ഇന്ത്യൻ സേനയ്ക്ക് ടാങ്ക് വേധ മിസൈലുകൾ വിതരണം ചെയ്യാൻ ഒരുങ്ങി ഭാരത് ഡൈനാമിക്സ്
ഇന്ത്യൻ കരസേനയ്ക്കായി 4,960 മിലാൻ 2ടി ആന്റി ടാങ്ക് ഗൈഡഡ് മിസൈലുകൾ നിർമ്മിച്ചു നൽകാൻ പ്രതിരോധ മന്ത്രാലയവും ഭാരത് ഡൈനാമിക്സും തമ്മിൽ കരാറിൽ ഒപ്പുവച്ചു. 1188 കോടി രൂപയുടെ കരാറിനാണ് ധാരണയായിരിക്കുന്നത്.
ടാറ്റാ കമ്മ്യൂണിക്കേഷനിലെ ഓഹരികൾ പൂർണമായും വിറ്റഴിച്ച് കേന്ദ്ര സർക്കാർ
ടാറ്റാ കമ്മ്യൂണിക്കേഷനിലെ ഓഹരികൾ പൂർണമായും വിറ്റ് ഒഴുവാക്കി കേന്ദ്ര സർക്കാർ. അധികമുണ്ടായിരുന്ന 10 ശതമാനം ഓഹരി ടാറ്റാ സൺസിന്റെ അനുബന്ധ സ്ഥാപനമായ പനാറ്റോൺ ഫിൻവെസ്റ്റിന് കെെമാറിയാണ് സർക്കാർ ടാറ്റാ കമ്മ്യൂണിക്കേഷൻ ഓഹരികൾ പൂർണമായും ഒഴുവാക്കിയത്.
പിഎൻസി ഇൻഫ്രാടെക്കിന് 1,412 കോടി രൂപയുടെ ഓർഡറുകൾ ലഭിച്ചു
പിഎൻസി ഇൻഫ്രാടെക്കിന്റെ അനുബന്ധ സ്ഥാപനമായ പിഎൻസി മീററ്റ് ഹരിദ്വാർ ഹൈവേസിന് ഹെെവേ അതോറിറ്റിയിൽ നിന്നും 1412 കോടി രൂപയുടെ പദ്ധതി ലഭിച്ചു. കേന്ദ്ര സർക്കാരിന്റെ ഭരത്മാല പരിയോജനയുടെ കീഴിലാണ് പദ്ധതി.
കൊവിഡ് വാക്സിൻ വിതരണത്തിനായി സ്ട്രൈഡസ് ഫാർമയും ആർ.ഡി.ഐ.എഫും തമ്മിൽ കെെകോർത്തു
200 മില്ല്യൺ സ്പുട്നിക് വി വാക്സിൻ ഡോസുകൾ വിതരണം ചെയ്യാൻ
സ്ട്രൈഡസ് ഫാർമ സയൻസിന്റെ അനുബന്ധ സ്ഥാപനമായ സ്റ്റെലിസ് ബയോഫാർമയും ആർ.ഡി.ഐ.എഫും തമ്മിൽ കെെകോർത്തു. കൊവിഡിനെതിരെ സ്പുട്നിക് വി വാക്സിൻ 91.6 ശതമാനം ഫലപ്രദമാണ്. 50ലേറെ രാജ്യങ്ങൾ ഇത് അംഗീകരിച്ചിട്ടുണ്ട്.
പുതിയ കോംപാക്റ്റ് ആംബുലൻസ് മാജിക് എക്സ്പ്രസ് അവതരിപ്പിച്ച്
ടാറ്റാ മോട്ടോഴ്സ്
ആംബുലൻസ് വിഭാഗത്തിൽ മാജിക് എക്സ്പ്രസ് കോംപാക്റ്റ് ആംബുലൻസ് അവതരിപ്പിച്ച് വാണിജ്യ വാഹന നിർമ്മാണ കമ്പനിയായ ടാറ്റാ മോട്ടോഴ്സ്. ആവശ്യമായ സ്ഥലം സൗകര്യങ്ങളോടെയും സുരക്ഷയോടെയും വാഹനത്തിൽ രോഗികൾക്കും അറ്റൻഡന്റുമാർക്കും യാത്ര ചെയ്യാനാകും. AIS 125 മാനദണ്ഡമനുസരിച്ചാണ് വാഹനത്തിന്റെ നിർമ്മാണം.
പരസ്യ വോളിയം ഫെബ്രുവരിയിൽ 21 ശതമാനം വർദ്ധനവ് രേഖപ്പെടുത്തി
ബാർക്ക് പുറത്തുവിട്ട കണക്കുകൾ പ്രകാരം ജനുവരി-ഫെബ്രുവരി മാസത്തെ പരസ്യ വോളിയം മുൻ വർഷത്തെ അപേക്ഷിച്ച് 21 ശതമാനം വർദ്ധനവ് രേഖപ്പെടുത്തി. ടിവി ചാനലുകളുടെ പരസ്യ വോളിയം 24 ശതമാനം മുതൽ 25 ശതമാനം വരെ വർദ്ധിച്ചു.
എച്ച്.ഡി.എഫ്.സി ബാങ്കിന്റെ എംഎസ്എംഇ ലോൺ ബുക്ക് 30 ശതമാനം ഉയർന്ന് 2 ലക്ഷം കോടിയായി
മൈക്രോ, ചെറുകിട, ഇടത്തരം എന്റർപ്രൈസസ് ലോൺ ബുക്ക് പ്രതിവർഷം 30 ശതമാനം വർദ്ധിച്ച് ഡിസംബർ അവസാനത്തോടെ രണ്ട് ലക്ഷം കോടി രൂപയിലെത്തിയതായി എച്ച്.ഡി.എഫ്.സി ബാങ്ക് പറഞ്ഞു. കൊവിഡ് പകർച്ചവ്യാധികൾക്കിടെ എംഎസ്എംഇ മേഖലയെ പിന്തുണയ്ക്കുന്നതിനായി ധനമന്ത്രാലയം 20 ലക്ഷം കോടി രൂപ പാക്കേജ് പ്രഖ്യാപിച്ചതിന് പിന്നാലെയാണ് ഇതിൽ വർദ്ധനവുണ്ടായത്.
60 കോടി രൂപയുടെ ഓഹരികൾ തിരികെ വാങ്ങാനൊരുങ്ങി ആരതി ഡ്രഗ്സ്
പത്ത് രൂപ മുഖവിലയ്ക്ക് 6 ലക്ഷം ഇക്യൂറ്റി ഓഹരികൾ തിരികെ വാങ്ങാൻ ആരതി ഡ്രഗ്സിന്റെ ഡയറക്ടർ ബോർഡ് തീരുമാനിച്ചു. ഓഹരി ഒന്നിന് 1000 രൂപ വീതം 60 കോടി രൂപയുടെ ഓഹരികൾ തിരികെ വാങ്ങാനാണ് കമ്പനി പദ്ധതിയിടുന്നത്.
സൂര്യോദെ സ്മോൾ ഫിനാൻസ് ബാങ്ക് ഐ.പി.ഒ, അവസാന ദിനം 2.37 തവണ സബ്സ്ക്രിപ്ഷൻ രേഖപ്പെടുത്തി
സൂര്യോദെ സ്മോൾ ഫിനാൻസ് ബാങ്ക് ഐ.പി.ഒ അവസാന ദിനം 2.37 തവണ സബ്സ്ക്രിപ്ഷൻ രേഖപ്പെടുത്തി. റീട്ടെയിൽ നിക്ഷേപകർക്കായി കരുതിവച്ചിരിക്കുന്ന ഭാഗം 3.09 തവണ സബ്സ്ക്രൈബു ചെയ്യപ്പെട്ടു.
നസറ ടെക്നോളജീസ് ഐപിഒ, അവസാന ദിനം 175.46 തവണ സബ്സ്ക്രിപ്ഷൻ രേഖപ്പെടുത്തി
നസറ ടെക്നോളജീസ് ഐപിഒ അവസാന ദിനം 175.46തവണ സബ്സ്ക്രിപ്ഷൻ രേഖപ്പെടുത്തി. റീട്ടെയിൽ നിക്ഷേപകർക്കായി കരുതിവച്ചിരിക്കുന്ന ഭാഗം 75.29 തവണ സബ്സ്ക്രൈബു ചെയ്യപ്പെട്ടു. ഐ.പി.ഒയെ പറ്റി കൂടുതൽ അറിയാൻ ലിങ്ക് സന്ദർശിക്കുക.
