ഫ്യൂച്ചർ ഗ്രൂപ്പ്- റിലയൻസ് കരാറിന് വീണ്ടും തിരിച്ചടി, നടപടി നിർത്തിവയ്ക്കാൻ സുപ്രീംകോടതി ഉത്തരവ്

ഫ്യൂച്ചർ ഗ്രൂപ്പ്- റിലയൻസ് കരാറിന് വീണ്ടും തിരിച്ചടി, നടപടി നിർത്തി വയ്ക്കാൻ സുപ്രീംകോടതി ഉത്തരവ്

ഫ്യൂച്ചർ റീട്ടെയിലും  റിലയൻസും തമ്മിലുള്ള   24,713 കോടി രൂപയുടെ കരാറിന് വീണ്ടും തിരിച്ചടി. കേസിൽ തൽസ്ഥിതി തുടരണമെന്ന് ഉത്തരവിട്ട സുപ്രീംകോടതി നിലവിലെ നടപടികൾ നിർത്തിവയ്ക്കാൻ ദേശീയ കമ്പനി നിയമ ട്രിബ്യൂണൽ (NCLT), സെബി, എന്നിവർക്ക് നിർദേശം നൽകി. ആമസോൺ നൽകിയ ഹർജിയെ തുടർന്നാണ് സുപ്രീംകോടതിയുടെ ഇടപെടൽ.

പവർ ട്രാൻസ്മിഷൻ  വിതരണ ബിസിനസുകൾക്കായി  നിരവധി കരാറുകൾ ലഭിച്ചതായി എൽ ആന്റ് ടി

പവർ ട്രാൻസ്മിഷൻ  വിതരണ ബിസിനസുകൾക്കായി നിരവധി  ആഭ്യന്തര കരാറുകൾ ലഭിച്ചതായി  എൽ ആന്റ് ടി അറിയിച്ചു. 2500 മുതൽ 5000 കോടി രൂപ വരെയുള്ള കരാറുകളാണ് കമ്പനിക്ക് ലഭിച്ചത്. ഗുജറാത്തിൽ 400 മെഗാവാട്ട് സൗരോർജ്ജ ഫോട്ടോ വോൾട്ടയിക് പദ്ധതി സ്ഥാപിക്കുന്നതിനും ഖത്തറിൽ 400 കെവി ലൈൻ കറന്റ് ലിമിറ്റിംഗ് റിയാക്ടറുകൾ സ്ഥാപിക്കുന്നതിനും കരാർ ലഭിച്ചിട്ടുണ്ട്.

ഇന്ത്യയിൽ കവചിത  വാഹനങ്ങൾ നിർമ്മിക്കുവാനായി  കെെകോർത്ത്
ഭാരത് ഫോർജും  പാരാമൗണ്ടും

ഭാരത് ഫോർജ് ലിമിറ്റഡ് ആഗോള എയ്‌റോസ്‌പേസ്, ടെക്‌നോളജി കമ്പനിയായ പാരാമൗണ്ട് ഗ്രൂപ്പുമായി ചേർന്ന്  ഇന്ത്യയിൽ കവചിത വാഹനങ്ങൾ നിർമ്മിക്കും. അബുദാബിയിൽ നടന്ന ഇന്റർനാഷണൽ ഡിഫൻസ് എക്സ്പോ (IDEX 2021) യിൽ വച്ച്  ഇരു കമ്പനികളും കരാർ ഒപ്പിട്ടു.

അപ്ലിക്കേഷൻ വികസനത്തിൽ  ഗൂഗിൽ    ക്ലൗഡ് പാർട്ണർ  സ്പെഷ്യലൈസേഷൻ നേടി മെെൻഡ് ട്രീ

ഗൂഗിൽ ക്ലൗഡ് പാർട്ണർ അഡ്വാന്റേജ് പ്രോഗ്രാമിൽ മൈൻഡ് ട്രീ ലിമിറ്റഡ് ആപ്ലിക്കേഷൻ ഡെവലപ്മെന്റ് പാർട്ണർ സ്പെഷ്യലൈസേഷൻ നേടി. ഗൂഗിൾ ക്ലൗഡ് സാങ്കേതികവിദ്യ ഉപയോഗിച്ച് ആപ്ലിക്കേഷൻ വികസനത്തിൽ ഉപഭോക്താക്കൾക്കായി പരിഹാരങ്ങൾ കാണുന്നതിന് ഈ സ്പെഷ്യലൈസേഷൻ സഹായകരമാകുമെന്ന്  ഐടി കമ്പനി അറിയിച്ചു.

ഡോ റെഡ്ഡി  ലബോറട്ടറീസ് യുഎസിൽ ലാൻസോപ്രസോൾ ടാബലറ്റുകൾ
അവതരിപ്പിച്ചു

ഡോ റെഡ്ഡി  ലബോറട്ടറീസ് യുഎസിൽ ലാൻസോപ്രസോൾ ടാബലറ്റുകൾ അവതരിപ്പിച്ചു. ആമാശയം, അന്നനാളം തുടങ്ങിയ ഭാഗങ്ങിൽ ഉണ്ടാകാനിടയുള്ള  ആസിഡ് റിഫ്ലക്സ്, അൾസർ എന്നീ  രോഗങ്ങളുടെ ചികിത്സയ്ക്കായാണ്  പുതിയ മുരുന്ന്  വികസിപ്പിച്ചത്.

വിസ്മിഡ് ലാബിന്റെ ഫെബ്രിൽ സിറപ്പിന് 
ഉസ്ബെക്കിസ്ഥാൻ സർക്കാർ അനുമതി നൽകി

100 എംഎൽ ഫെബ്രിൽ സിറപ്പിന് ഉസ്ബെക്കിസ്ഥാൻ സർക്കാർ അനുമതി നൽകിയതായി  വിസ്മിഡ് ലാബ് അറിയിച്ചു.
അലർജി, ജലദോഷം എന്നിവയിൽ നിന്നും രക്ഷ നേടാനാണ് മരുന്ന് ഉപയോഗിക്കുക. ഹെെദരാബാദ് ആസ്ഥാനമായി പ്രവർത്തിക്കുന്ന
ഫാർമ കമ്പനിയാണ് വിസ്മിഡ് ലാബ്. 

സ്ട്രിപ്പുകൾ വീൽസ് ലിമിറ്റഡിന്   7.47 കോടി രൂപയുടെ കയറ്റുമതി ഓർഡർ ലഭിച്ചു

യൂറോപ്യൻ യൂണിയൻ കാരവൻ ട്രെയിലർ മാർക്കറ്റിനായി സ്റ്റീൽ സ്ട്രിപ്പുകൾ വീൽസ് ലിമിറ്റഡിന്  (SSWL)  93,000 ചക്രങ്ങളുടെ കയറ്റുമതി ഓർഡറുകൾ നേടി. ഏകദേശം 7.47 കോടി രൂപയുടെ ഓർഡറാണ് കമ്പനിക്ക് ലഭിച്ചിരിക്കുന്നത്. ഓട്ടോ മേഖലയിൽ സ്റ്റീൽ വീൽ റിംസ് നിർമ്മിക്കുന്ന മുൻനിര കമ്പനിയാണ് സ്ട്രിപ്പുകൾ വീൽസ് ലിമിറ്റഡ്. 

ഡിവിഡന്റ് വിതരണ നയത്തിൽ ഭേദഗതി വരുത്താൻ ഒരുങ്ങി  ഹിൻഡാൽകോ

ഡിവിഡന്റ് വിതരണ നയത്തിൽ ഭേദഗതി വരുത്താൻ ഡയറക്ടർ ബോർഡ് അംഗീകരിച്ചതായി ഹിൻഡാൽകോ ഇൻഡസ്ട്രീസ് ലിമിറ്റഡ് അറിയിച്ചു. കമ്പനിയുടെ ഡിവിഡന്റ് വിതരണ ചട്ടക്കൂടിനെക്കുറിച്ച് ബന്ധപ്പെട്ടവർക്ക് വ്യക്തത നൽകുക എന്നതാണ് ഈ നയത്തിന്റെ ലക്ഷ്യം.

പുതിയ സഫാരി അവതരിപ്പിച്ച് ടാറ്റാ മോട്ടോർസ്

സഫാരിയുടെ പുതിയ മോഡൽ അവതരിപ്പിച്ച് ടാറ്റാ മോട്ടോർസ്.
14.69 ലക്ഷം രൂപയാണ് പുതിയ വാഹനത്തിന്റെ വില. 6 വേരിയന്റുകളിലായാണ്  കമ്പനി വാഹനം പുറത്തിറക്കുന്നത്.