ഇൻഷുറൻസ് ബൈ ചെയ്യുന്നത് അപ്രതീക്ഷിതമായി വരുന്ന ആപത്തുകളിൽ നിന്നും പ്രശനങ്ങളിൽ നിന്നും നിങ്ങളെ സാമ്പത്തികമായി രക്ഷപ്പെടുത്തും. പെട്ടന്ന് ഉണ്ടാകുന്ന ഏതൊരു നഷ്ടവും ഇൻഷുറൻസ് കവർ ചെയ്യും. നിക്ഷേപ ഗുണങ്ങളും ഇൻഷുറൻസും ഒരുമിച്ചുള്ള സാമ്പത്തിക ഉത്പ്പന്നത്തെ പറ്റിയാണ് മാർക്കറ്റ്ഫീഡ് ഇന്ന് ചർച്ചചെയ്യുന്നത്.
യൂണിറ്റ് ലിങ്ക്ഡ് ഇൻഷുറൻസ് പ്ലാൻസ് അഥവ യുഎൽഐപി എന്നത് ഒരേ സമയം ഇൻഷുറൻസും നിക്ഷേപ സേവനങ്ങളും നൽകി വരുന്നു. ഇതിലൂടെ ഇൻഷുറൻസ് എടുക്കുന്നവർക്ക് ഓരേ സമയം ഇക്യുറ്റി, ഡെറ്റ് ഫണ്ടുകളിൽ നിക്ഷേപം നടത്താനും ഒപ്പം തന്നെ ഇൻഷുറൻസിന്റെ പരിരക്ഷയും ലഭിക്കുന്നു.
പ്രവർത്തന രീതി?
നിങ്ങൾ യുഎൽഐപി വാങ്ങുകയും കൈവശം വയ്ക്കുകയും ചെയ്താൽ സ്ഥിരമായി പ്രീമിയം അടയ്ക്കേണ്ടതുണ്ട്. ഈ നൽകുന്ന പ്രീമിയത്തിന്റെ ഒരു ഭാഗം ഇൻഷുറൻസ് കവറേജിലേക്കായി മാറ്റി വയ്ക്കും. അധികം വരുന്ന തുക ഓഹരികളിലേക്കും ഡെറ്റ് ഫണ്ടിലേക്കും ഹൈബ്രിഡ് ഫണ്ടിലേക്കും പോളിസി ഹോൾഡറുടെ പേരിൽ നിക്ഷേപിക്കും. [ഒരു പ്രത്യേക അനുപാതത്തിൽ ഇക്വിറ്റി, ഡെറ്റ് സെഗ്മെന്റുകൾ എന്നിവയുടെ മിശ്രിതത്തിൽ നിക്ഷേപിക്കുന്ന ഒരു സാമ്പത്തിക ഉപകരണമാണ് ഹൈബ്രിഡ് അഥവ ബാലൻസ്ഡ് ഫണ്ട്.] എല്ലാ പോളിസി ഹോൾഡർമാരുടെയും നിക്ഷേപങ്ങൾ ഒരു പ്രൊഫഷണൽ ഫണ്ട് മാനേജരാകും നോക്കി നടത്തുക.
മാർക്കറ്റിന്റെ അവസ്ഥയ്ക്ക് അനുസരിച്ച് ഇക്യുറ്റി ഡെറ്റ് ഫണ്ടുകളിലെ നിക്ഷേപം പരസ്പ്പരം മാറ്റാൻ യുഎൽഐപി അനുവദിക്കുന്നു. ഇതിലൂടെ ലഭിക്കുന്ന വരുമാനത്തിന് മേൽ മ്യൂച്ചൽ ഫണ്ടിന് നികുത്തി അടയ്ക്കുന്ന അതേ രീതിയൽ തന്നെ നികുതി അടയ്ക്കാവുന്നതാണ്.
നികുതി ആനുകൂല്യങ്ങൾ
യുഎൽഐപി നിക്ഷേപത്തിലുടെ ലഭിക്കുന്ന പണത്തിന് മേൽ ആദായ നികുതി ആക്ട് 80C പ്രകാരം 1.5 ലക്ഷം രൂപ വരെയുള്ള നികുതി ഇളവ് നേടാനാകും. പോളിസിയിൽ നിന്നുള്ള റിട്ടേണുകൾ കാലാവധി പൂർത്തിയാകുമ്പോൾ 2.5 ലക്ഷം വരെയാണെങ്കിലും നികുതിയിൽ നിന്ന് ഒഴിവാക്കിയിട്ടുണ്ട്. യുഎൽഐപി നിക്ഷേപകൻ ഈ കാലയളവിൽ മരണപ്പെട്ടാൽ പോളിസി പ്രകാരം നോമിനിക്ക് ആനുകൂല്യങ്ങൾ ലഭിക്കും. മരണത്തിന്റെ ഭാഗമായി ലഭിക്കുന്ന തുകയും നികുതിയിൽ നിന്നും ഒഴിവാക്കിയിട്ടുണ്ട്.
കാലാവധിയും മറ്റു അനുബന്ധ നിരക്കുകളും
യുഎൽഐപി അഞ്ച് വർഷത്തെ നിർബന്ധിത ലോക്ക്-ഇൻ കാലയളവിലാണ് വരുന്നത്. ഇതിന് അർത്ഥം നിക്ഷേപം തുടങ്ങിയ ശേഷം അഞ്ച് വർഷത്തിന് ശേഷം മാത്രമെ നിങ്ങൾക്ക് നിങ്ങളുടെ നിക്ഷേപം പിൻവലിക്കാൻ സാധിക്കുകയുള്ളു എന്നതാണ്. ഇതിന് മുമ്പായി പണം തികികെ എടുക്കുന്നതിനായി വ്യവസ്ഥകൾ ഒന്നും തന്നെയില്ല. അഞ്ച് വർഷത്തിന് ശേഷം നിങ്ങൾക്ക് മുഴുവൻ തുകയും പിൻവലിക്കാവുന്നതാണ്. യുഎൽഐപി എന്നത് ഇൻഷുറൻസും നിക്ഷേപവും ഒരുമിച്ച് ഉള്ളതിനാൽ തന്നെ സാധാരണ നിലയിൽ ഒരാൾ കുറഞ്ഞത് 15 വർഷമെങ്കിലും ഇതിൽ നിക്ഷേപം നടത്തുന്നതാണ് നല്ലത്.
ഇതിനായി ഫണ്ട് മാനേജർമാർ 1.05 ശതമാനം മുതൽ 2.25 ശതമാനം വരെ വാർഷിക ചാർജുകൾ ഈടാക്കിയേക്കാം.
യുപിഐഎല്ലിൽ നിക്ഷേപിക്കുന്നതിന് മുമ്പായി തന്നെ വിശദമായ പഠനം നടത്തി നഷ്ട സാധ്യത മനസിലാക്കി മാത്രം നിക്ഷേപിക്കുക.
