പ്രധാനതലക്കെട്ടുകൾ
DLF: ഗുരുഗ്രാമിലെ പ്രീമിയം വാണിജ്യ പദ്ധതിയുടെ ഭാഗമായി യുഎസ് ആസ്ഥാനമായുള്ള ഹൈൻസിന്റെ 52 ശതമാനം ഓഹരികൾ 780 കോടി രൂപയ്ക്ക് കമ്പനിയുടെ അനുബന്ധ സ്ഥാപനം ഏറ്റെടുത്തു.
ഹൈഡ്രജൻ സെന്റർ ഓഫ് എക്സലൻസ് സ്ഥാപിക്കുന്നതിനായി സർക്കാർ ഉടമസ്ഥതയിലുള്ള Indian Oil Corporation ഗ്രീൻസ്റ്റാറ്റ് നോർവേയുമായി കരാറിൽ ഒപ്പുവച്ചു.
Engineers India & Oil India Limited: ഇരു കമ്പനികളും സംയുക്തമായി ചേർന്ന് കൊണ്ട് ബി.പി.സി.എല്ലിന്റെ നുമലിഗഡ് റിഫൈനറിയുടെ 61.65 ശതമാനം ഓഹരികൾക്കായി ബിഡ് പ്ലെയിസ് ചെയ്യാൻ തീരുമാനിച്ചു.
സ്പെക്ട്രം ലേലത്തിന്റെ ഭാഗമായി Bharti Airtel ഇഎംഡിയിൽ (EMD) 3000 കോടി രൂപ നൽകിയപ്പോൾ Vodafone Idea 457 കോടി രൂപ നൽകി.
രണ്ട് വർഷങ്ങൾക്ക് ശേഷം സർക്കാർ ഉടമസ്ഥതയിൽ ഉള്ള NMDC
കർണാടകയിലെ ഡോണിമലൈയിൽ ഖനനം ആരംഭിച്ചു.
IDFC First Bank: വിവിധ ആവശ്യങ്ങൾക്കായി 3000 കോടി രൂപ സമാഹരിക്കാൻ ബോർഡ് അംഗീകരിച്ചതായി ബാങ്ക് അറിയിച്ചു.
Ambuja Cements: ഡിസംബർ പാദത്തിൽ കമ്പനിയുടെ ഏകീകൃത അറ്റാദായം 34.06 ശതമാനം ഉയർന്ന് 968.24 കോടി രൂപയായി.
Affle India യുടെ സഹസ്ഥാപനമായ Affle MEA FZ-LLC ഡിസ്കവർ ടെക്കിന്റെ ബിസിനസ്സ് ആസ്തികൾ ഏറ്റെടുക്കുന്നതിന് ആവശ്യമായ വ്യവസ്ഥകൾ പൂർത്തിയാക്കി.
Bajaj Finance: 9.97 ലക്ഷം രൂപയ്ക്ക് 360 സുരക്ഷിത എൻ.സി.ഡികൾ കമ്പനി അനുവദിച്ചു. കൂപ്പൺ നിരക്ക് പ്രതിവർഷം 6.92% ആണ് നിശ്ചയിച്ചിട്ടുള്ളത്.
ഇന്നത്തെ വിപണി സാധ്യത
നിഫ്റ്റി കഴിഞ്ഞ ദിവസം താഴേക്ക് വീഴുന്ന കാഴ്ചയാണ് കാണാനായത്.
പി.എസ്.യു ഓഹരികൾ മികച്ച പ്രകടനം കാഴ്ചവച്ചപ്പോൾ HDFC സ്ഥാപനങ്ങൾ താഴേക്ക് വീഴുകയായിരുന്നു.
പി.എസ്.യു ബാങ്കുകൾ ബുള്ളിഷ് ആയിരുന്നുവെങ്കിലും
ബാങ്ക് നിഫ്റ്റി ഏറെ ബെയറിഷ് രീതിയിലാണ് കാണപെട്ടത്.
തുടർന്ന് സൂചിക 0.88 ശതമാനം താഴെയായി വ്യാപാരം അവസാനിപ്പിച്ചു.
ഒരു ശതമാനത്തിൽ താഴെ ചുവന്ന നിറത്തിലാണ് യുഎസ് വിപണികൾ വ്യാപാരം നടത്തിയിരുന്നത്. എന്നാൽ വിപണി അവസാനിക്കാൻ നേരം നേരിയ തോതിൽ നേട്ടം കെെവരിച്ചതായി കാണാം. യൂറോപ്യൻ വിപണികൾ എല്ലാം തന്നെ നഷ്ട്ത്തിലാണുള്ളത്. FTSE 1.4 ശതമാനം താഴെയാണ്. എല്ലായിടത്തും വിപണി ഇടിവിന്റെ സൂചനകളാണ് കാണാനാകുന്നത്.
ഏഷ്യൻ വിപണികൾ എല്ലാം തന്നെ ചുവന്ന നിറത്തിലാണ് കാണപ്പെടുന്നത്. SGX NIFTY 15,033-ലാണ് വ്യാപാരം നടത്തുന്നത്. ഇത് ഇന്ത്യൻ വിപണിയിൽ ഒരു ഗ്യാപ്പ് ഡൌൺ ഓപ്പണിംഗിനുള്ള സൂചന നൽകുന്നു.
എല്ലാ കണ്ണുകളും 15000ൽ തന്നെയാണ് ലക്ഷ്യം വച്ചിരിക്കുന്നത്. നേരത്തെയും നിഫ്റ്റിക്ക് 15000 ഒരു നിർണായക സപ്പോർട്ടായി കാണപ്പെട്ടിരുന്നു. 15000 ഇത്തവണയും നിഫ്റ്റിക്ക് കെെതാങ്ങാകുമോയെന്ന് നമുക്ക് കണ്ടറിയാം. ഒരുപക്ഷേ ഇത് തകർക്കപെട്ടാൽ സൂചിക ശക്തമായ ഒരു വീഴ്ചയ്ക്ക് സാക്ഷ്യം വഹിച്ചേക്കും.
വിദേശ നിക്ഷേപ സ്ഥാപനങ്ങൾ (FIIs) 903 കോടി രൂപയുടെ ഓഹരികൾ വാങ്ങിയപ്പോൾ ആഭ്യന്തര നിക്ഷേപ സ്ഥാപനങ്ങൾ (DIIs) ഇന്ത്യൻ വിപണിയിൽ നിന്ന് 1,217 കോടി രൂപയുടെ ഓഹരികൾ വിറ്റഴിച്ചു. നാല് ദിവസം തുടർച്ചയായാണ് നിക്ഷേപ സ്ഥാപനങ്ങൾ ഓഹരികൾ വിറ്റഴിച്ചത്.
Reliance കഴിഞ്ഞ ദിവസം 2100 എന്ന നില മറികടന്നുവെങ്കിലും അത് നിലനിർത്താനായില്ല. എന്നാൽ ഇന്ന് ഇത് ശ്രദ്ധിക്കാവുന്നതാണ്. കഴിഞ്ഞ കുറച്ച് ദിവസങ്ങളായി HDFC ഓഹരികൾ നിഫ്റ്റിയേയും ബാങ്ക് നിഫ്റ്റിയേയും താഴേക്ക് വലിച്ചിരുന്നു. ഇന്ന് ICICIBANK, KOTAKBANK, ഐടി ഓഹരികളായ TCS, INFY, HCLTECH എന്നിവയും ശ്രദ്ധിക്കുക.
ഗ്യാപ്പ് ഡൌണിൽ തുറന്ന സൂചിക പിന്നീട് അസ്ഥിരമായി കാണപ്പെടാനാണ് സാധ്യത. സൂചികയുടെ ദിശ വ്യക്തമായി മനസിലാക്കിയതിന് ശേഷം മാത്രം വ്യാപാരം നടത്തുക.
ലൈവ് മാർക്കറ്റ് വാർത്തകൾക്കും അറിയിപ്പുകൾക്കുമായി മാർക്കറ്റ് ഫീഡ് ആപ്പ് സന്ദർശിക്കുക. ശുഭദിനം.
