വിപണി ഇടിഞ്ഞതിന് പിന്നാലെ മാർക്കറ്റ് അസ്ഥിരം – പ്രീമാർക്കറ്റ് റിപ്പോർട്ട്

പ്രധാനതലക്കെട്ടുകൾ

അദാനി ഗ്രീൻ എനർജിയുടെ പ്രൊമോട്ടർ Adani Trading Services LLP തിങ്കളാഴ്ച ഓപ്പൺ മാർക്കറ്റ് ഇടപാടുകളിലൂടെ 3,309 കോടി രൂപയുടെ ഓഹരികൾ ഓഫ്‌ലോഡ് ചെയ്തു. കഴിഞ്ഞ ആഴ്ചയും ഇത് സംഭവിച്ചിരുന്നു.

വിവിധ മാർഗങ്ങളിലൂടെ കൂടുതൽ ധനസമാഹരണത്തിനുള്ള നിർദ്ദേശം പരിഗണിക്കാൻ Yes Bank  വെള്ളിയാഴ്ച യോഗം ചേരുമെന്ന് സ്വകാര്യമേഖലയിലെ വായ്പക്കാരൻ പറഞ്ഞു. റെഗുലേറ്ററി പരിധിക്ക് താഴെയുള്ള ബഫറുകൾ ഉയർത്തുന്നതിനായി ബാങ്ക് 2020 ജൂലൈയിൽ 15,000 കോടി രൂപയുടെ ഫോളോ-ഓൺ പബ്ലിക് ഓഫർ (FPO) കൊണ്ടുവന്നിരുന്നു.

വർദ്ധിച്ചുവരുന്ന നിർമാണ ചെലവുകൾ പരിഹരിക്കാൻ
മാരുതി സുസുക്കി ഇന്ത്യ തിരഞ്ഞെടുത്ത മോഡലുകളുടെ വില 34,000 രൂപയായി വർദ്ധിപ്പിച്ചു.

ഫെബ്രുവരി ഒന്നിന് സബ്‌സ്‌ക്രിപ്‌ഷനായി തുറക്കുന്ന 3,000 കോടി രൂപയുടെ അവകാശ ഇഷ്യുവിന് ബോർഡ് ഓഹരിക്ക് 65 രൂപയായി നിശ്ചയിച്ചിട്ടുണ്ടെന്ന് L&T Finance Holdings അറിയിച്ചു.

Indiabulls Real Estateന്റെ  മൊത്തം അറ്റാദായം 64 ശതമാനം ഉയർന്ന് 80.69 കോടി രൂപയായി.

ഐടി കമ്പനിയായ Mindtree 2020 ഡിസംബറിലെ ഏകീകൃത അറ്റാദായത്തിൽ 65.7 ശതമാനം വർധന രേഖപ്പെടുത്തി 326.5 കോടി രൂപയായി. ഡീൽ പൈപ്പ്ലൈൻ  ശക്തവുമായി തുടരുന്നുവെന്നും കമ്പനി അറിയിച്ചു.

B2B ഇ-കൊമേഴ്‌സ് കമ്പനിയായ  Indiamart Intermesh 2020 ഡിസംബർ 31 ന് അവസാനിച്ച മൂന്നാം പാദത്തിൽ മൊത്തം ലാഭത്തിൽ 29 ശതമാനം വർധന രേഖപ്പെടുത്തി 80 കോടി രൂപയായി.

അപ്പോളോ ഹോസ്പിറ്റൽസ് QIP വിതരണം ഇന്ന് ആരംഭിക്കും. 40.7 ലക്ഷം ഓഹരികൾ വിൽക്കുന്നതിലൂടെ 1,000 കോടി രൂപ സമാഹരിക്കാനാണ് സ്ഥാപനം ലക്ഷ്യം വയ്ക്കുന്നത്. ക്യു.ഐ.പി ഇഷ്യുവിനുള്ള ഫ്ലോർ വില ഓരോ ഷെയറിനും 2,508.58 രൂപയായി നിശ്ചയിച്ചിട്ടുണ്ട്, ഇത് തിങ്കളാഴ്ച ക്ലോസിംഗ് വിലയേക്കാൾ 3.4 ശതമാനം കുറവാണ്.

ഇന്ന് പ്രഖ്യാപിക്കുന്ന പ്രധാന  Q3 ഫലങ്ങൾ

L&T Infotech
ICICI Lombard
Tata Communications
CSB Bank
Alembic Pharma
Hatsun Agro
Bank of Maharashtra
DCM Shriram
CEAT

ഇന്നത്തെ വിപണി സാധ്യത

കഴിഞ്ഞ ദിവസം വിപണി ആരംഭിച്ചത് മുതൽ ഏറെ ദുർബലമായി കാണപ്പെട്ട നിഫ്റ്റിയെ HDFC Bank മുകളിലേക്ക് കൊണ്ട് പോകാൻ ശ്രമിച്ചുവെങ്കിലും സൂചിക പിന്നീട് 14260ലേക്ക് കൂപ്പുകുത്തി. തുടർന്ന് ഏറെ നേരം അസ്ഥിരമായി തുടർന്ന സൂചിക 14281ൽ വ്യാപാരം അവസാനിപ്പിച്ചു.

32291 ൽ വ്യാപാരം ആരംഭിച്ച ബാങ്ക് നിഫ്റ്റി ഉയരങ്ങൾ കീഴടക്കാൻ ശ്രമിച്ചുവെങ്കിലും പിന്നീട് 31800 നിലയിലേക്ക് വീണു.
ദിവസം മുഴുവൻ അസ്ഥിരമായി തുടർന്ന സൂചിക 435 പോയിന്റ് താഴെയായി 31811 എന്ന നിലയിൽ വ്യാപാരം  അവസാനിപ്പിച്ചു.

എല്ലാ പ്രധാന സെക്ടറുകളും ചുവന്ന നിറത്തിലായിരുന്നു കാണപ്പെട്ടത്. ഇത് വിപണിയിൽ സംഭവിച്ചേക്കാവുന്ന  ഒരു ഇടിവിനെ സൂചിപ്പിക്കുന്നു. നിഫ്റ്റി മെറ്റൽ 4.1 ശതമാനം ഇടിവ് രേഖപ്പെടുത്തിയെന്നത് ആശങ്കയുളവാക്കുന്നു.

യൂറോപ്യൻ വിപണി ഫ്ലാറ്റായിട്ടാണ് കാണപ്പെടുന്നത്. യു.എസ്   
വിപണി ഇന്നലെ അവധിയായിരുന്നു.ഏഷ്യൻ വിപണികൾ എല്ലാം തന്നെ  നേട്ടം കൈവരിക്കുന്നതായി കാണാനാകും. SGX NIFTY  80 പോയിന്റ് മുകളിലായി 14,363 എന്ന നിലയിലാണ് വ്യാപാരം നടത്തുന്നത്. ഇത്  ഇന്ത്യൻ വിപണിയിൽ ഒരു ഗ്രപ്പ്  അപ്പ്  ഓപ്പണിംഗിനുള്ള  സൂചന  നൽകുന്നു.

1.9 ട്രില്ല്യൻ യു.എസ് ഡോളറിന്റെ സാമ്പത്തിക പാക്കേജ് സംബന്ധിച്ച കൂടുതൽ വിവരങ്ങൾ നിയുക്ത പ്രസിഡന്റ് ജോ ബൈഡൻ അവതരിപ്പിച്ചു. ഇതിന്റെ ഭാഗമായി മുൻ ഫെഡറൽ റിസർവ് ചെയർ ജാനറ്റ് യെല്ലനെ അടുത്ത ട്രഷറി സെക്രട്ടറിയായി അദ്ദേഹം നാമനിർദ്ദേശം ചെയ്തു, ശക്തമായ ഉത്തേജകത്തിന് അവർ ആഹ്വാനം ചെയ്തു. ഇത് ആഗോള വിപണിയെ കൂടുതൽ ഉയരങ്ങളിലേക്ക് എത്തിച്ചേക്കാം.

കഴിഞ്ഞ ദിവസം പറഞ്ഞ പോലെ TSMS നിഫ്റ്റി കഴിഞ്ഞ ദിവസത്തിന്റെ ക്ലോസിന് താഴേ തുറന്നാൽ ശ്രദ്ധിക്കണം. ഇത് ഇന്നലത്തെ ഹൈയിലും ലോയിലുമായി അസ്ഥിരമായി തുടർന്നേക്കാം.

15,600,14,500 എന്നിവിടെയാണ്   ഇന്നതെ ഏറ്റവും ഉയർന്ന കാൾ  ഓപ്പൺ ഇൻറെറസ്റ്റ് കാണുന്നത്. 14,000,13,500 എന്നിവിടെ ഏറ്റവും   ഉയന്ന പുട്ട്   ഓപ്പൺ  ഇൻറെറസ്റ്റും കാണപ്പെടുന്നു.

വിദേശ  നിക്ഷേപ  സ്ഥാപനങ്ങൾ (FIIs) 650 കോടി രൂപയുടെ ഓഹരികളാണ് വാങ്ങിയത്. ആഭ്യന്തര  നിക്ഷേപ സ്ഥാപനങ്ങൾ (DIIs) ഇന്ത്യൻ   വിപണിയിൽ 42 കോടി രൂപയുടെ ഓഹരികൾ വിറ്റയിക്കുകയും ചെയ്തു.

വിപണി താഴേക്ക് പതിച്ചപ്പോൾ Reliance , HDFC എന്നിവ ഒരുമിച്ച് സൂചികയെ മുകളിലേക്ക് കൈപിടിച്ച് ഉയർത്തിയത് ശുഭസൂചന നൽകുന്നു.

ലൈവ് മാർക്കറ്റ് വാർത്തകൾക്കും അറിയിപ്പുകൾക്കുമായി മാർക്കറ്റ് ഫീഡ് ആപ്പ് സന്ദർശിക്കുക. ശുഭദിനം.