വീണ്ടും ഗ്യാപ്പ് അപ്പിൽ വ്യാപാരം ആരംഭിക്കാൻ ഒരുങ്ങി നിഫ്റ്റി – പ്രീമാർക്കറ്റ് റിപ്പോർട്ട്

പ്രധാനതലക്കെട്ടുകൾ

ZEEL: ഫെബ്രുവരിയിൽ 10,000 കോടി രൂപയുടെ വാല്യുവേഷനിൽ മറ്റൊരു ഇന്ത്യൻ മീഡിയ ഗ്രൂപ്പുമായി ലയിപ്പിക്കുന്നതിന് നിർദ്ദേശം നൽകിയതായി കമ്പനിയുടെ ഏറ്റവും വലിയ ഓഹരി ഉടമകളായ ഇൻവെസ്കോ പറഞ്ഞു.

Tata Motors: ഇലക്ട്രിക് വാഹന ബിസിനസിനായി ടിപിജി റെെസ് ക്ലെെമറ്റിൽ നിന്നും 1 ബില്യൺ ഡോളർ സമാഹരിക്കുമെന്ന് കമ്പനി പറഞ്ഞു.

Adani Ports: അടുത്തിടെ ഉണ്ടായ ആരോപണങ്ങൾക്ക് പിന്നാലെ ഇറാൻ, പാകിസ്ഥാൻ, അഫ്ഗാനിസ്ഥാൻ എന്നിവിടങ്ങളിൽ നിന്നുള്ള ചരക്കുകൾ കെെകാര്യം ചെയ്യില്ലെന്ന് വ്യക്തമാക്കി കമ്പനി. നവംബർ 15 മുതൽ തീരുമാനം പ്രാബല്യത്തിൽ വരും.

IndusInd Bank: ഡയറക്ട്, ഇൻഡയറക്ട് ടാക്സ് എന്നിവ സ്വീകരിക്കാൻ ബാങ്കിന് ആർബിഐയുടെ അനുമതി ലഭിച്ചു.

Steel Exchange India: ഒക്ടോബർ 15 ന് ധനസമാഹരണത്തിനുള്ള നിർദ്ദേശങ്ങൾ കമ്പനി പരിഗണിക്കും.

ഇന്നത്തെ പ്രധാന ക്യു 2 ഫലങ്ങൾ

• Infosys
• Mindtree
• Wipro

ഇന്നത്തെ വിപണി സാധ്യത

ഇന്നലെ വ്യാപാരം ആരംഭിച്ചതിന് പിന്നാലെ ശക്തമായ മുന്നേറ്റം നടത്തിയ നിഫ്റ്റി 18000 പരീക്ഷിച്ചു. പിന്നീട് ദിവസം മുഴുവൻ അസ്ഥിരമായി കാണപ്പെട്ട സൂചിക അവസാന നിമിഷം ഇത് മറികടന്നു. തുടർന്ന്  0.26 ശതമാനം നേട്ടത്തിൽ 17991 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. കഴിഞ്ഞ ദിവസത്തെ വിപണി വിശേഷങ്ങൾ അറിയാൻ ലിങ്ക് സന്ദർശിക്കുക.

ബാങ്ക് നിഫ്റ്റി ശക്തമായ മുന്നേറ്റം നടത്തി കൊണ്ട് എക്കാലത്തെയും ഉയർന്ന നിലമറികടന്ന് 38600 രേഖപ്പെടുത്തി. തുടർന്ന് 227 പോയിന്റുകളുടെ നേട്ടത്തിൽ 38521 എന്ന നിലയിൽ സൂചിക വ്യാപാരം അവസാനിപ്പിച്ചു.  

നിഫ്റ്റി എഫ്എംസിജി (+1.2%), നിഫ്റ്റി മീഡിയ (+1.4%),  നിഫ്റ്റി മെറ്റൽ (+1.1%),  എന്നിവ  ലാഭത്തിൽ അടച്ചു. നിഫ്റ്റി പി.എസ്.യു ബാങ്ക് (+3%) അവസാന നിമിഷം കത്തിക്കയറി. നിഫ്റ്റി ഐടി (-0.88%) നഷ്ടത്തിൽ അടച്ചു.

യൂറോപ്യൻ വിപണികൾ വ്യാപാരം ആരംഭിച്ചതിന് പിന്നാലെ നേട്ടം കെെവരിച്ചെങ്കിലും നഷ്ടത്തിൽ തന്നെ അടച്ചു. യുഎസ് വിപണിയും നഷ്ടത്തിൽ അടച്ചു.

ഏഷ്യൻ വിപണികൾ ഏറെയും ലാഭത്തിലാണ് ഇപ്പോൾ വ്യാപാരം നടത്തുന്നത്. ജപ്പാൻ ഫ്ലാറ്റായി കാണപ്പെടുന്നു. യൂറോപ്യൻ, യുഎസ് ഫ്യൂച്ചേഴ്സ് എന്നിവയും ഫ്ലാറ്റായാണ് വ്യാപാരം നടത്തുന്നത്.

SGX NIFTY താഴ്ന്ന നിലയിൽ 18,046-ലാണ് വ്യാപാരം നടത്തുന്നത്. ഇത് ഇന്ത്യൻ വിപണിയിൽ ഒരു ഗ്യാപ്പ് അപ്പ് ഓപ്പണിംഗിനുള്ള സൂചന നൽകുന്നു.

18,000, 17,940, 17880 എന്നിവിടെ നിഫ്റ്റിക്ക് ശക്തമായ സപ്പോർട്ട് ഉള്ളതായി കാണാം. 18,040, 18100, 18200 എന്നിവിടെ ശക്തമായ പ്രതിരോധം അനുഭവപ്പെട്ടേക്കും.

ബാങ്ക് നിഫ്റ്റിയിൽ 38,000, 38,450 എന്നിവിടെ ശക്തമായ സപ്പോർട്ട് ഉള്ളതായി കാണാം. 38600, 38800, 39000 എന്നിവിടെ ശക്തമായ പ്രതിരോധം അനുഭവപ്പെട്ടേക്കും.

18,000, 18,200 എന്നിവിടെയാണ് നിഫ്റ്റിയിൽ ഏറ്റവും ഉയർന്ന കോൾ ഒഐ കാണുന്നത്. 17800, 17900 എന്നിവിടെ ഏറ്റവും കൂടുതൽ പുട്ട് ഒഐയും കാണപ്പെടുന്നു.

എസ്.ജി.എക്സ് നിഫ്റ്റിക്ക് സമാനമായി ഗ്യാപ്പ് അപ്പിൽ നിഫ്റ്റി വ്യാപാരം ആരംഭിച്ചാൽ മുകളിലേക്ക് മികച്ച നീക്കം പ്രതീക്ഷിക്കാം. ഇന്നലെ പറഞ്ഞത് പോലെ നിഫ്റ്റിയിൽ ഒരു ഷോർട്ട് കവറിംഗ് നീക്കം കാണപ്പെട്ടു. 18000ൽ ഉണ്ടായിരുന്ന കോൾ സെല്ലേഴ്സ് എല്ലാം തന്നെ ഇന്നലെ നഷ്ടത്തിൽ മുങ്ങിതാന്നു. 18,041 മറികടന്ന് മുന്നേറാനും ഇത് നിലനിർത്താനും സാധിച്ചാൽ സൂചിക കൂടുതൽ ഉയരങ്ങൾ സ്വന്തമാക്കിയേക്കാം.

നിക്ഷേപ സ്ഥാപനങ്ങൾ വീണ്ടും ഒരുമിച്ച് ഓഹരികൾ വിറ്റഴിച്ചു. വിദേശ നിക്ഷേപ സ്ഥാപനങ്ങൾ (FIIs) 278.32 കോടി രൂപയുടെ ഓഹരികൾ വിറ്റഴിച്ചപ്പോൾ, ആഭ്യന്തര നിക്ഷേപ സ്ഥാപനങ്ങൾ (DIIs) ഇന്ത്യൻ വിപണിയിൽ നിന്നും 741 കോടി രൂപയുടെ ഓഹരികൾ വിറ്റഴിച്ചു.

ബാങ്ക് നിഫ്റ്റി ബുള്ളിഷായി തുടർന്നേക്കും. ഇതിനൊപ്പം പ്രധാന ഐടി ഓഹരികളായ ഇൻഫോസിസ്, വിപ്രോ എന്നിവയുടെ രണ്ടാം പാദഫലങ്ങൾ വരുന്നതിനാൽ വിപണിയിൽ ചാഞ്ചാട്ടം അനുഭവപ്പെട്ടേക്കാം. എസ്.ബി.ഐ ഓഹരിയിൽ കൂടി ശ്രദ്ധിക്കുക.

ലൈവ് മാർക്കറ്റ് വാർത്തകൾക്കും അറിയിപ്പുകൾക്കുമായി മാർക്കറ്റ്ഫീഡ് ആപ്പ് സന്ദർശിക്കുക. ശുഭദിനം.