ഇൻഫോസിസ് ക്യു 1 ഫലം, അറ്റാദായം 23 ശതമാനം വർദ്ധിച്ച് 5195 കോടി രൂപയായി
ജൂണിലെ ഒന്നാം പാദത്തിൽ ഇൻഫോസിസിന്റെ പ്രതിവർഷ അറ്റാദായം 23 ശതമാനം വർദ്ധിച്ച് 5195 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 2.3 ശതമാനമായി ഉയർന്നു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 17.87 ശതമാനം വർദ്ധിച്ച് 23665 കോടി രൂപയായി.
ഇന്ത്യയുടെ മൊത്ത വില സൂചിക അടിസ്ഥാനമാക്കിയുള്ള പണപ്പെരുപ്പം ജൂണിൽ 12.07 ആയി കുറഞ്ഞു
ഇന്ത്യയുടെ മൊത്ത വില സൂചിക അടിസ്ഥാനമാക്കിയുള്ള പണപ്പെരുപ്പം ജൂണിൽ 12.07 ആയി കുറഞ്ഞു. മെയിൽ ഇത് 12.94 ശതമാനമായിരുന്നു. ക്രൂഡ് ഓയിൽ, വൈദ്യുതി, ഭക്ഷ്യവസ്തുക്കളുടെ വിലയിൽ കഴിഞ്ഞ മാസം കുറവുണ്ടായിരുന്നു. നിർമാണ ഉത്പന്നങ്ങളുടെ പണപ്പെരുപ്പം ജൂണിൽ 10.88 ശതമാനമായി ഉയർന്നു. മെയിൽ ഇത് 10.83 ശതമാനമായിരുന്നു. വാണിജ്യ വ്യവസായ മന്ത്രാലയമാണ് ഇത് സംബന്ധിച്ച കണക്കുകൾ പുറത്തുവിട്ടത്.
സൊമാറ്റോ ഐപിഒ ആദ്യ ദിനം 1.05 തവണ സബ്സ്ക്രെെബ് ചെയ്യപ്പെട്ടു
9375 കോടി രൂപ സമാഹരിക്കാനുള്ള സൊമാറ്റോ നടത്തിയ ഐപിഒ ആദ്യ ദിനം 1.05 തവണ സബ്സ്ക്രെെബ് ചെയ്യപ്പെട്ടു. വിതരണത്തിന് അനുവദിച്ച 71.92 കോടി ഓഹരികൾക്കായി 75.60 കോടി ഓഹരികൾക്ക് ഉള്ള അപേക്ഷ ലഭിച്ചു. റീട്ടെയിൽ നിക്ഷേപകർക്കായി കരുതിവച്ചിരിക്കുന്ന ഭാഗം 2.7 തവണ സബ്സ്ക്രൈബു ചെയ്യപ്പെട്ടു.
ഐപിഒയെ പറ്റി കൂടുതൽ അറിയാൻ ലിങ്ക് സന്ദർശിക്കുക.
ബോട്ടിക് ലൈഫ് സ്റ്റൈൽ ഹോട്ടൽ ആരംഭിക്കാൻ ഒരുങ്ങി ഐടിസി
സ്റ്റോറി എന്ന ബ്രാൻഡ് നാമത്തിൽ പുതിയ ബോട്ടിക് ലൈഫ് സ്റ്റൈൽ ഹോട്ടൽ ആരംഭിക്കാൻ ഒരുങ്ങി ഐടിസി ലിമിറ്റഡ്. ഇതിലൂടെ യാത്രക്കാർക്ക് ക്യൂറേറ്റഡ് യാത്രാനുഭവങ്ങൾ നൽകാനാണ് ഐടിസി ലക്ഷ്യമിടുന്നത്.
എൽ ആൻഡ് ടി ടെക് ക്യു 1 ഫലം, അറ്റാദായം 84 ശതമാനം വർദ്ധിച്ച് 216 കോടി രൂപയായി
ജൂണിലെ ഒന്നാം പാദത്തിൽ എൽ ആൻഡ് ടിയുടെ പ്രതിവർഷ അറ്റാദായം 84 ശതമാനം വർദ്ധിച്ച് 216.2 കോടി രൂപയായി. അറ്റാദായം മുൻ പാദത്തെ അപേക്ഷിച്ച് 11 ശതമാനം ഉയർന്നു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 17 ശതമാനം വർദ്ധിച്ച് 1518 കോടി രൂപയായി.
മഹീന്ദ്രയുടെ പുതിയ എസ്.യു.വി വാഹനങ്ങൾക്കായി സിയാറ്റ് ടായറുകൾ വിതരണം ചെയ്യും
മഹീന്ദ്രയുടെ പുതിയ സെവൻ സീറ്റ് ബൊലേറോ നിയോ വാഹനങ്ങൾക്കായി സിയാറ്റ് ലിമിറ്റഡ് ടയറുകൾ വിതരണം ചെയ്യും. സ്കോർപിയോ, താർ എന്നിവരുമായി പങ്കിട്ട മൂന്നാം തലമുറ ചേസിസിലാണ് എസ്യുവി നിർമ്മിച്ചിരിക്കുന്നത്. മികച്ച സ്റ്റിയറിംഗ് നിയന്ത്രണവും ഉയർന്ന ഇന്ധനക്ഷമതയും നൽകുന്ന രീതിയിലാണ് സിയാറ്റിന്റെ ടയറുകൾ രൂപകൽപ്പന ചെയ്തിരിക്കുന്നത്.
880 കോടി രൂപയുടെ വരുമാനം മറച്ചുവച്ചെന്ന ആരോപണം നിഷേധിച്ച് ക്വസ് കോർപ്പ്
880 കോടി രൂപയുടെ വരുമാനം മറച്ചുവച്ചെന്ന ആരോപണം നിഷേധിച്ച് ക്വസ് കോർപ്പ്. കമ്പനിയുടെ ബെംഗളൂരിലെ രണ്ട് സ്ഥാപനങ്ങളിലായി റെയ്ഡ് നടന്നതിന് പിന്നാലെയാണ് ക്വസ് കോർപ്പ് ഇക്കാര്യം അറിയിച്ചത്. സമയബന്ധിതമായി പൂർണ്ണ വിവരങ്ങൾ കെെമാറുന്നത് ഉൾപ്പെടെ അധികൃതരുമായി സഹകരിച്ചുവെന്നും ഇതുവരെ ക്ലെയിമുകളൊന്നും ലഭിച്ചിട്ടില്ലെന്നും കമ്പനി പ്രസ്താവനയിൽ പറഞ്ഞു.
ഫോട്ടൊവാഷ്യോ റിന്യൂവബിൾ വെഞ്ചേഴ്സിൽ നിന്നും 100 മെഗാവാട്ടിന്റെ സോളാർ അസറ്റ് ഏറ്റെടുത്ത് ഇന്ത്യ ഗ്രിഡ് ട്രസ്റ്റ്
ഫോട്ടൊവാഷ്യോ റിന്യൂവബിൾ വെഞ്ചേഴ്സിൽ നിന്നും 100 മെഗാവാട്ടിന്റെ സോളാർ അസറ്റ് ഏറ്റെടുത്ത് ഇന്ത്യ ഗ്രിഡ് ട്രസ്റ്റ്. 660 കോടി രൂപയ്ക്കാണ് ഏറ്റെടുക്കൽ നടത്തിയത്. ഇന്ത്യയിൽ പുനരുപയോഗ ഊർജ ആസ്തികൾ സ്വന്തമാക്കുന്ന ആദ്യത്തെ ഇൻഫ്രാസ്ട്രക്ചർ ഇൻവെസ്റ്റ്മെന്റ് ട്രസ്റ്റ് ആയി ഇൻഡിഗ്രിഡ് മാറി.
