പ്രധാനതലക്കെട്ടുകൾ
State Bank of India: 14000 കോടി രൂപ സമാഹരിക്കാനുള്ള നിർദ്ദേശത്തിന് ബാങ്കിന്റെ ഡയറക്ടർ ബോർഡ് അംഗീകാരം നൽകി.
VST Tillers Tractors: മാർച്ചിലെ നാലാം പാദത്തിൽ കമ്പനി 12.93 കോടി രൂപയുടെ അറ്റാദായം രേഖപ്പെടുത്തി. വരുമാനം 20 ശതമാനം വർദ്ധിച്ച് 194.74 കോടി രൂപയായി.
Dish TV: റെെറ്റ് ഇഷ്യു വഴി 1000 കോടി രൂപ സമാഹരിക്കാനുള്ള നിർദ്ദേശത്തിന് അംഗീകാരം നൽകി കമ്പനി ഡയറക്ടർ ബോർഡ്. വിപണി വിലയേക്കാൾ 50 ശതമാനം കഴിവിൽ ഓഹരി ഒന്നിന് 10 രൂപ വീതമാണ് വിതരണം ചെയ്യുക.
SAIL-ന്റെ 2.02 ശതമാനം ഓഹരി വിറ്റഴിച്ച് എൽ.ഐ.സി. ഓഹരി വിഹിതം 10.71 ശതമാനത്തിൽ നിന്നും 8.69 ശതമാനമായി കുറച്ചു.
Bharti Airtel: ഇന്ത്യയിൽ 5 ജി സേവനങ്ങൾ നടപ്പാക്കുന്നതിന്റെ ഭാഗമായി ടിസിഎസുമായി കമ്പനി കെെകോർത്തു.
Adani Transmission: കടപത്ര, ഓഹരികൾ വിതരണം ചെയ്ത് കൊണ്ട് 2500 കോടി രൂപ സമാഹരിക്കാനുള്ള നിർദേശത്തിന് ഓഹരി ഉടമകളുടെ അംഗീകാരം തേടി കമ്പനി.
Jaiprakash Associates: നാലാം പാദത്തിൽ അറ്റാദായം 86.2 ശതമാനം ഇടിഞ്ഞ് 424.41 കോടി രൂപയായി.
Delta Corp: ഗോവയിലും സിക്കിമ്മിലും ലോക്ക്ഡൗൺ ജൂൺ 28 വരെ നീട്ടിയതിനാൽ കമ്പനിയുടെ കസിനോകൾ അത് വരെ അടഞ്ഞ് കിടക്കും.
ഇന്നത്തെ പ്രധാന ക്യു 4 ഫലങ്ങൾ:
- ASTERDM
- BEL
- GEPIL
- ITI
- MAXINDIA
- NMDC
- RELIGARE
- SOBHA
ഇന്നത്തെ വിപണി സാധ്യത
ഇന്നലെ ഗ്യാപ്പ് ഡൗണിൽ 150 പോയിന്റുകൾക്ക് താഴെയായി വ്യാപാരം ആരംഭിച്ച നിഫ്റ്റി പിന്നീട് കത്തിക്കയറി. ദിവസത്തെ താഴ്ന്ന നിലയിൽ നിന്നും 250 പോയിന്റുകളുടെ നേട്ടം കെെവരിച്ച സൂചിക 15746 എന്ന നിലയിൽ വ്യാപാരം അവസാനിപ്പിച്ചു. കഴിഞ്ഞ ദിവസത്തെ വിപണി വിശേഷങ്ങൾ അറിയാൻ ലിങ്ക് സന്ദർശിക്കുക.
ഗ്യാപ്പ് ഡൗണിൽ തുറന്ന ബാങ്ക് നിഫ്റ്റി ഇന്നലെ താഴ്ന്ന നിലയിൽ നിന്നും 1000 പോയിന്റുകളുടെ നേട്ടം കെെവരിച്ച് മുന്നേറി. വെള്ളിയാഴ്ചത്തെ ഉയർന്ന നില മറികടന്ന സൂചിക 34871 എന്ന നിലയിൽ വ്യാപാരം അവസാനിപ്പിച്ചു.
സ്വകാര്യവത്ക്കരണവുമായി ബന്ധപ്പെട്ട വാർത്ത പുറത്തുവന്നതിന് പിന്നാലെ നിഫ്റ്റി പി.എസ്.യു ബാങ്ക് ഇന്നലെ 4 ശതമാനം നേട്ടം കെെവരിച്ചു. റിയൽറ്റി സൂചിക 2 ശതമാനത്തിലേറെ നേട്ടം കെെവരിച്ചു.
യൂറോപ്യൻ വിപണികൾ ഏറെയും ലാഭത്തിലാണ് അടയ്ക്കപ്പെട്ടത്.
യുഎസ് വിപണി 1.5 ശതമാനം നേട്ടത്തിലാണ് വ്യാപാരം ആരംഭിച്ചത്.
യുഎസ് ഫെഡ് പ്രഖ്യാപനത്തിന് പിന്നാലെ കഴിഞ്ഞ ആഴ്ച ആഗോള വിപണികൾ ഇടിഞ്ഞപ്പോഴും ഇന്ത്യൻ വിപണി ശക്തമായി തന്നെ നിലനിന്നു. ആഴ്ചകളായി വളരെ ഏറെ ശാന്തമായി നീങ്ങിക്കൊണ്ടിരുന്ന എല്ലാ ആഗോള വിപണികളും ഇപ്പോൾ അസ്ഥിരമാണ്.
ഇന്നലത്തെ പതനത്തിന് ശേഷം ഏഷ്യൻ വിപണികൾ ഏറെയും ലാഭത്തിലാണ് കാണപ്പെടുന്നത്. കഴിഞ്ഞ ദിവസം 3 ശതമാനം നഷ്ടത്തിലായിരുന്ന ജപ്പാന്റെ NIKKEI ഇന്ന് 3 ശതമാനം ലാഭത്തിലാണ് ഉള്ളത്.
SGX NIFTY 15,800-ലാണ് വ്യാപാരം നടത്തുന്നത്. ഇത് ഇന്ത്യൻ വിപണിയിൽ ഒരു ഗ്യാപ്പ് അപ്പ് ഓപ്പണിംഗിനുള്ള സൂചന നൽകുന്നു.
15,750, 15,650 എന്നിവിടായി നിഫ്റ്റിക്ക് ശക്തമായ സപ്പോർട്ട് ഉള്ളതായി കാണാം. 15500-15600 ൽ സൂചികയിൽ ഒരുപാട് വാങ്ങാൽ നടന്നതായി കാണാം.
15,830, 15900 എന്നിവ സൂചികയ്ക്ക് ശക്തമായ പ്രതിരോധ മേഖലയായി മാറും.
വിപണിയിൽ ഇന്ന് കാളകളും കരടികളും തമ്മിൽ ശക്തമായ മത്സരം തന്നെ നടന്നേക്കാം. വിപണി ഗ്യാപ്പ് അപ്പിൽ തുറന്നാലും ചിലപ്പോൾ സൂചിക താഴേക്ക് പോയേക്കാം. 15830 എന്ന പ്രതിരോധ മേഖലയും 15690 എന്ന സപ്പോർട്ടും ശ്രദ്ധിക്കുക.
35,000, 35,115, 35,300 എന്നത് ബാങ്ക് നിഫ്റ്റിയുടെ സുപ്രധാന പ്രതിരോധ മേഖലകളാണ്. ശ്രദ്ധിക്കുക.
34,650, 33-950-34,000 എന്നത് ബാങ്ക് നിഫ്റ്റിക്ക് ശക്തമായ സപ്പോർട്ടാണ്.
16000, 15800 എന്നിവിടെയാണ് എറ്റവും ഉയർന്ന കോൾ ഒഐ കാണപ്പെടുന്നത്. 15000,15500 എന്നിവിടെ എറ്റവും ഉയർന്ന പുട്ട് ഒഐയും കാണപ്പെടുന്നു.
വിദേശ നിക്ഷേപ സ്ഥാപനങ്ങൾ (FIIs) 1,244.71 കോടി രൂപയുടെ ഓഹരികൾ വിറ്റഴിച്ചപ്പോൾ ആഭ്യന്തര നിക്ഷേപ സ്ഥാപനങ്ങൾ (DIIs) ഇന്ത്യൻ വിപണിയിൽ നിന്നും 138.09 കോടി രൂപയുടെ ഓഹരികൾ വാങ്ങികൂട്ടി. വിപണി കൊമ്പത്ത് നിൽക്കുമ്പോൾ പോലും ആഭ്യന്തര നിക്ഷേപ സ്ഥാപനങ്ങൾ ഓഹരികൾ വാങ്ങികൂട്ടുന്നു എന്നത് ശ്രദ്ധേയമാണ്.
ഹ്രസ്വകാല ബെയറിഷ് ട്രെന്റ് ലെെൻ നിഫ്റ്റി ശക്തമായി തന്നെ മറികടന്നു. എന്നാൽ ഐടി ഓഹരികൾ നിഫ്റ്റിക്ക് പ്രതിസന്ധി സൃഷ്ടിച്ചു. TCS, Infy, TechM തുടങ്ങിയ ഓഹരികൾ നഷ്ടത്തിലാണ് അടച്ചത്. ക്രൂഡ് ഓയിൽ വില ബാരലിന് 75 ഡോളർ എന്ന നിലയിൽ വർദ്ധിച്ചത് ഡോളറിന്റെ വില ഉയർത്തിയേക്കാം. ഇത് ഹ്രസ്വകാലത്തേക്ക് ഓഹരികൾക്ക് നേട്ടം നൽകിയേക്കാം.
വിപണി ബുള്ളിഷാണെന്ന് തന്നെ പറയാം. എന്നാൽ 15750-15800 എന്ന നില മറികടക്കുക എന്നത് കഠിനകരമാണ്. ഇവിടെ നിന്നും സൂചിക അസ്ഥിരമാകാനോ താഴേക്ക് വീഴാനോ സാധ്യതയുണ്ട്. India VIX 15 ആയി ഉയർന്നു. ഇത് വിപണിയിൽ ചാഞ്ചാട്ടം വർദ്ധിച്ചു എന്ന സൂചന നൽകുന്നു. അതിനാൽ തന്നെ ഈ ആഴ്ചയും വിപണിയിൽ ചാഞ്ചാട്ടം അനുഭവപ്പെട്ടേക്കാം.
വാർഷിക പൊതുയോഗത്തിന് മുമ്പായി Reliance ഗ്രൂപ്പ് ഓഹരികളിൽ ശ്രദ്ധിക്കുക. HDFC Bank-ക്കും ബുള്ളിഷായാണ് വ്യാപാരം അവസാനിപ്പിച്ചത്. ഓഹരിയിൽ 1500 ശ്രദ്ധിക്കുക. HDFCയിൽ 2530 ശ്രദ്ധിക്കാവുന്നതാണ്. ഇവ എല്ലാം തന്നെ നിഫ്റ്റിയുടെ ഹെവിവെയിറ്റുകളാണ്.
ലൈവ് മാർക്കറ്റ് വാർത്തകൾക്കും അറിയിപ്പുകൾക്കുമായി മാർക്കറ്റ്ഫീഡ് ആപ്പ് സന്ദർശിക്കുക. ശുഭദിനം.
