ ഡോളർ മൂല്യത്തിൽ എത്തി ക്രിപ്‌റ്റോകറൻസി വിപണി. ഡിജിറ്റൽ അസറ്റുകൾക്കായുള്ള ദശാബ്ദങ്ങൾ പഴക്കമുള്ള വിപണി 2020 ലെ വർഷാവസാനത്തിലെ മൂല്യത്തിൽ നിന്ന് 4 മടങ്ങ് വർദ്ധനവ് രേഖപ്പെടുത്തി. ഡോഗ്‌കോയിനും ഷിബ ഇനുവും ശ്രദ്ധ ആകർഷിക്കുന്നത് തുടരുകയാണ്. അതേസമയം തന്നെ മെംകോയിൻസ്, നൊൺ ഫൺജിബിൾ ടോക്കണുകൾ (എൻഎഫ്ടി) എന്നിവയും വളരുകയാണ്. ബിറ്റ്‌കോയിനും ഇഥേറിയവും നിക്ഷേപകർക്ക് കൂടുതൽ സൗകര്യപ്രദമാണ്. 4 ശതമാനത്തിലധികമാണ് ബിറ്റ്‌കോയിന്റെ ഇന്നത്തെ നേട്ടം.

യൂറോപ്പിൽ ഗ്യാസ് വില കുതിച്ചുയരുന്നു

പ്രസിഡന്റ് വ്‌ളാഡിമിർ പുടിൻ കഴിഞ്ഞ മാസം വാഗ്ദാനം ചെയ്ത ഇന്ധന വിതറണം പരാജയപ്പെട്ടതിനെ തുടർന്ന് യൂറോപ്യൻ ഗ്യാസിന്റെയും വൈദ്യുതിയുടെയും വില വർദ്ധിച്ചു. നെതർലാൻഡിലെ ഗ്യാസ് ഫ്യൂച്ചേഴ്സ് ഇന്ന് 9.7 ശതമാനം ഉയർന്നു. യൂറോപ്പിലെ കഠിനമായ ശൈത്യകാലത്ത് താപ നിലയങ്ങൾക്ക് ആവശ്യമായ ഇന്ധനം ലഭിക്കില്ല എന്ന ആശങ്കയും നിലനിൽക്കുന്നുണ്ട്.

ടെസ്‌ല ഇലക്ട്രിക് ട്രക്കുകൾ സ്വന്തമാക്കാൻ പെപ്‌സികോ

നാലാം പാദത്തിൽ ടെസ്‌ലയുടെ ഇലക്ട്രിക് ട്രക്കുകൾ ലഭിക്കുമെന്ന് പ്രതീക്ഷിക്കുന്നതായി മൗണ്ടൻ ഡ്യൂ ഡ്രിങ്ക്, ഡോറിറ്റോസ് ചിപ്‌സ് എന്നിവയുടെ നിർമ്മാതാവ് പെപ്‌സികോ. ഇത് ഇന്ധനച്ചെലവും ഫ്ലീറ്റ് എമിഷനും കുറയ്ക്കാൻ സഹായിക്കും. 2017 ഡിസംബറിലാണ് പെപ്‌സികോ ടെസ്‌ലയ്ക്ക് 100 ഇലക്ട്രിക് സെമി-ട്രക്കുകൾക്കുള്ള ഓർഡർ നൽകുന്നത്. കമ്പനിയുടെ കാർബൺ പുറത്തുവിടുന്നതിന്റെ മൊത്തം അളവിൽ 10 ശതമാനവും ഗതാഗതം വഴിയാണ്. രാജ്യങ്ങളെല്ലാം കാർബൺ സീറോയിലേക്ക് നീങ്ങുകയാണ്.