ഐടിസി ക്യു 4 ഫലം, അറ്റാദായം 3 ശതമാനം ഇടിഞ്ഞ് 3755 കോടി രൂപയായി
മാർച്ചിലെ നാലാം പാദത്തിൽ ഐടിസിയുടെ പ്രതിവർഷ അറ്റാദായം 3 ശതമാനം ഇടിഞ്ഞ് 3755 കോടി രൂപയായി. അറ്റാദായം മുൻ വർഷത്തെ അപേക്ഷിച്ച് 6.4 ശതമാനം വർദ്ധിച്ചു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 22.6 ശതമാനം വർദ്ധിച്ച് 15404 കോടി രൂപയായി. ഹോട്ടൽ ബിസിനസിൽ നിന്നുള്ള പ്രതിവർഷ വരുമാനം 38 ശതമാനം ഇടിഞ്ഞ് 302 കോടി രൂപയായി. അതേസമയം ഓഹരി ഒന്നിന് 5.75 രൂപ വീതം കമ്പനി അവസാന ലാഭവിഹിതം പ്രഖ്യാപിച്ചു.
നിർമാണ പി.എം.ഐ 10 മാസത്തെ ഏറ്റവും താഴ്ന്ന നിലയിൽ
ഇന്ത്യയിലെ ഫാക്ടറി പ്രവർത്തനം മെയ് മാസം കുറഞ്ഞു. 10 മാസത്തെ ഏറ്റവും താഴ്ന്ന നിലയാണ് ഇത് രേഖപ്പെടുത്തിയത്. രണ്ടാം തരംഗത്തെ തുടർന്ന് നിർമാണ പ്രവർത്തനങ്ങൾ കുറഞ്ഞതാണ് ഇതിന് കാരണമായത്. പിഎംഐ സൂചിക മെയ് മാസത്തിൽ 50.8 ആയി രേഖപ്പെടുത്തി. ഏപ്രിലിൽ ഇത് 55.5 ആയിരുന്നു.
കൊവിഡ് രണ്ടാം തരംഗം, വാഹന വിൽപ്പന കുത്തനെ ഇടിഞ്ഞു
കൊവിഡ് രണ്ടാം തരംഗത്തെ തുടർന്ന് മെയ് മാസത്തിലെ വാഹന വിൽപ്പന കുത്തനെ ഇടിഞ്ഞു. മാരുതി സുസുകിയുടെ മൊത്തം വിൽപ്പന 71 ശതമാനം ഇടിഞ്ഞ് 46555 യൂണിറ്റായി. ഏപ്രിലിൽ ഇത് 1.59 ലക്ഷം യൂണിറ്റായിരുന്നു. മഹീന്ദ്ര ആന്റ് മഹീന്ദ്രയുടെ പാസഞ്ചർ വാഹന വിൽപ്പന 56 ശതമാനം ഇടിഞ്ഞു. ടാറ്റാ മോർട്ടർസിന്റെ വിൽപ്പന 40 ശതമാനം ഇടിഞ്ഞ് 15,181 യൂണിറ്റായി. ടിവിഎസ് മോട്ടോർസിന്റെ വിൽപ്പന 30.61 ശതമാനം ഇടിഞ്ഞ് 1.66 ലക്ഷം യൂണിറ്റായി.
സലാസർ ടെക്നോ ക്യു 4 ഫലം, അറ്റാദായം 163 ശതമാനം വർദ്ധിച്ച് 9.85 കോടി രൂപയായി
മാർച്ചിലെ നാലാം പാദത്തിൽ സലാസർ ടെക്നോയുടെ പ്രതിവർഷ ഏകീകൃത അറ്റാദായം 16.36 ശതമാനം വർദ്ധിച്ച് 9.85 കോടി രൂപയായി. കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 94.73 ശതമാനം വർദ്ധിച്ച് 211.50 കോടി രൂപയായി. അതേസമയം ഓഹരി ഒന്നിന് 1 രൂപ വീതം കമ്പനി അവസാന ലാഭവിഹിതം പ്രഖ്യാപിച്ചു.
ബൽറാംപൂർ ചിനി ക്യു 4 ഫലം, അറ്റാദായം 2 ശതമാനം ഇടിഞ്ഞ് 235 കോടി രൂപയായി
മാർച്ചിലെ നാലാം പാദത്തിൽ ബൽറാംപൂർ ചിനിയുടെ അറ്റാദായം 2.46 ശതമാനം ഇടിഞ്ഞ് 235 കോടി രൂപയായി. കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 41.41 ശതമാനം ഇടിഞ്ഞ് 1019.35 കോടി രൂപയായി. കമ്പനിയുടെ പഞ്ചസാര നിർമാണത്തിൽ നിന്നുള്ള വരുമാനം 41.8 ശതമാനം ഇടിഞ്ഞ് 1031.3 കോടി രൂപയായി.
യുഎസ് വിപണിയിൽ റൂഫിനാമൈഡ് ടാബ്ലെറ്റ് അവതരിപ്പിച്ച് ഗ്ലെൻമാർക്ക് ഫാർമ
യുഎസ് വിപണിയിൽ അപസ്മാരത്തിനുള്ള മരുന്നായ റൂഫിനാമൈഡ് അവതരിപ്പിച്ച് ഗ്ലെൻമാർക്ക് ഫാർമ. ഐസായ് ഇൻകോർപ്പറേറ്റിലെ ബാൻസൽ ഗുളികകൾക്ക് തുല്യമായ ഒരു ചികിത്സാ മരുന്നാണിത്. ഏകദേശം 285.3 മില്യൺ ഡോളറിന്റെ വാർഷിക വിൽപ്പനയാണ് ബാൻസൽ ടാബ്ലെറ്റുകൾ ഈ വർഷം നടത്തിയത്.
റാഡിക്കോ ഖൈതാൻ ക്യു 4 ഫലം, അറ്റാദായം 91 ശതമാനം ഉയർന്ന് 73.55 കോടി രൂപയായി
മാർച്ചിലെ നാലാം പാദത്തിൽ റാഡിക്കോ ഖൈതാന്റെ പ്രതിവർഷ അറ്റാദായം 91 ശതമാനം ഉയർന്ന് 73.55 കോടി രൂപയായി. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 18.7 ശതമാനം വർദ്ധിച്ച് 694.73 കോടി രൂപയായി. അതേസമയം ഓഹരി ഒന്നിന് 2.4 രൂപ വീതം കമ്പനി ഇടക്കാല ലാഭവിഹിതം പ്രഖ്യാപിച്ചു.
ഇൻസൈഡർ ട്രേഡിംഗ്, ഇൻഫോസിസ് ജീവനക്കാർ ഉൾപ്പെടെ എട്ട് സ്ഥാപനങ്ങൾക്ക് വിലക്ക് ഏർപ്പെടുത്തി സെബി
ഇൻസൈഡർ ട്രേഡിംഗ് മാനദണ്ഡങ്ങൾ ലംഘിച്ചതിനെ തുടർന്ന് രണ്ട് ഇൻഫോസിസ് ജീവനക്കാർ ഉൾപ്പെടെ എട്ട് സ്ഥാപനങ്ങൾക്ക് ഓഹരി വിപണിയിൽ വ്യാപാരം നടത്തുന്നതിന് വിലക്ക് ഏർപ്പെടുത്തി സെബി. ഇൻഫോസിസിലെ രണ്ട് ജീവനക്കാർ കഴിഞ്ഞ വർഷം ഐടി കമ്പനിയുടെ ഓഹരികളിൽ വ്യാപാരം നടത്താൻ ആന്തരിക വിവരങ്ങൾ ഉപയോഗിച്ചതായി സെബി നടത്തിയ അന്വേഷണത്തിൽ കണ്ടെത്തിയതിനെ തുടർന്നാണ് നടപടി.
ഹണിവെൽ ഓട്ടോമേഷൻ ക്യു 4 ഫലം, അറ്റാദായം 6 ശതമാനം ഇടിഞ്ഞ് 104 കോടി രൂപയായി
മാർച്ചിലെ നാലാം പാദത്തിൽ ഹണിവെൽ ഓട്ടോമേഷന്റെ പ്രതിവർഷ അറ്റാദായം 6.4 ശതമാനം ഇടിഞ്ഞ് 104.02 കോടി രൂപയായി. മുൻപാദത്തെ അപേക്ഷിച്ച് അറ്റാദായം 30.6 ശതമാനമായി ഇടിഞ്ഞു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 4.48 ശതമാനം ഇടിഞ്ഞ് 672.70 കോടി രൂപയായി. അതേസമയം ഓഹരി ഒന്നിന് 85 രൂപ വീതം കമ്പനി ഇടക്കാല ലാഭവിഹിതം പ്രഖ്യാപിച്ചു.
