ടെഗാ ഇൻഡസ്ട്രീസ് ലിമിറ്റഡ് തങ്ങളുടെ പ്രാരംഭ ഓഹരി വിൽപ്പനയുമായി രംഗത്തെത്തിയിരിക്കുകയാണ്. കൊൽക്കത്ത ആസ്ഥാനമായുള്ള കമ്പനി സമീപകാല ഐപിഒ മുന്നേറ്റത്തിലൂടെ നേട്ടമുണ്ടാക്കാൻ ശ്രമിക്കുന്നു. ഈ ഐപിഒ വിശേഷങ്ങളാണ് മാർക്ക്ഫീഡ് ഇന്ന് ചർച്ചചെയ്യുന്നത്.
Tega Industries Ltd
ആഗോള ഖനന, ധാതു സംസ്കരണ വ്യവസായത്തിന് വേണ്ടിയുള്ള പ്രത്യേക ‘നിർണ്ണായകമായ പ്രവർത്തനവും’ ആവർത്തിച്ചുള്ള ഉപഭോഗ ഉൽപ്പന്നങ്ങളുടെ മുൻനിര നിർമ്മാതാക്കളും വിതരണക്കാരുമാണ് ടെഗ ഇൻഡസ്ട്രീസ് ലിമിറ്റഡ് അഥവ ടിഐഎൽ. ധാതു ഗുണം, ഖനനം, ബൾക്ക് സോളിഡ് ഹാൻഡ്ലിംഗ് വ്യവസായം എന്നിവയിലെ മാർക്യൂ മൈനിംഗ് ക്ലയന്റുകൾക്ക് ഇത് സമഗ്രമായ പരിഹാരങ്ങൾ വാഗ്ദാനം ചെയ്യുന്നു. സ്വീഡനിലെ സ്കെഗ എബിയുമായി വിദേശ സഹകരണത്തോടെ 1978ലാണ് കമ്പനി ഇന്ത്യയിൽ പ്രവർത്തനം ആരംഭിക്കുന്നത്.
കമ്പനിയുടെ ഉൽപ്പന്ന പോർട്ട്ഫോളിയോയിൽ സ്പെഷ്യലൈസ്ഡ് അബ്രസിഷൻ, വെയർ-റെസിസ്റ്റന്റ് റബ്ബർ, പോളിയുറീൻ, സ്റ്റീൽ, സെറാമിക് അടിസ്ഥാനമാക്കിയുള്ള ലൈനിംഗ് ഘടകങ്ങൾ എന്നിവ അടങ്ങിയിരിക്കുന്നു. സ്ക്രീനിംഗ്, പൊടിക്കൽ, ധാതു കൈകാര്യം ചെയ്യൽ. ഖനനത്തിന്റെയും ധാതു സംസ്കരണത്തിന്റെയും വിവിധ ഘട്ടങ്ങളിൽ ഈ ഉൽപ്പന്നങ്ങൾ ഉപയോഗിക്കുന്നു. ഇത് ആത്യന്തികമായി ഉൽപ്പാദനക്ഷമത വർദ്ധിപ്പിക്കുന്നതിനും പ്രവർത്തനക്ഷമത വർദ്ധിപ്പിക്കുന്നതിനും ഖനന സ്ഥാപനങ്ങളെ സഹായിക്കുന്നു. ഗുണനിലവാര നിയന്ത്രണത്തിൽ ശക്തമായ ശ്രദ്ധ കേന്ദ്രീകരിക്കുന്നതിനൊപ്പം ഇൻ-ഹൗസ് റിസർച്ച് ആൻഡ് ഡെവലപ്മെന്റ് സംവിധാനവും കമ്പനിക്കുണ്ട്.
ദഹേജ് (ഗുജറാത്ത്), സമാലി, കല്യാണി (പശ്ചിമ ബംഗാൾ), ചിലി, ദക്ഷിണാഫ്രിക്ക, ഓസ്ട്രേലിയ എന്നിവിടങ്ങളിൽ കമ്പനിക്ക് നിർമ്മാണ കേന്ദ്രങ്ങളുണ്ട്. കഴിഞ്ഞ സാമ്പത്തിക വർഷം 70 രാജ്യങ്ങളിലായി 479 ഇൻസ്റ്റാളേഷൻ സൈറ്റുകളിൽ കമ്പനിക്ക് സാന്നിധ്യമുണ്ടായിരുന്നു. 2021 ജൂണിൽ അവസാനിച്ച പാദത്തിൽ കമ്പനി 212 ഇൻസ്റ്റാളേഷൻ സൈറ്റുകളിൽ പ്രവർത്തിച്ചിരുന്നു. ടിഐഎല്ലിന്റെ പ്രാഥമിക അന്തിമ ഉപഭോക്താക്കൾ എന്നത് സ്വർണ്ണം, ചെമ്പ് അയിര് എന്നിവയുടെ ഉൽപാദനത്തിൽ ഏർപ്പെട്ടിരിക്കുന്ന ധാതു സംസ്കരണ സൈറ്റുകളാണ്.
ഐപിഒ എങ്ങനെ
ഡിസംബർ 1ന് ആരംഭിക്കുന്ന ഐപിഒ ഡിസംബർ 3ന് അവസാനിക്കും. ഓഹരി ഒന്നിന് 443- 453 രൂപ നിരക്കിലാണ് പ്രെെസ് ബാൻഡ് നിശ്ചയിച്ചിരിക്കുന്നത്.
പത്ത് രൂപ മുഖവിലയ്ക്ക് 2000 കോടി രൂപയുടെ ഫ്രഷ് ഇഷ്യുവാണ് നടക്കുക. നിലവിലുള്ള നിക്ഷേപകരിൽ നിന്നും 619.23 കോടി രൂപ വിലമതിക്കുന്ന 1.36 കോടി ഇക്യുറ്റി ഓഹരികൾ ഓഫർ ഫോർ സെയിൽ വഴി വിതരണം ചെയ്യും. ഒരു റീട്ടെയിൽ നിക്ഷേപകന് അപേക്ഷിക്കാവുന്ന ഏറ്റവും കുറഞ്ഞ ഓഹരികളുടെ എണ്ണം 33 ഇക്യൂറ്റി ഓഹരികൾ അഥവ ഒരു ലോട്ട് മാത്രമാണ്. ഇതിനായി നിങ്ങൾക്ക് കുറഞ്ഞത് 14,949 രൂപ ആവശ്യമായി വരും. അപേക്ഷിക്കാവുന്ന ഏറ്റവും കൂടിയ എണ്ണം 429 ഓഹരികൾ അഥവ 13 ലോട്ടുകളാണ്.
നിലവിലെ ഓഹരി ഉടമകൾക്ക് ഉള്ള ഒരു എക്സിറ്റ് സ്ട്രാറ്റർജി എന്നതാണ് ഐപിഒയുടെ പ്രധാന ഉദ്ദേശ്യം. ഐപിഒ വഴി കമ്പനി ഫണ്ടുകൾ ഒന്നും തന്നെ സ്വരൂപിക്കുന്നില്ല. എൻഎസ്ഇയിലും ബിഎസ്ഇയിലും ഇക്വിറ്റി ഷെയറുകൾ ലിസ്റ്റുചെയ്യുന്നതിന്റെ നേട്ടങ്ങൾ കൈവരിക്കാൻ കമ്പനി ആഗ്രഹിക്കുന്നു. ഐപിഒയ്ക്ക് ശേഷം കമ്പനിയുടെ മൊത്തം പ്രൊമോട്ടർ ഹോൾഡിംഗ് എന്നത് 85.17 ശതമാനത്തിൽ നിന്നും 79.17 ശതമാനമായി കുറയും.
സാമ്പത്തിക സ്ഥിതി
കഴിഞ്ഞ മൂന്ന് സാമ്പത്തിക വർഷങ്ങളിൽ ടെഗാ ഇൻഡസ്ട്രീസ് വരുമാനത്തിലും ലാഭത്തിലും സ്ഥിരമായ വളർച്ച രേഖപ്പെടുത്തി. 2021 സാമ്പത്തിക വർഷത്തിൽ കമ്പനിയുടെ ഏകീകൃത വരുമാനം എന്നത് 856.68 കോടി രൂപയായിരുന്നു. 2020 സാമ്പത്തിക വർഷം ഇത് 695.54 കോടി രൂപ മാത്രമായിരുന്നു. അതേസമയം 2021ൽ പ്രതിവർഷ അറ്റാദായം 108 ശതമാനം വർദ്ധിച്ച് 136.41 കോടി രൂപയായി. ഇതേകാലയളവിൽ പ്രതിവർഷ ഇബിഐടിഡിഎ 76 ശതമാനം വർദ്ധിച്ച് 187.47 കോടി രൂപയായി. കഴിഞ്ഞ വർഷത്തെ മൊത്തം വരുമാനത്തിന്റെ 86.42 ശതമാനവും വിദേശ പ്രവർത്തനങ്ങളിൽ നിന്നാണ് കമ്പനിക്ക് ലഭിച്ചത്.
ഖനന പ്രക്രിയകളിൽ പതിവ് പ്രവർത്തന ചെലവുകൾ ഉൾപ്പെടുന്നതിനാൽ ടിഐഎൽ ആവർത്തിച്ചുള്ള വരുമാനം ഉണ്ടാക്കുന്നു. കമ്പനിയുടെ വരുമാനത്തിന്റെ ഏകദേശം 75-80 ശതമാനവും വരുന്നത് ക്ലയന്റുകളിൽ നിന്നും ലഭിക്കുന്ന തുടർച്ചയായ ഓർഡറുകളിൽ നിന്നാണ്.
അപകട സാധ്യതകൾ
- കമ്പനിയുടെ ആഗോള ഉൽപ്പാദന സൗകര്യങ്ങൾ, വിൽപ്പന, പ്രവർത്തനങ്ങൾ എന്നിവ കമ്പനിയെ വിദേശ രാജ്യങ്ങളിൽ ബിസിനസ് ചെയ്യുന്നതിന്റെ അപകടസാധ്യതകളിലേക്ക് നയിക്കപ്പെടുന്നു.
- ഇന്ത്യയിലും വിദേശത്തും വിൽപ്പന, വിതരണ ശൃംഖല എന്നിവ വികസിപ്പിക്കുന്നതിലും ഫലപ്രദമായി കൈകാര്യം ചെയ്യുന്നതിലും പരാജയപ്പെടുന്നത് കമ്പനിയുടെ ബിസിനസിനെ പ്രതികൂലമായി ബാധിച്ചേക്കാം.
- അസംസ്കൃത വസ്തുക്കളുടെയും ഫിനിഷ്ഡ് ഉൽപ്പന്നങ്ങളുടെയും വിതരണത്തിനായി കമ്പനി മറ്റു സ്ഥാപനങ്ങളുടെ ലോജിസ്റ്റിക്സിനെയും സേവന ദാതാക്കളെയും ആശ്രയിച്ചിരിക്കുന്നു. ഈ സേവനങ്ങളിൽ ഉണ്ടേയാക്കാവുന്ന തടസം കമ്പനിയുടെ പ്രവർത്തനങ്ങളെ പ്രതികൂലമായി ബാധിക്കും.
- അസംസ്കൃത വസ്തുക്കളുടെ വിതരണത്തിലെ ഏതെങ്കിലും കുറവോ കാലതാമസമോ ഇൻപുട്ട് ചെലവിലെ വർദ്ധനവോ കമ്പനിയുടെ ഉൽപ്പന്നങ്ങളുടെ വിലനിർണ്ണയ ഘടനയെയും വിതരണത്തെയും പ്രതികൂലമായി ബാധിച്ചേക്കാം.
- ടിഐഎൽ ചില അസംസ്കൃത വസ്തുക്കളുടെ ഏതാനും വിതരണക്കാരെ മാത്രം ആശ്രയിച്ചാണ് മുന്നോട്ട് പോകുന്നത്. ഈ വിതരണക്കാരുമായി കമ്പനിക്ക് ദീർഘകാല കരാറുകളോ പ്രത്യേക ക്രമീകരണങ്ങളോ ഇല്ല. സുപ്രധാന വിതരണക്കാരുടെ വിതരണം ഗണ്യമായി കുറയുന്നത് അതിന്റെ ബിസിനസ്സ് പ്രവർത്തനങ്ങളെ ദോഷകരമായി ബാധിച്ചേക്കും.
- കമ്പനിയുടെ പ്രൊമോട്ടർമാർ നിയമനടപടികളിൽ ഏർപ്പെട്ടിട്ടുണ്ട്.
ഐപിഒ വിവരങ്ങൾ ചുരുക്കത്തിൽ
ആക്സിസ് ക്യാപിറ്റൽ, ജെഎം ഫിനാൻഷ്യൽ കൺസൾട്ടന്റസ് എന്നിവരാണ് ഐപിഒയുടെ ബുക്ക് റണ്ണിംഗ് ലീഡ് മാനേജർമാർ. നവംബർ 23നാണ് കമ്പനി ആർഎച്ച്പി സമർപ്പിക്കുന്നത്. ഇത് വായിക്കുവാനായി ലിങ്ക് സന്ദർശിക്കുക. മൊത്തം ഓഫറിന്റെ 50 ശതമാനവും ക്യുഐബിക്കായി മാറ്റിവച്ചിരിക്കുകയാണ്. 15 ശതമാനം നോൺ ഇൻസ്റ്റിറ്റ്യുഷൻസിനായും 35 ശതമാനം റിട്ടെയിൽ നിക്ഷേപകർക്കായും മാറ്റിവച്ചിട്ടുണ്ട്.
ഐപിഒയ്ക്ക് മുമ്പായി തന്നെ 25 നിക്ഷേപകരിൽ നിന്നും 185.76 കോടി രൂപ കമ്പനി സമാഹരിച്ചിരുന്നു. ഗോൾഡ്മാൻ സാച്ച്സ്, ബിഎൻപി പാരിബാസ് ആർബിട്രേജ്, കുബേർ ഇന്ത്യ ഫണ്ട്, എസ്ബിഐ മ്യൂച്വൽ ഫണ്ട് (എംഎഫ്), ഐസിഐസിഐ പ്രുഡൻഷ്യൽ, ആക്സിസ് എംഎഫ് എന്നിവർ ഇതിൽ ഉൾപ്പെടും.
നിഗമനം
പ്രവർത്തിപ്പിക്കാൻ നിർണായകവും വളരെ പ്രത്യേകതയുള്ളതും മാറ്റിസ്ഥാപിക്കുന്നതിനോ പകരം വയ്ക്കുന്നതിനോ പ്രയാസമുള്ള ഉത്പന്നങ്ങളാണ് കമ്പനി നിർമിക്കുന്നത്. ഖനന മേഖലയുടെ സെെക്ക്ളിക്ക് നേച്ചർ കമ്പനിയെ ബാധിക്കുന്നില്ല. റിപ്പോർട്ടുകൾ പ്രകാരം, ആഗോള ക്രഷിംഗ്, സ്ക്രീനിംഗ്, മിനറൽ പ്രോസസ്സിംഗ് ഉപകരണ വിപണി 2020 ൽ 20 ബില്യൺ ഡോളറാകുമെന്ന് പറയപ്പെടുന്നു. വിപണി 2030-ഓടെ 6.3 ശതമാനത്തിന്റെ സിഎജിആറിൽ 37 ബില്യൺ ഡോളറിലെത്തുമെന്ന് പ്രതീക്ഷിക്കുന്നു. കൂടാതെ, ചെമ്പ്, ഇരുമ്പ്, സ്വർണ്ണം, വെള്ളി തുടങ്ങിയ ലോഹങ്ങളുടെ ഉയർന്ന ആവശ്യകത കാരണം ഖനന മേഖല വളർച്ച കെെവരിക്കും.
വിപണിയിൽ ലിസ്റ്റ് ചെയ്തുകഴിഞ്ഞാൽ എഐഎ എഞ്ചിനീയറിംഗ് ലിമിറ്റഡുമായി ടെഗ ഇൻഡസ്ട്രീസ് നേരിട്ട് മത്സരിക്കും. ഗ്രേ മാർക്കറ്റിൽ കമ്പനിയുടെ ഇന്നത്തെ പ്രീമിയം 385 രൂപ നിരക്കിലാണുള്ളത്. ഐപിഒയ്ക്ക് അപേക്ഷിക്കുന്നതിന് മുമ്പായി തന്നെ നിക്ഷേപ സ്ഥാപനങ്ങളുടെ ഭാഗം ഓവർ സബ്സ്ക്രെെബ് ആയിട്ടുണ്ടോ എന്ന് ശ്രദ്ധിക്കുക. അപകട സാധ്യതകൾ മനസിലാക്കി സ്വയം നിഗമനത്തിൽ എത്തുക.
ഈ ഐപിഒയെ പറ്റിയുള്ള നിങ്ങളുടെ അഭിപ്രായം എന്താണ്? കമന്റ് ചെയ്തു അറിയിക്കുക.
