ജെറ്റ് എയർവേസിനായി കൽറോക്ക്-ജലൻ കൂട്ടായി സമർപ്പിച്ച പ്രമേയ പദ്ധതിക്ക് അംഗീകാരം നൽകി എൻ.സി.എൽ.ടി
ജെറ്റ് എയർവേസിനായി കൽറോക്ക് ക്യാപിറ്റലും മുറാരി ലാൽ ജലനും കൂട്ടായി സമർപ്പിച്ച പ്രമേയ പദ്ധതിക്ക് അംഗീകാരം നൽകി ദേശീയ കമ്പനി ലോ ട്രിബ്യൂണൽ. എൻസിഎൽടിയുടെ മുംബൈ ബെഞ്ചാണ് അംഗീകാരം നൽകിയത്. ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ വിമാനക്കമ്പനികൾക്ക് സ്ലോട്ടുകൾ അനുവദിക്കുന്നതിനായി 90 ദിവസത്തെ സമയം അനുവദിച്ചു. കൺസോർഷ്യം ധനകാര്യ വായ്പക്കാർക്കും ജീവനക്കാർക്കും എയർലൈനിലെ മറ്റ് സ്റ്റാഫുകൾക്കും അഞ്ചുവർഷത്തിനുള്ളിൽ തിരിച്ചടവായി 1,183 കോടി രൂപ വാഗ്ദാനം ചെയ്തു.
ശോഭ ക്യു 4 ഫലം, അറ്റാദായം 64 ശതമാനം ഇടിഞ്ഞ് 17.9 കോടി രൂപയായി
മാർച്ചിലെ നാലാം പാദത്തിൽ ശോഭയുടെ പ്രതിവർഷ അറ്റാദായം 64 ശതമാനം ഇടിഞ്ഞ് 17.9 കോടി രൂപയായി. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 39.19 ശതമാനം ഇടിഞ്ഞ് 553.40 കോടി രൂപയായി. അതേസമയം ഓഹരി ഒന്നിന് 3.5 രൂപ വീതം കമ്പനി അവസാന ലാഭവിഹിതം പ്രഖ്യാപിച്ചു.
ഇക്കോസാപെന്റ് എഥൈൽ കാപ്സ്യൂളുകൾ അവതരിപ്പിച്ച് ഡോ. റെഡ്ഡി
യുഎസ് വിപണിയിൽ ഇക്കോസാപെന്റ് എഥൈൽ കാപ്സ്യൂളുകൾ അവതരിപ്പിച്ച് ഡോ. റെഡ്ഡി ലബോറട്ടറീസ്. കഠിനമായ ഹൈപ്പർട്രിഗ്ലിസറിഡീമിയ ഉള്ള രോഗികളിൽ ട്രൈഗ്ലിസറൈഡ് അളവ് കുറയ്ക്കുന്നതിനാണ് മരുന്ന് ഉപയോഗിക്കുക.
അവന്തി ഫീഡ്സ് ക്യു 4 ഫലം, അറ്റാദായം 19 ശതമാനം ഇടിഞ്ഞ് 69 കോടി രൂപയായി
മാർച്ചിലെ നാലാം പാദത്തിൽ അവന്തി ഫീഡ്സിന്റെ പ്രതിവർഷ അറ്റാദായം 19.88 ശതമാനം ഇടിഞ്ഞ് 69.69 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 7.06 ശതമാനമായി ഇടിഞ്ഞു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 6.12 ശതമാനം വർദ്ധിച്ച് 1098.11 കോടി രൂപയായി. അതേസമയം ഓഹരി ഒന്നിന് 6.5 രൂപ വീതം കമ്പനി അവസാന ലാഭവിഹിതം പ്രഖ്യാപിച്ചു.
സൈബർ ആക്രമണങ്ങൾ തടയുന്നതിനായി സുബെക്സുമായി കെെകോർത്ത് സ്പൈർ സൊല്യൂഷൻ
മിഡിൽ ഈസ്റ്റിലെയും ആഫ്രിക്കയിലെയും സൈബർ ആക്രമണങ്ങൾ തടയുന്നതിനായി സുബെക്സ് ലിമിറ്റഡുമായി കെെകോർത്ത് സ്പൈർ സൊല്യൂഷൻ. ഇൻറർനെറ്റ് ഓഫ് തിംഗ്സ്, ഐഒടി-ഒടി, ഇൻഫർമേഷൻ ടെക്, എന്നിവയുടെ സമഗ്രമായ ശേഖരം ഉപയോഗിച്ച് നിർണായക ഇൻഫ്രാസ്ട്രക്ചർ ലെവൽ സുരക്ഷയിൽ ബിസിനസുകൾ പരിരക്ഷിക്കപ്പെടുന്നുവെന്ന് കമ്പനികൾ ഉറപ്പുവരുത്തും.
പാരസെറ്റമോൾ ഓറൽ തിൻ ഫിലിം അവതരിപ്പിച്ച് ശിൽപ്പ മെഡികെയർ
പാരസെറ്റമോൾ ഓറൽ തിൻ ഫിലിമിന്റെ പീഡിയാട്രിക് ഡോസ് അവതരിപ്പിച്ച ശിൽപ്പ മെഡികെയർ. ‘മോൾഷിൽ’ എന്ന ബ്രാൻഡ് നാമത്തിലാണ് കമ്പനി ഇത് അവതരിപ്പിച്ചത്. ഓറഞ്ച് ഫ്ലേവറിൽ 60,120 എന്നീ ഗ്രാമിലാണ് മരുന്ന് അവതരിപ്പിച്ചിട്ടുള്ളത്.
ജൂലെെ മുതൽ വാഹനങ്ങളുടെ വില വർദ്ധിപ്പിക്കാൻ ഒരുങ്ങി ഹീറോ
ജൂലെെ 1 മുതൽ ഇരുചക്ര വാഹനങ്ങളുടെ വില വർദ്ധിപ്പിക്കാൻ ഒരുങ്ങി ഹീറോ മോട്ടോകോർപ്പ്. 3000 രൂപ വരെയാണ് വാഹനത്തിന് പുറത്ത് വർദ്ധിപ്പിക്കുക. ചരക്കു വസ്തുക്കളുടെ വില വർദ്ധനവിനെ തുടർന്നാണ് കമ്പനിയുടെ പുതിയ നടപടി.
എഞ്ചിനീയേഴ്സ് ഇന്ത്യ ലിമിറ്റഡിന് നുമലിഗഡ് റിഫൈനറിയിൽ നിന്ന് 111 കോടി രൂപയുടെ ഓർഡർ ലഭിച്ചു
കോക്കർ യൂണിറ്റിന്റെ നവീകരണം നടപ്പാക്കുന്നതിനായി എഞ്ചിനീയേഴ്സ് ഇന്ത്യ ലിമിറ്റഡിന് നുമലിഗഡ് റിഫൈനറിയിൽ നിന്ന് ഓർഡർ ലഭിച്ചു. നിലവിലെ ഡിസിയുവിന്റെ ശേഷി 0.306 ദശലക്ഷം മെട്രിക് ടണ്ണിൽ നിന്ന് 0.560 എംഎംടിപിഎയായി ഉയർത്തുന്നതാണ് പദ്ധതി. 111 കോടി രൂപയാണ് പദ്ധതിയുടെ മൊത്തം ചെലവ്.
