202 ഐസിസി മെൻ ടി 20 ലോകകപ്പ് തത്സമയം എത്തിക്കാൻ പിവിആർ സിനിമാസ്
2021 ഐസിസി മെൻ ടി 20 ലോകകപ്പിന്റെ തത്സമയ മത്സരങ്ങൾ പ്രദർശിപ്പിക്കുന്നതിന് അന്താരാഷ്ട്ര ക്രിക്കറ്റ് കൗൺസിലുമായി (ഐസിസി) കരാർ ഒപ്പിട്ട് പിവിആർ സിനിമാസ്. 35 ൽ അധികം നഗരങ്ങളിലെ 75 ലധികം സിനിമാശാലകളിൽ മത്സരങ്ങൾ പ്രദർശിപ്പിക്കും. യുഎഇയിലും ഒമാനിലുമായിട്ടാണ് മത്സരം.
എൽ&ടി എഡു ടെക്കിലൂടെ ഓൺലൈൻ വരുമാനം ഉണ്ടാക്കാൻ എൽ & ടി
എൽ&ടി എഡു ടെക്കിന്റെ ആരംഭം പ്രഖ്യാപിച്ച് ലാർസൻ & ട്യുബ്രോ. വ്യവസായ മേഖലകളിലേക്കുള്ള പ്രതിഭകളെ സൃഷ്ടിക്കുന്ന പുതിയ എജുക്കേഷൻ ആപ്ലിക്കേഷനാണിത്. എൽ & ടി യുടെ ഭാവിയിലെ ബിസിനസ് വളർച്ചയാണ് ഇത് ലക്ഷ്യമിടുന്നത്. യുവ എഞ്ചിനീയർമാരുടെ കഴിവും വ്യവസായ പ്രതീക്ഷകളും തമ്മിലുള്ള അന്തരം കുറയ്ക്കുകയും ചെയ്യുന്നു. ഇത് വിദ്യാർത്ഥികളുടെയും പ്രൊഫഷണലുകളുടെയും തൊഴിൽ സാധ്യത വർദ്ധിപ്പിക്കുകയും ചെയ്യും.
മനീഷ് മൽഹോത്രയുടെ ഡിസൈനർ ലേബലിൽ 40% ഓഹരികൾ ഏറ്റെടുക്കാൻ റിലയൻസ്
ഡിസൈനർ മനീഷ് മൽഹോത്രയുടെ ഉടമസ്ഥതയിലുള്ള എംഎം സ്റ്റൈൽസ് പ്രൈവറ്റ് ലിമിറ്റഡിന്റെ 40% ഓഹരികൾ സ്വന്തമാക്കുന്നതിനുള്ള കരാറുകളിൽ ഒപ്പുവച്ച് റിലയൻസ് ബ്രാൻഡ്സ് ലിമിറ്റഡ് (ആർബിഎൽ). ആർബിഎല്ലിന്റെ നിക്ഷേപം മനീഷ് മൽഹോത്ര ബ്രാൻഡിനെ ആഗോളതലത്തിലേക്ക് ഉയർത്തും. മാനേജിംഗ്, ക്രിയേറ്റീവ് ഡയറക്ടർ എന്നീ നിലകളിൽ ബ്രാൻഡിനെ മൽഹോത്ര നയിക്കും.
33 കോടി രൂപയ്ക്ക് കഫോമ ഓട്ടോപാർട്സ് സ്വന്തമാക്കി എം എം ഫോർഗിംഗ്സ്
കഫോമ ഓട്ടോപാർട്സ് പ്രൈവറ്റ് പൂർണ്ണമായും സ്വന്തമാക്കി എംഎം ഫോർജിംഗ്സ് ലിമിറ്റഡ്. 33 കോടി രൂപയ്ക്കാണ് കമ്പനി കഫോമ ഓട്ടോസ്പാർട്സ് സ്വന്തമാക്കിയത്. എല്ലാത്തരം ഓട്ടോ പാർട്സുകളുടെയും എഞ്ചിൻ ഭാഗങ്ങളുടെയും നിർമ്മാണം വിതരണം എന്നിവയാണ് കമ്പനിയുടെ സേവനങ്ങൾ
ഹൈടെക് ഡയഗ്നോസ്റ്റിക്സ് 636 കോടി രൂപയ്ക്ക് ഏറ്റെടുക്കാൻ അനുമതി നൽകി മെട്രോപൊളിസ് ഹെൽത്ത് കെയറിന്റെ ബോർഡ്
636 കോടി രൂപയ്ക്ക് ഹൈടെക് ഡയഗ്നോസ്റ്റിക് സെന്ററും അതിന്റെ അനുബന്ധ സ്ഥാപനമായ സെൻട്രലാബ് ഹെൽത്ത് കെയർ സർവീസുകളും ഏറ്റെടുക്കാൻ അംഗീകാരം നൽകി മെട്രോപോളിസ് ഹെൽത്ത് കെയർ ഡയറക്ടർ ബോർഡ്. ആറു മാസത്തിനുള്ളിൽ ഏറ്റെടുക്കൽ പൂർത്തിയാക്കുമെന്നാണ് സൂചന. ഇന്ത്യയിലെ ഏറ്റവും വലിയ ഡയഗ്നോസ്റ്റിക് സെന്ററുകളുടെയും പാത്തോളജി ലാബുകളുടെയും ശൃംഖലയാണ് മുംബൈ ആസ്ഥാനമായുള്ള മെട്രോപോളിസ് ഹെൽത്ത് കെയർ.
സിമന്റ് പ്ലാന്റിന്റെ നവീകരണ പദ്ധതി പൂർത്തിയാക്കി റെയിൻ സിമന്റ്സ് ലിമിറ്റഡ്
ആന്ധ്രാപ്രദേശിലെ ബോയിൻചെരുവുപള്ളി വില്ലേജ് യൂണിറ്റ്- II ലെ സിമന്റ് മിൽ നവീകരണം പൂർത്തിയാക്കി റെയിൻ ഇൻഡസ്ട്രീസിന്റെ പൂർണ ഉടമസ്ഥതയിലുള്ള റെയിൻ സിമന്റ്സ് ലിമിറ്റഡ്. കമ്പനിയുടെ സിമന്റ് അരക്കൽ ശേഷി പ്രതിവർഷം 2.033 മില്ല്യൺ ടണ്ണിൽ നിന്ന് 2.795 മില്ല്യൺ ടൺ ആയി ഉയർന്നു. കാൽസിൻഡ് പെട്രോളിയം കോക്ക്, കൽക്കരി ടാർ പിച്ച് എന്നിവയുടെ മുൻനിര നിർമ്മാതാക്കളിൽ ഒരാളാണ് റെയിൻ ഇൻഡസ്ട്രീസ്.
ഇ-ലേലത്തിൽ നിന്ന് വിട്ടുനിൽക്കാൻ കോൾ ഇന്ത്യ
വൈദ്യുതി പ്ലാന്റുകളിലെ സ്റ്റോക്ക് കുറഞ്ഞതോടെ കൽക്കരി ഇ-ലേലത്തിൽ നിന്ന് വിട്ടുനിൽക്കാൻ അനുബന്ധ സ്ഥാപനങ്ങളോട് ആവശ്യപ്പെട്ട് സർക്കാർ ഉടമസ്ഥതയിലുള്ള കോൾ ഇന്ത്യ ലിമിറ്റഡ് (സിഐഎൽ). വൈദ്യുതി പ്രതിസന്ധി വലിയ തോതിൽ ഉയരുന്നതായുള്ള റിപ്പോർട്ടിന്റെ അടിസ്ഥാനത്തിൽ കൽക്കരിയുടെ സ്റ്റോക്ക് നിറയ്ക്കാൻ മുൻഗണന നൽകണമെന്നും സിഐഎൽ പറഞ്ഞു. അന്താരാഷ്ട്ര വിപണിയിൽ കൽക്കരി വില കുതിച്ചുയരുകയാണ്.
അമേരിക്കൻ വിപണിയിൽ കാർമുസ്റ്റിൻ പുറത്തിറക്കി ഡോ. റെഡ്ഡീസ് ലാബ്സ്
യുഎസ് വിപണിയിൽ ഇൻജക്ഷനുള്ള കാർമുസ്റ്റൈൻ, യുഎസ്പി പുറത്തിറക്കി ഡോ. റെഡ്ഡീസ് ലബോറട്ടറീസ്. 100 മില്ലിഗ്രാം കാർമുസ്റ്റൈൻ യുഎസ്പി അടങ്ങിയ സിംഗിൾ ഡോസ് കുപ്പിയും 3 എംഎൽ അണുവിമുക്തമായ ലായനിയും അടങ്ങിയ ഒരു പാക്കേജാണ് ലിയോഫിലൈസ്ഡ് പൊടിയാണ് മരുന്ന്. ഇക്വിവിയ ഡാറ്റ അനുസരിച്ച് മരുന്നിന്റെ ജനറിക് പതിപ്പിന് 2021 ഓഗസ്റ്റ് വരെ 19.4 മില്യൺ ഡോളറിന്റെ (14 145.56 കോടി രൂപ) വിൽപ്പന ലഭിച്ചിരുന്നു.
