നിഫ്റ്റി ഇനി എങ്ങോട്ട്? – ഇന്നത്തെ സ്റ്റോക്ക് മാർക്കറ്റ്

ന്യൂസ് ഷോട്ടുകൾ

JSW സ്റ്റീലിൽ 0.97 ശതമാനം ഓഹരി LIC വാങ്ങുന്നു. സെപ്റ്റംബർ പാദത്തിലെ 2.43 ശതമാനത്തിൽ നിന്ന് മൊത്തം ഓഹരി 3.40 ശതമാനമായി ഉയർന്നു.

മുംബൈ-അഹമ്മദാബാദ് ബുള്ളറ്റ് ട്രെയിൻ പദ്ധതിക്കായി 25,000 കോടി രൂപയുടെ കരാർ L&T നേടി.

HDFC Life സെപ്റ്റംബർ പാദത്തിലെ ലാഭത്തിൽ 6 ശതമാനം വർദ്ധനവ് രേഖപ്പെടുത്തി.

സെപ്റ്റംബറിൽ അവസാനിച്ച പാദത്തിൽ 495.20 കോടി രൂപയുടെ അറ്റാദായം ബ്രിട്ടാനിയ ഇൻഡസ്ട്രീസ് റിപ്പോർട്ട് ചെയ്തു. ഒരു വർഷം മുമ്പത്തെ അപേക്ഷിച്ച് 23 ശതമാനം വർധനവാണിത്.

ജൂലൈ-സെപ്റ്റംബർ പാദത്തിൽ നികുതിക്കു ശേഷമുള്ള ഏകീകൃത ലാഭത്തിൽ 368 കോടി രൂപയാണ് എസിസി ലിമിറ്റഡ് രേഖപ്പെടുത്തിയത്. ഇത് 19.8 ശതമാനം വളർച്ചയാണ്.

Mahindra & Mahindra തങ്ങളുടെ പുതിയ താർ എസ്‌യുവിയുടെ ഉത്പാദനം ഗണ്യമായി വർദ്ധിപ്പിക്കുന്നതായി പ്രഖ്യാപിച്ചു. 15,000തിൽപ്പരം ബുക്കിംഗ് ചെറിയ സമയത്തിനുള്ളിൽ വന്നത് കൊണ്ട് ആണിത്.

ഹീറോ മോട്ടോകോർപ്പ് 64,470 രൂപ വിലയുള്ള സ്പ്ലെൻഡർ മോട്ടോർസൈക്കിളിന്റെ പുതിയ പതിപ്പ് പുറത്തിറക്കി (എക്സ്ഷോറൂം ദില്ലി).

സർക്കാരിന്റെ തന്ത്രപരമായ ഓഹരി വിറ്റഴിക്കൽ പദ്ധതി വീണ്ടും നടപ്പിലായതിനാൽ പല തവണ വൈകിയ ബിപിസിഎൽ സ്വകാര്യവൽക്കരണ ബിഡ് സമയപരിധി അഞ്ചാം തവണയും നീട്ടില്ലെന്ന് ദിപാം സെക്രട്ടറി തിങ്കളാഴ്ച അറിയിച്ചു.

പ്രീമിയം ജ്യൂസുകൾക്ക് പേരുകേട്ട റോ പ്രസ്സറി, ഐ‌ടി‌സിയും പേപ്പർ ബോട്ട് ബ്രാൻ‌ഡും ഉൾപ്പെടെ ഒന്നിലധികം കമ്പനികളുമായി ഫണ്ടിംഗ് ചർച്ച നടത്തുന്നുണ്ട്.

സി‌എസ്‌ബി ബാങ്ക് (കാത്തലിക് സിറിയൻ ബാങ്ക്) സെപ്റ്റംബർ പാദത്തിന്റെ അറ്റാദായത്തിൽ മൂന്നിരട്ടി വർധനവ്. ലാഭം കൂടി 68.9 കോടി രൂപയായി.

സെഞ്ച്വറി ടെക്സ്റ്റൈൽസ് ആൻഡ് ഇൻഡസ്ട്രീസ് 2020 സെപ്റ്റംബറിൽ അവസാനിച്ച പാദത്തിൽ 10.35 കോടി രൂപയുടെ നഷ്ടം രേഖപ്പെടുത്തി. ഒരു വർഷം മുമ്പ് ജൂലൈ-സെപ്റ്റംബർ കാലയളവിൽ കമ്പനി 187.34 കോടി രൂപയുടെ ലാഭം നേടി.

1,750 കോടി രൂപയുടെ IPO നടത്താൻ കല്യാൺ ജ്വല്ലേഴ്‌സിന് സെബിയുടെ എല്ലാവിധ അനുമതിയും ലഭിച്ചു.

ഇന്നത്തെ ചില പ്രധാന Q2 ഫല പ്രഖ്യാപനങ്ങൾ:
ഹിന്ദുസ്ഥാൻ യൂണിലിവർ
ക്രിസിൽ
എൽ ആൻഡ് ടി ഇൻഫോടെക്
ഹിന്ദുസ്ഥാൻ സിങ്ക്
ഡിസിഎം ശ്രീറാം
ഗ്രാനുലസ് ഇന്ത്യ
ഇന്ത്യൻ എനർജി എക്സ്ചേഞ്ച് (IEX)

ഇന്ന് എന്താണ് പ്രതീക്ഷിക്കുന്നത്?

ഇന്നലെ 11,800 നും 11,900 നും ഇടയിൽ നിഫ്റ്റി ഏകീകരിക്കുന്നത് നമ്മൾ കണ്ടു. ഇന്നലത്തെ വിപണിയുടെയും സ്റ്റോക്ക് ചലനങ്ങളുടെയും വിശദമായ വിശകലനത്തിനായി ഇവിടെ ക്ലിക്കുചെയ്യുക.

എച്ച്ഡി‌എഫ്‌സി ബാങ്കിന്റെ ഫലത്തിൽ നിന്ന് പോസിറ്റീവിറ്റി സ്വീകരിച്ച മിക്കവാറും എല്ലാ ബാങ്കുകളും ഇന്നലെ കുതിച്ചു കയറിയത് കൊണ്ട് ബാങ്ക് നിഫ്റ്റി 23,800 ൽ നിന്ന് 24,300ലേക്ക് ഉയർന്നു.

നിഫ്റ്റി ഒരു നിശ്ചിത റേഞ്ചിനുള്ളിൽ തന്നെ നിൽക്കുകയാണ്. ഇന്ന്, താഴത്തെ ഭാഗത്ത് 11,800 തകർക്കുന്നത് കൂടുതൽ വീഴ്ചയിലേക്ക് നയിക്കുകയും ഉയർന്ന ഭാഗത്ത് 11,900 തകർക്കുകയും ചെയ്യുന്നത് കൂടുതൽ ഉയരങ്ങളിലേക്ക് നയിക്കുകയും ചെയ്യും.

റിലയൻസ്, ഐടി, ഓട്ടോ, ഫാർമ എന്നിവ കഴിഞ്ഞ കുറച്ച് ദിവസങ്ങളായി മികച്ച പ്രകടനം കാഴ്ചവയ്ക്കുന്നു. അവർ തിരിഞ്ഞ് മുകളിലേക്ക് എപ്പോ വേണമെങ്കിലും നീങ്ങാൻ ആരംഭിക്കാം.

യു‌എസിന്റെ സാമ്പത്തിക ഉത്തേജനം സംബന്ധിച്ച ഒരു പ്രധാന അപ്‌ഡേറ്റ് ഈ ആഴ്ച പ്രതീക്ഷിക്കുന്നു. അടുത്ത എലെക്ഷൻ ചർച്ച ഒക്ടോബർ 22 വ്യാഴാഴ്ചയാണ് നടക്കുന്നത്. യു‌എസ് വിപണികളിൽ കഴിഞ്ഞ ദിവസം 1.5 ശതമാനത്തിലധികം ഇടിവുണ്ടായി എന്നത് ആശങ്കാജനകമാണ്.

യുഎസ് മാർക്കറ്റുകൾ താഴ്ന്ന നിലയിലാണ്. യൂറോപ്പും ഇടിഞ്ഞു. ഏഷ്യൻ വിപണികളും കൂടുതലും ഇടിഞ്ഞു. Dow ഫ്യൂച്ചേഴ്സ് ഏകദേശം 0.3% മുകളിൽ വ്യാപാരം നടത്തുന്നു. എസ്‌ജി‌എക്സ് നിഫ്റ്റി 11,859 എന്ന നിലയിലാണ് വ്യാപാരം നടക്കുന്നത്, ഇത് 50 പോയിൻറ് താഴെയാണ്. ഇത് എല്ലാം കണക്കിലെടുത്തു കൊണ്ട് ഇന്ത്യൻ വിപണിയിൽ ഒരു ഗാപ് ഡൗൺ ഓപ്പണിങ് പ്രതീക്ഷിക്കുന്നു.

നിഫ്റ്റി 11,750 നും 11,900 നും ഇടയിൽ വ്യാപാരം നടത്തും. 11,800, 11,780, 11,750 എന്നിടത്ത് സപ്പോർട്ട് ഉണ്ട്. 11,830, 11,870 എന്നിടത്ത് റെസിസ്റ്റൻസ് ഉണ്ട്.

ഏറ്റവും ഉയർന്ന കോൾ ഓപ്പൺ ഇന്ററസ്റ്റ് 12,500, തുടർന്ന് 12,000. ഏറ്റവും ഉയർന്ന പുട്ട് ഓപ്പൺ ഇന്ററസ്റ്റ് 11,000, തുടർന്ന് 11,500.

വിദേശ സ്ഥാപന നിക്ഷേപകർ (എഫ്ഐഐ) നെറ്റ് 1,656.78 കോടി രൂപയുടെ ഓഹരികൾ വാങ്ങിയപ്പോൾ ആഭ്യന്തര സ്ഥാപന നിക്ഷപകർ (ഡിഐഐ) നെറ്റ് 1,621.73 കോടി രൂപയുടെ ഓഹരികൾ വിറ്റു.

റിലയൻസ്, ഐടി, എഫ്എംസിജി, ബാങ്കുകൾ എന്നിവയിൽ ഇന്ന് ശ്രദ്ധ കേന്ദ്രീകരിക്കണം.

ഇന്നലത്തെ “സ്റ്റോക്ക് മാർക്കറ്റ് ഷോ” യിൽ ഞാൻ പറഞ്ഞതുപോലെ, നെഗറ്റീവ് ആഗോള സൂചകങ്ങളും പോസിറ്റീവ് പ്രാദേശിക സൂചകങ്ങളും തമ്മിൽ ഒരു പോരാട്ടമുണ്ട്. സാമ്പത്തിക്കുക ഉത്തേജന പാക്കേജിനെപ്പറ്റിയോ തിരഞ്ഞെടുപ്പിനെപറ്റിയോ യുഎസിൽ നിന്ന് എന്തെങ്കിലും പോസിറ്റീവ് വന്നാൽ, അത് 12,000 ൽ എത്താൻ നിഫ്റ്റിയെ സഹായിക്കും. ദിവസത്തിന് എല്ലാ ആശംസകളും!