സെമികണ്ടക്ടർ ബിസിനസിൽ 20 ബില്യൺ ഡോളർ നിക്ഷേപിക്കാൻ വേദാന്ത
ഇലക്ട്രോണിക് ചിപ്പ്, ഡിസ്പ്ലേ നിർമ്മാണ മേഖലയിലിൽ ചുവടുവയ്ക്കാനായി വേദാന്ത ലിമിറ്റഡ്. ഇതിനായി 15 ബില്യൺ ഡോളർ കമ്പനി നീക്കിവച്ചിട്ടുണ്ട്. സെമികണ്ടക്ടർ ബിസിനസിൽ 20 ബില്യൺ ഡോളർ (ഏകദേശം 1.49 ലക്ഷം കോടി രൂപ) നിക്ഷേപം നടത്താനാണ് കമ്പനി പദ്ധതിയിടുന്നത്. വേദാന്തയുടെ ഗ്രൂപ്പിന്റെ സ്ഥാപനമായ അവാൻസ്ട്രേറ്റ് സെമികണ്ടക്ടർ ബിസിനസിന് നേതൃത്വം നൽകും. 2025 ഓടെ ഇന്ത്യൻ നിർമ്മാണ പ്ലാന്റുകളിൽ നിന്ന് ഇലക്ട്രോണിക് ചിപ്പുകളും ഡിസ്പ്ലേകളും പുറത്തിറക്കുമെന്നാണ് പ്രതീക്ഷിക്കുന്നത്.
എൻറീച്ച് ഓൺലൈൻ സർവീസസിലെ 10.76 ശതമാനം ഓഹരികൾ വിൽക്കാൻ മഹീന്ദ്ര ഹോളിഡേയ്സ് ആൻഡ് റിസോർട്ട്സ്
എൻറീച്ച് ഓൺലൈൻ സർവീസസ് പ്രൈവറ്റ് ലിമിറ്റഡിന്റെ മുഴുവൻ ഓഹരികളും ഗിഫ്റ്റ് മാനേജ്മെന്റ് ഏഷ്യ പ്രൈവറ്റ് ലിമിറ്റഡിന് (ജിഎംഎപിഎൽ) വിൽക്കാൻ മഹീന്ദ്ര ഹോളിഡേയ്സ് ആൻഡ് റിസോർട്ട്സ് ഇന്ത്യ ലിമിറ്റഡ്. 10.76% ഓഹരികൾ 29.31 കോടി രൂപയ്ക്ക് വിൽക്കും. എൻറീച്ച് ഓൺലൈൻ സേവനങ്ങളിലെ 5,738 ഇക്വിറ്റി ഷെയറുകൾ അടങ്ങുന്ന മുഴുവൻ നിക്ഷേപവും വിൽക്കാൻ ജിഎംഎപിഎല്ലുമായി കമ്പനി കരാറിൽ ഏർപ്പെട്ടിട്ടുണ്ട്. ഇടപാട് 2022 ജൂലൈ 31-നോ അതിനുമുമ്പോ പൂർത്തിയാകുമെന്നാണ് പ്രതീക്ഷിക്കുന്നത്.
നടപ്പ് സാമ്പത്തിക വർഷത്തിൽ 575 എംടി കൽക്കരി വിതരണം ചെയ്ത് കോൾ ഇന്ത്യ
നടപ്പ് സാമ്പത്തിക വർഷത്തിൽ ഇതുവരെ 575 ദശലക്ഷം ടൺ (എംടി) കൽക്കരി വിതരണം ചെയ്ത് കോൾ ഇന്ത്യ ലിമിറ്റഡ് (സിഐഎൽ). ഇതോടെ കമ്പനി 2020-21 ലെ ഡ്രൈ ഇന്ധനത്തിന്റെ മൊത്തം വിതരണത്തെ മറികടന്നിരിക്കുകയാണ്. 2021 സാമ്പത്തിക വർഷത്തിൽ കമ്പനി 574.5 മെട്രിക് ടൺ കൽക്കരിയായിരുന്നു വിതരണം ചെയ്തിരുന്നത്. അതേസമയം അന്താരാഷ്ട്ര കൽക്കരി വിലയിലുണ്ടായ കുത്തനെ വർധനയെത്തുടർന്ന് കൽക്കരി ഇറക്കുമതി ഒമ്പത് വർഷത്തെ ഏറ്റവും താഴ്ന്ന നിലയിലാണ്. കമ്പ വില വർധിപ്പിച്ചില്ലെങ്കിൽ കൽക്കരി ഉൽപ്പാദനം കുറയാനിടയുണ്ടെന്ന് സിഐഎൽ മുന്നറിയിപ്പ് നൽകിയിട്ടുണ്ട്. ശമ്പളത്തിലുണ്ടായ വർധനയും ഖനന ഉപകരണങ്ങൾക്കുള്ള ഡീസലിന്റെ ഉയർന്ന വിലയും മൂലം കമ്പനിയുടെ ചെലവ് വർധിക്കുകയാണ്.
എ 320 നിയോ വിമാനം വിതരണം ഏറ്റെടുത്ത് ഇൻഡിഗോ
സുസ്ഥിര വ്യോമയാന ഇന്ധനത്തിന്റെയും സാധാരണ ഇന്ധനത്തിന്റെയും മിശ്രിതം ഉപയോഗിച്ച് പ്രവർത്തിക്കുന്ന എയർബസിൽ നിന്ന് (എ 320 നിയോ) ഇൻഡിഗോ അതിന്റെ ആദ്യ വിമാന ഡെലിവറി ഏറ്റെടുത്തു. സസ്റ്റൈനബിൾ ഏവിയേഷൻ ഫ്യൂവലിനെക്കുറിച്ച് (എസ്എഎഫ്) നിരവധി നിർമ്മാതാക്കളുമായി സംസാരിക്കുന്നുണ്ടെന്ന് എയർലൈൻ സിഇഒ റോണോജോയ് ദത്ത പറഞ്ഞു. 2016 മുതൽ 2023 വരെയുള്ള കാലയളവിൽ കാർബൺ പുറന്തള്ളൽ 16% കുറയ്ക്കാനാണ് ഇൻഡിഗോ ലക്ഷ്യമിടുന്നത്.
ജനുവരിയിൽ ആഭ്യന്തര വിമാന ഗതാഗതം 43 ശതമാനം കുറഞ്ഞ് 64.08 ലക്ഷമായി
2022 ജനുവരിയിൽ ആഭ്യന്തര വിമാന ഗതാഗതം ഏകദേശം 43% കുറഞ്ഞ് 64.08 ലക്ഷം യാത്രക്കാരായി. കഴിഞ്ഞ മാസം ഇന്ത്യൻ വിമാനക്കമ്പനികളിലൂടെ യാത്ര ചെയ്തവരുടെ നിരക്ക് കുറഞ്ഞിട്ടുണ്ട്. അതേസമയം സ്പൈസ് ജെറ്റ് ഡിസംബറിലെ 80.2% സീറ്റുമായി താരതമ്യം ചെയ്യുമ്പോൾ ജനുവരിയിൽ സീറ്റ് 73.4% റിപ്പോർട്ട് ചെയ്തിട്ടുണ്ട്. ഏറ്റവും ഉയർന്ന നിരക്കാണിത്. ഇൻഡിഗോ ഡിസംബറിലെ 78.1 ശതമാനത്തെ അപേക്ഷിച്ച് ജനുവരിയിൽ 66.6% ലോഡ് ഫാക്ടർ രേഖപ്പെടുത്തിയിട്ടുണ്ട്. ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (DGCA) ആണ് ഡാറ്റ പുറത്തുവിട്ടത്.
ഐഡിആർസിഎൽ ഓഹരികൾ ഏറ്റെടുത്ത് ബാങ്ക് ഓഫ് ബറോഡയും, കാനറ ബാങ്കും
ഇന്ത്യ ഡെബ്റ്റ് റെസലൂഷൻ കമ്പനി ലിമിറ്റഡിന്റെ (ഐഡിആർസിഎൽ) 14.9% ഓഹരികൾ ഏറ്റെടുത്ത് കാനറ ബാങ്ക്. 12.3% ബാങ്ക് ഓഫ് ബറോഡയും വാങ്ങിയിട്ടുണ്ട്. സർക്കാർ രൂപീകരിച്ച ഒരു അസറ്റ് മാനേജ്മെന്റ് കമ്പനിയാണ് ഐഡിആർസിഎൽ. നാഷണൽ അസറ്റ് റീകൺസ്ട്രക്ഷൻ കമ്പനി ലിമിറ്റഡുമായി (എൻഎആർസിഎൽ) സഹകരിച്ച് ബാങ്കിംഗ് മേഖലയിലെ കിട്ടാക്കടങ്ങൾ (NPA) നികത്താൻ ഇത് പ്രവർത്തിക്കും. എൻഎആർസിഎൽ ഏറ്റെടുക്കുന്ന അസറ്റുകളുടെ മാനേജ്മെന്റും പരിഹാരവും ഐഡിആർസിഎൽ നൽകും.
1,000 ഇവി ചാർജിംഗ് സ്റ്റേഷനുകൾ സ്ഥാപിച്ച് ഇന്ത്യൻ ഓയിൽ
1,000 ഇലക്ട്രിക് വാഹന ചാർജിംഗ് സ്റ്റേഷനുകൾ സ്ഥാപിച്ച് ഇന്ത്യയിലെ ഏറ്റവും വലിയ എണ്ണ ശുദ്ധീകരണ കമ്പനിയായ ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ). നിലവി സംസ്ഥാന, ദേശീയ പാതകൾ ഉൾപ്പെടെ 500-ലധികം പട്ടണങ്ങളിലും നഗരങ്ങളിലും ഐഒസിഎൽന് ഒന്നിലധികം ഇവി ചാർജിംഗ് പോയിന്റുകളുണ്ട്. ടാറ്റ പവർ ഗ്രിഡ്, എൻടിപിസി, ടെക് മഹീന്ദ്ര, ഒല, ഭെൽ എന്നിവയുമായി സഹകരിച്ച് ഇന്ധന സ്റ്റേഷനുകളിൽ കമ്പനി ഇവി ചാർജറുകൾ സ്ഥാപിക്കുന്നുണ്ട്. അടുത്ത മൂന്ന് വർഷത്തിനുള്ളിൽ 10,000 ഇന്ധന സ്റ്റേഷനുകളിൽ ഇവി ചാർജിംഗ് സൗകര്യം ഒരുക്കാനാണ് കമ്പനി ലക്ഷ്യമിടുന്നത്.
തെലങ്കാനയിൽ 1000 കോടി രൂപയുടെ വിപുലീകരണ പദ്ധതിയുമായി എംആർഎഫ്
തെലങ്കാനയിലെ സംഗറെഡ്ഡിയിൽ പുതിയ സ്പെഷ്യാലിറ്റി അസംബ്ലി ലൈൻ സൃഷ്ടിക്കുന്നതിനുമായി 1,000 കോടി രൂപയുടെ നിക്ഷേപം പ്രഖ്യാപിച്ച് എംആർഎഫ് ലിമിറ്റഡ്. കമ്പനിയുടെ വിപുലീകരണത്തിനും തെലങ്കാനയിലെ സൗകര്യം വർധിപ്പിക്കുവാനും ഇത് സഹായിക്കും. കമ്പനിയുടെ കോർപ്പറേറ്റ് സോഷ്യൽ റെസ്പോൺസിബിലിറ്റി (സിഎസ്ആർ) സംരംഭത്തിന് കീഴിൽ സംസ്ഥാന സർക്കാരിന്റെ ‘മന വൂർ – മന ബദി’ പരിപാടിക്ക് കമ്പനി 4 കോടി രൂപ വാഗ്ദാനം ചെയ്തിട്ടുണ്ട്.
