കാർ ലീസിംഗും സബ്സ്ക്രിപ്ഷൻ ബിസിനസും ആരംഭിച്ച് മഹീന്ദ്ര ഫിനാൻസ്
വാഹന സബ്സ്ക്രിപ്ഷൻ ബിസിനസ് ആരംഭിക്കുന്നതായി പ്രഖ്യാപിച്ച് മഹീന്ദ്ര ആൻഡ് മഹീന്ദ്ര ഫിനാൻഷ്യൽ സർവീസസ് ലിമിറ്റഡ്. അടുത്ത 3 മുതൽ 5 വർഷത്തിനുള്ളിൽ ഈ വിഭാഗത്തിൽ നിന്ന് 10,000 കോടി രൂപയുടെ ബിസിനസാണ് കമ്പനി ലക്ഷ്യമിടുന്നത്. ‘ക്വിക്ലിസ്’ എന്ന ബ്രാൻഡിന് കീഴിൽ മഹീന്ദ്ര ഫിനാൻസ് മൾട്ടി-ബ്രാൻഡ് വെഹിക്കിൾ ലീസിംഗും സബ്സ്ക്രിപ്ഷനും നൽകും. ഒരു വർഷത്തിനുള്ളിൽ ഇത് മുപ്പതോളം നഗരങ്ങളിലേക്ക് വ്യാപിപ്പിക്കാനും ലക്ഷ്യമിടുന്നുണ്ട്.
വ്യാപാരികൾക്കായി മൊബൈൽ ആപ്പ് പുറത്തിറക്കി ഇൻഡസ്ഇൻഡ് ബാങ്ക്
മൊബൈൽ ആപ്പായ ഇൻഡസ് മെർച്ചന്റ് സൊല്യൂഷൻസ് പുറത്തിറക്കി ഇൻഡസ്ഇൻഡ് ബാങ്ക്. വ്യാപാരികൾ, റീട്ടെയിലർമാർ, പ്രൊഫഷണലുകൾ എന്നിവരെ ഡിജിറ്റൽ ബാങ്കിംഗ് ഇടപാടുകൾ നടത്താൻ ആപ്പ് സഹായിക്കും. മൊബൈൽ ഫോണുകൾ വഴി ഇൻസ്റ്റെന്റ് പേയ്മെന്റുകൾ നടത്താനും, ഇൻ-ബിൽറ്റ് ഡാഷ്ബോർഡുകൾ വഴി ഇൻവെന്ററി ട്രാക്ക് ചെയ്യാനും, ചെറുകിട ടിക്കറ്റ് ബിസിനസ് ലോണുകൾ ലഭ്യമാക്കുക തുടങ്ങിയ പ്രവർത്തനങ്ങൾ ഏറ്റെടുക്കാൻ വ്യാപാരികളെയും റീട്ടെയിലർമാരെയും പ്ലാറ്റ്ഫോം അനുവദിക്കും. കാർഡ് വഴിയുള്ള പേയ്മെന്റുകൾ സുഗമമാക്കുന്നതിനായ എക്സ്ക്ലൂസീവ് പോയിന്റ് ഓഫ് സെയിൽ (PoS) മെഷീനിനായി അപേക്ഷിക്കാനും ഇത് ഉപയോക്താക്കളെ അനുവദിക്കും.
ഡൗൺലോഡ് വേഗതയിൽ ജിയോ 4ജി ഒന്നാമത്; ട്രായ്
ഏറ്റവും ഉയർന്ന ശരാശരി ഡാറ്റ ഡൗൺലോഡ് വേഗതയിൽ ഒന്നാം സ്ഥാനം നിലനിർത്തി റിലയൻസ് ജിയോ ഇൻഫോകോം. സെക്കൻഡിൽ 21.9 മെഗാബിറ്റ് ആണ് ജിയോയുടെ വേഗത. ഭാരതി എയർടെല്ലിന്റെയും വോഡഫോൺ ഐഡിയയുടെയും (Vi) നെറ്റ്വർക്കുകൾ തുടർച്ചയായി ഡാറ്റ ഡൗൺലോഡ് വേഗതയിൽ വർദ്ധനവ് രേഖപ്പെടുത്തിയിട്ടുണ്ട്. എയർടെല്ലിന്റെ ഫോർ ജി ഡാറ്റ ഡൗൺലോഡ് വേഗത ജൂണിലെ 5 എംബിപിഎസിൽ നിന്ന് ഒക്ടോബറിൽ 13.2 എംബിപിഎസായി വർദ്ധിച്ചിട്ടുണ്ട്. വി ഐയുടെ വേഗത ജൂണിലെ 6.5 എംബിപിഎസിൽ നിന്ന് 15.6 എംബിപിഎസായി വർദ്ധിച്ചിട്ടുണ്ട്.
അലെംബിക് ഫാർമയുടെ ആൻറി ബാക്ടീരിയൽ ഓയിൻമെന്റിന് യുഎസ്എഫ്ഡിഎ അംഗീകാരം
അലെംബിക് ഫാർമസ്യൂട്ടിക്ക്സ് ലിമിറ്റഡിന്റെ സംയുക്ത സംരംഭമായ അൽയോർ ഡെർമാക്യൂട്ടിക്കൽസിന്റെ മുപിരോസിൻ ക്രീമിന് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷനിൽ നിന്ന് അന്തിമ അനുമതി ലഭിച്ചു. രണ്ടാമതും ബാധിച്ച ട്രോമാറ്റിക് ചർമ്മ പ്രശ്നങ്ങളുടെ ചികിത്സയ്ക്കായാണ് മരുന്ന് ഉപയോഗിക്കുന്നത്. ഐക്യുവിഐഎയുടെ ഡാറ്റ അനുസരിച്ച് 2021 ജൂണിൽ അവസാനിച്ച 12 മാസത്തേക്ക് ഉൽപ്പന്നത്തിന് ഏകദേശം 28 മില്യൺ ഡോളർ (~208.05 കോടി രൂപ) വിപണി മൂല്യമുണ്ട്.
ജെഎസ്ഡബ്ല്യു സ്റ്റീൽ എസ് ആന്റ് പി ഡിജെഎസ്ഐയിൽ
എസ് ആന്റ് പി ഡൗ ജോൺസ് സസ്റ്റൈനബിലിറ്റി ഇൻഡക്സിൽ (ഡിജെഎസ്ഐ) 2021-ലെ എമർജിംഗ് മാർക്കറ്റായി ജെഎസ്ഡബ്ല്യു സ്റ്റീൽ ലിമിറ്റഡിനെ തെരഞ്ഞെടുത്തു. ആഗോളതലത്തിലെ 108 കമ്പനികൾ ഉൾപ്പെടുന്നതാണ് ഡിജെഎസ്ഐ ഇൻഡക്സ്. ഇന്ത്യയിൽ നിന്നും ഇതിൽ ഉൾപ്പെട്ട 15 കമ്പനികളിൽ ഒന്നാണ് സ്റ്റീൽ ജെഎസ്ഡബ്ല്യു സ്റ്റീൽ. പരിസ്ഥിതി, സാമൂഹികം, ഗവേർണൻസ് എന്നീ മൂന്ന് ഡൊമെയ്നുകളിലെ സ്കോറുകൾ ജെഎസ്ഡബ്ല്യു സ്റ്റീൽ മെച്ചപ്പെടുത്തി. കോർപ്പറേറ്റ് സുസ്ഥിരതയുടെ സുവർണ്ണ നിലവാരമാണ് ഡിജെഎസ്ഐ. ആഗോള നിക്ഷേപകരും ഫണ്ട് മാനേജർമാരും സാമ്പത്തിക വിശകലന വിദഗ്ധരും ഇഎസ്ജി അധിഷ്ഠിത നിക്ഷേപങ്ങൾ പ്രാധാന്യത്തോടെ പരിഗണിക്കുന്നവരാണ്.
159 കോടി രൂപയുടെ ഓഹരികൾ തിരിച്ചുവാങ്ങാൻ ന്യൂക്ലിയസ് സോഫ്റ്റ്വെയറിന് ഓഹരി ഉടമകളുടെ അനുമതി
22.67 ലക്ഷം ഇക്വിറ്റി ഓഹരികൾ ഒരു ഓഹരിക്ക് 700 രൂപ നിരക്കിൽ തിരികെ വാങ്ങാൻ ന്യൂക്ലിയസ് സോഫ്റ്റ്വെയർ എക്സ്പോർട്ട് ലിമിറ്റഡിന് ഓഹരി ഉടമകളുടെ അനുമതി ലഭിച്ചു. ആകെ 159 കോടി രൂപയിൽ കൂടാത്ത തുകയ്ക്ക് കമ്പനി ഓഹരികൾ തിരികെ വാങ്ങും. കമ്പനിയുടെ മൊത്തം പെയ്ഡ്-അപ്പ് ഇക്വിറ്റി മൂലധനത്തിന്റെ 7.81 ശതമാനമാണ് മൊത്തം ഷെയർ ബൈബാക്ക്.
ആക്സിസ് ബാങ്കുമായി സഹകരിച്ച് ഫിൻടെക് എഞ്ചിനീയറിംഗ് പ്രോഗ്രാം ആരംഭിച്ച് എൻഐഐടി
ആക്സിസ് ബാങ്കിന്റെയും എൻഐഐടി ഇൻസ്റ്റിറ്റ്യൂട്ട് ഓഫ് ഫിനാൻസിന്റെയും, ബാങ്കിംഗ് ആൻഡ് ഇൻഷുറൻസിന്റെയും (എൻഐഐടി ഐഎഫ്ബിഐ) സംയുക്ത സംരംഭമായ എൻഐഐടി ഡിജിറ്റൽ ബാങ്കിംഗ് അക്കാദമി പരിചയസമ്പന്നരായ ഐടി പ്രൊഫഷണലുകൾക്കായി അതിന്റെ രണ്ടാമത്തെ പ്രോഗ്രാം ആരംഭിച്ചു. സാമ്പത്തിക സേവനങ്ങൾക്കായുള്ള മുൻനിര ഡിജിറ്റൽ പ്ലാറ്റ്ഫോമുകളിലൊന്നായ ഫ്രീചാർജ് ഉപയോഗിച്ച് “ഫ്രണ്ട്എൻഡ്, ബാക്ക്എൻഡ് ആപ്ലിക്കേഷൻ ഡെവലപ്പർമാർ” എന്ന നിലയിൽ പ്രോഗ്രാം മികച്ച കരിയർ വാഗ്ദാനം ചെയ്യുന്നു.
പൂർവാഞ്ചൽ എക്സ്പ്രസ് വേയ്ക്കായി സെയിൽ 50,000 ടൺ സ്റ്റീൽ വിതരണം ചെയ്തു
ഉത്തർപ്രദേശിലെ പൂർവാഞ്ചൽ എക്സ്പ്രസ് വേയ്ക്കായി സ്റ്റീൽ അതോറിറ്റി ഓഫ് ഇന്ത്യ ലിമിറ്റഡ് (സെയിൽ) 50,000 ടൺ സ്റ്റീൽ വിതരണം ചെയ്തു. ലഖ്നൗവിൽ നിന്ന് കിഴക്കൻ യുപിയിലെ ഗാസിപൂരുമായി ബന്ധിപ്പിക്കുന്ന 341 കിലോമീറ്റർ നീളമുള്ള എക്സ്പ്രസ് വേ ചൊവ്വാഴ്ചയാണ് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തത്.
കോർപ്പറേറ്റ് ഘടനയുടെ പൂർണമായും നവീകരിക്കാൻ വേദാന്ത
കോർപ്പറേറ്റ് ഘടനയുടെ പൂർണമായും നവീകരിക്കാൻ പദ്ധതിയിട്ട് വേദാന്ത ലിമിറ്റഡ്. ഡീമെർജറുകൾ, സ്പിൻ-ഓഫുകൾ, തന്ത്രപരമായ പങ്കാളിത്തം എന്നിവ ഉൾപ്പെടെ എല്ലാ സാധ്യതകളും കമ്പനി വിലയിരുത്തുന്നുണ്ട്. അലുമിനിയം, ഇരുമ്പ് & സ്റ്റീൽ, ഓയിൽ & ഗ്യാസ് എന്നീ വെർട്ടിക്കലുകൾ പ്രത്യേക എന്റിറ്റികളായി ലിസ്റ്റ് ചെയ്യാനും കമ്പനി ശ്രമിക്കുന്നുണ്ട്.
ഐപിഒ അപ്ഡേറ്റുകൾ:
ടാർസൺസ് പ്രോഡക്ട്സ് ലിമിറ്റഡിന്റെ 1,023.47 കോടി രൂപയുടെ ഐപിഒ ലേലത്തിന്റെ അവസാന ദിവസം 77.49 തവണ സബ്സ്ക്രൈബ് ചെയ്തു. റീട്ടെയിൽ നിക്ഷേപകർ അവരുടെ റിസർവ് ചെയ്ത ഭാഗത്തിനെതിരെ 10.56 തവണ വരിക്കാരായി. നോൺ-ഇൻസ്റ്റിറ്റിയൂഷണൽ നിക്ഷേപകർ (എൻഐഐ) റിസർവ് ചെയ്ത ഭാഗങ്ങൾക്കെതിരെ 184.48 തവണയും ക്വാളിഫൈഡ് ഇൻസ്റ്റിറ്റിയൂഷണൽ ബയേഴ്സ് 115.77 മടങ്ങും വരിക്കാരായി. ഗോ ഫാഷൻ (ഇന്ത്യ) ലിമിറ്റഡിന്റെ 1,013.61 കോടി രൂപയുടെ ഐപിഒ ലേലത്തിന്റെ ആദ്യ ദിവസം തന്നെ 2.46 തവണ സബ്സ്ക്രൈബ് ചെയ്തു. റീട്ടെയിൽ നിക്ഷേപകർ അവരുടെ റിസർവ് ചെയ്ത ഭാഗത്തിനെതിരെ 12.14 തവണയും നോൺ-ഇൻസ്റ്റിറ്റിയൂഷണൽ നിക്ഷേപകർ (എൻഐഐ) 44 ശതമാനവും ക്വാളിഫൈഡ് ഇൻസ്റ്റിറ്റിയൂഷണൽ ബയേഴ്സ് (ക്യുഐബി) 25 ശതമാനവും അവരുടെ റിസർവ് ചെയ്ത ഭാഗങ്ങൾക്കെതിരെ സബ്സ്ക്രൈബുചെയ്തു.
