എസ്.ബി.ഐ ക്യു 3 ഫലം: അറ്റാദായം 7 ശതമാനം ഇടിഞ്ഞ് 5,196 കോടി രൂപയായി
ഡിസംബറിലെ മൂന്നാം പാദത്തിൽ എസ്.ബി.ഐയുടെ പ്രതിവർഷ അറ്റാദായം 7 ശതമാനം ഇടിഞ്ഞ് 5196 കോടി രൂപയായി. ബാങ്കിന്റെ Net interest income 4 ശതമാനം ഉയർന്ന് 28,820 കോടി രൂപയായി. എസ്.ബി.ഐയുടെ മൊത്ത നിഷ്ക്രിയ ആസ്തി (GNPA) അനുപാതം 4.77 ശതമാനമായി, രണ്ടാം പാദത്തിൽ ഇത് 5.28 ശതമാനമായിരുന്നു.
എച്ച്.പി.സി.എൽ ക്യു 3 ഫലം: അറ്റാദായം മൂന്ന് മടങ്ങ് വർദ്ധിച്ച് 2,355 കോടി രൂപയായി
ഡിസംബറിലെ മൂന്നാം പാദത്തിൽ ഹിന്ദുസ്ഥാൻ പെട്രോളിയം കോർപ്പറേഷന്റെ (HPCL) അറ്റാദായം 2,355 കോടി രൂപയായി ഉയർന്നു. പോയവർഷം ഇതേകാലയളവിൽ കമ്പനിയുടെ അറ്റാദായം 747 കോടി രൂപയായിരുന്നു. പ്രതിവർഷ വരുമാനം 4 ശതമാനം ഉയർന്ന് 77,113 കോടി രൂപയായി. എണ്ണവിലയിലുണ്ടായ വർദ്ധനവ് എച്ച്.പി.സി.എല്ലിന്റെ ലാഭം വർദ്ധിപ്പിക്കാൻ സഹായകരമായി.
എച്ച്.സി.എൽ ടെക് എയർബസുമായി അഞ്ച് വർഷത്തെ ഡിജിറ്റൽ വർക്ക് പ്ലേയിസ് കരാറിൽ ഒപ്പുവച്ചു
എച്ച്.സി.എൽ ടെക് എയർബസുമായി ചേർന്ന് അഞ്ച് വർഷത്തെ ഡിജിറ്റൽ വർക്ക് പ്ലേയിസ് കരാറിൽ ഒപ്പുവച്ചു. ഉപയോക്തൃ അനുഭവവും സേവന നിലവാരവും വർദ്ധിപ്പിക്കുന്നതിനായി എയർബസ് ജീവനക്കാർക്കായാണ് എച്ച്.സി.എൽ ടെക് നവീകരിച്ച ഡിജിറ്റൽ വർക്ക് പ്ലേയിസ് സ്ഥാപിക്കുക.
ഗോദ്റെജ് പ്രോപ്പർട്ടീസ് ക്യു 3 ഫലം: അറ്റാദായം 69 ശതമാനം കുറഞ്ഞ് 14 കോടി രൂപയായി
ഡിസംബറിലെ മൂന്നാം പാദത്തിൽ ഗോദ്റെജ് പ്രോപ്പർട്ടീസിന്റെ അറ്റാദായം 69 ശതമാനം കുറഞ്ഞ് 14.35 കോടി രൂപയായി. ഇതേകാലയളവിൽ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 55 ശതമാനം കുറഞ്ഞ് 170.49 കോടി രൂപയായി. കമ്പനിയുടെ മൊത്ത ബുക്കിംഗ് മൂല്യം 25 ശതമാനം ഉയർന്ന് 1488 കോടി രൂപയായി.
മധ്യപ്രദേശിലെ 800 മെഗാവാട്ട് താപവൈദ്യുത നിലയം BHEL കമ്മീഷൻ ചെയ്തു
മധ്യപ്രദേശിലെ 800 മെഗാവാട്ട് താപവൈദ്യുത നിലയം
ഭാരത് ഹെവി ഇലക്ട്രിക്കൽസ് (BHEL) കമ്മീഷൻ ചെയ്തു.
എൻ.ടി.പി.സി ലിമിറ്റഡാണ് പദ്ധതി വികസിപ്പിക്കുന്നത്.
പദ്ധതിയുടെ രൂപകൽപ്പന, എഞ്ചിനീയറിംഗ്, നിർമ്മാണം, വിതരണം, നീരാവി ടർബൈനുകൾ, ജനറേറ്ററുകൾ എന്നിവയാണ് കമ്പനി കമ്മീഷൻ ചെയ്യുക.
ബജാജ് ഇലക്ട്രിക്കൽസ് ക്യു 3 ഫലം: അറ്റാദായം 98 കോടി രൂപ
ഡിസംബറിലെ മൂന്നാം പാദത്തിൽ ബജാജ് ഇലക്ട്രിക്കൽസിന്റെ അറ്റാദായം 98.19 കോടി രൂപയായി. പോയവർഷം ഇതേകാലയളവിൽ കമ്പനിയുടെ അറ്റാദായം 9.37 കോടി രൂപയായിരുന്നു. ഇതേകാലയളവിൽ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 16.85 ശതമാനം ഉയർന്ന് 1500 കോടി രൂപയായി.
സ്ട്രൈഡ്സ് ഫാർമ ക്യു 3 ഫലം: അറ്റാദായം 62 ശതമാനം കുറഞ്ഞ് 35 കോടി രൂപയായി
ഡിസംബറിലെ മൂന്നാം പാദത്തിൽ സ്ട്രൈഡ്സ് ഫാർമയുടെ ഏകീകൃത അറ്റാദായം 62 ശതമാനം കുറഞ്ഞ് 35.15 കോടി രൂപയായി. ഏകീകൃത വരുമാനം 832.02 കോടി രൂപയായി. പോയവർഷം ഇത് 732.43 കോടി രൂപയായിരുന്നു.
വ്യോമയാന സേവനങ്ങൾക്കായി എയർബസ് എസ്ഇയുമായി കെെകോർക്കാനൊരുങ്ങി ജി.എം.ആർ ഗ്രൂപ്പ്
വ്യോമയാന സേവനങ്ങൾക്കായി എയർബസ് എസ്ഇയുമായി കെെകോർക്കാനൊരുങ്ങി ജി.എം.ആർ ഗ്രൂപ്പ്. വിമാനത്താവള പ്രവർത്തനങ്ങൾ, എയർ കാർഗോ വിതരണ ശൃംഖല തുടങ്ങിയ മേഖലകളിൽ ഇരു കമ്പനികളും ഒത്തുപ്രവർത്തിക്കും.
ടാറ്റാ പവർ ക്യു 3 ഫലം: അറ്റാദായം 22 ശതമാനം വർദ്ധിച്ച് 318 കോടി രൂപയായി
ഡിസംബറിലെ മൂന്നാം പാദത്തിൽ ടാറ്റാ പവറിന്റെ ഏകീകൃത അറ്റാദായം 22 ശതമാനം ഉയർന്ന് 318.41 കോടി രൂപയായി. ഇതേകാലയളവിൽ കമ്പനിയുടെ മൊത്തം പ്രതിവർഷ വരുമാനം 7.5 ശതമാനം ഉയർന്ന് 7,598 കോടി രൂപയായി.
